ULANGENG 15:11 - KITTA KAREBA MADECENG

¹¹ Ri yelle'na tau Israélié tuli engka siyagangngaré tau iya kasiyasié sibawa akurangengngé. Rimakkuwannanaro uparéntakko untu' makacuwa lao ri mennang.”

ULANGENG 15:11 ပူးပေါင်းရင်းမြစ်များ

ASSURENG 23:11

Iyakiya ri taung iya mapitué iyaro tanaé harusu'i muleppessang. Ri lalenna iyaro taungngé dé' nawedding mupaddeppungeng aga iya natuwongngé aléna ri dare'mu. Leppessangngi iyaro untu' tau kasiyasié, na sésana untu' olokolo liyaé. Ebbu towi makkuwaro sibawa palla anggoro'mu nenniya sining pong zaitummu.

AMSAL 19:17

Tulungngi tau kasiyasié pada muwi mappainreng lao ri Puwangnge; Puwangnge matti mpale'i matu.

AMSAL 22:2

Tau sugié sibawa tau kasiyasié mappunnaiwi séddi gau' iya padaé: Puwangnge ritu pancaji manengngi mennang.

AMSAL 31:20

Dé' namasékké lao ri iya akurangengngé; makessing atiwi lao ri iya mapparelluwangngé pattulung.

YEHEZKIEL 18:7

Dé' naengka napabengnguwang iyaré'ga marrampo. Barab-barang boro'na tau iya makkinrengngé ri aléna tuli napalisui. Tau iya alupurengngé napanréi sibawa tau iya dé'é nappunnai waju, nawéréngngi pakéyang.

MATIUS 26:11

Tau kasiyasié tuli engkai ri yelle'mu, iyakiya Iyya dé' utuli sibawakko.

MATIUS 5:42

Rékko engka séuwa naéllau tauwé ri iko, wéréngngi siya. Sibawa aja'to musampéyangngi tau iya maéloé minreng séuwa ri iko.”

MARKUS 14:7

Tau kasiyasié tuli engkai ri yelle'mu. Tungke' wettu rékko maéloko, wedding mutulung mennang. Iyakiya Iyya dé' namatteru-teru-Ka sibawakko.

LUKAS 12:33

Balu'ni appunnangemmu, namuwéréngngi ellinna tau kasiyasié. Ebburengngi alému tase'-tase' iya dé'é nawedding malaung, iyanaritu waramparang ritaroé ri surugaé. Iyaro waramparangngé dé' naulléi teddéng nasaba dé' naulléi pangaé malai sibawa dé' naulléi solangi karat.

YOHANES 12:8

Tau kasiyasié tuli engkai ri yelle'mu, iyakiya Iyya dé'.”

RIWAYA'NA RASUL-RASUL-E 2:45

Barab-baranna sibawa waramparanna, nabalu'i mennang, nainappa nabagé-bagé dowina ri yelle'na maneng mennang situru apparelluwanna tungke'-tungke'.

ULANGENG 15:7

Rékko matti monrono ri wanuwa iya nabbéréyangngé Puwang Allataalamu lao ri iko, nainappa ri sala séddinna kotamu engka tau sibangsamu iya akurangengngé, aja' mupentingkangngi alému bawang sibawa dé' mumaélo bantui.

ULANGENG 15:8

Sibalé'na, harusu'ko makacuwa sibawa painrengiwi iyaro tauwé singngéga iya napparelluwangngé.