ULANGENG 15:2 - KITTA KAREBA MADECENG

² Makkuwaiyé carana. Tungke' tau Israél iya mappainrengengngéngngi dowina lao ri tau sibangsana, harusu'i naledda iyaro inrengngé, nasaba manuru apettunna muto Puwangnge iyaro inrengngé purani riledda, jaji dé'na nawedding risinge'na.

ULANGENG 15:2 ပူးပေါင်းရင်းမြစ်များ

NEHEMIA 10:31

Rékko engka bangsa laing maélo mabbalu gandong iyaré'ga muwi barang aga lao ri idi ri esso Saba'é iyaré'ga ri esso mapaccing laingngé, dé' tamaélo melliwi. Ri tungke' taung mapitué, dé' tamaélo jamai dare'é sibawa massinge inreng.

YESAYA 58:3

Makkutanai iyaro bangsaé, “Aga akkégunana mappuwasa rékko dé' naitai Puwangnge? Aga gunana tapakariyawai alé rékko dé' Najampangiki?” Makkedai Puwangnge, “Sitongenna, ri wettu mappuwasamu, sappako asarong riyalé sibawa para'i sining tau mupagajiyé.

MATIUS 6:12

Addampengekki polé ri asalatta, pada-padato pura riyaddampengenna tau iya pasalaé ri idi.

LUKAS 7:42

Iya duwaro dé' naulléi paleppe'i inrenna, narileddana iyaro inrenna. Nah, niga ri yelle'na iya duwa tauwéro kaminang mamaséiwi matu tau iya mappainrengngéro dowi?”

ULANGENG 15:1

“Tungke' cappa taung mapitué harusu'ko pakangka alleddangeng inreng.

ULANGENG 15:3

Weddikko singe'i dowi iya muwappainrengengngé lao ri tau laingngé, iyakiya dé' nawedding musinge'na dowi iya muwappainrengengngé lao ri tau sibangsamu.

ULANGENG 31:10

Naparéntanni mennang, “Ri cappa'na tungke' pitu taung, ri laleng taung pappaledda inrengngé ri pésta Kalampang Daud-daungngé,

YAKOBUS 2:13

Saba' dé' nappaitangngi matu Allataala paressé babuwana lao ri tau iya dé'é naissengngi paressé babuwaé. Iyakiya lebbi mawatangngi paressé babuwaé naiya pahukkungengngé!