ULANGENG 15:10 - KITTA KAREBA MADECENG

¹⁰ Wéréngngi sibawa masennang ati enrengngé macenning, na Puwang Allataalamu barakkakiwi matu sininna usahamu.

ULANGENG 15:10 ပူးပေါင်းရင်းမြစ်များ

AMSAL 22:9

Tau iya makessing atié ribarakkakiwi ri Puwangnge, nasaba natawai dallé'na sibawa tau iya akurangengngé.

PAKKATOBBA 11:1

Tanengngi dowimu ri laleng usahaé ri saliwempanuwa. Pasti lolongekko saro ri munri.

YESAYA 32:8

Iyakiya tau iya malempué akkalenna narancanai gau'-gau' iya malempué nenniya tinda'i sibawa malemputo.

YESAYA 58:10

Panréi tau malupué sibawa tulungngi sining tau iya ritenre'é. Rékko mupogau'i makkuwaéro, pettangngé ri seddému mancajiwi matu sittajang essoé.

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

RIWAYA'NA RASUL-RASUL-E 20:35

Ri laleng sininna gau'é purano uwéréng conto, makkedaé ri laleng majjama marejjing pada-pada iyaé harusu'ki tulungngi sining tau iya dé'é namawatang. Nasaba harusu'ki méngngerangngi aga pura napowada Puwang Yésus, ‘Lebbi masennang muwi mabbéré naiya mattarimaé.’ ”

ROMA 12:8

Tau iya mappunnaiyé wéré untu' mpéréngngi sumange' tau laingngé, iyaro tauwé harusu'i tonget-tongeng mpéréngngi sumange' tau laingngé. Tau iya mappunnaiyé wéré untu' mpéréngngi tau laingngé aga iya nappunnaiyé, iyaro tauwé harusu'i napogau' iyaro sibawa malabo iya sitinajaé. Tau iya mappunnaiyé wéré untu' mappimping, iyaro tauwé harusu'i tonget-tongeng mappimping. Tau iya mappunnaiyé wéré untu' mappaitangngi paressé babuwaé lao ri tau laingngé, iyaro tauwé harusu'i napogau' sibawa masennang ati.

ULANGENG 14:19

Sininna serangga makképannié iyanaritu harangngi, jaji dé' nawedding riyanré.

ULANGENG 14:29

Iyaro inanré untu' tau Léwié, nasaba dé' nappunnai mennang tana, na untu' taung laingngé, ana' béué sibawa sining jandaé iya tuwoé ri kota-kotamu. Weddingngi mennang polé sibawa malai sininna iya napparelluwangngé mennang. Rékko mupogau'i makkuwaéro, Puwang Allataalamu barakkakiwi sininna usahamu.”

ULANGENG 15:18

Rékko mupamaradékai séddié ata, aja' mumarasa massesse kalé, saba' enneng taung ittana purani mappallaungekko sibawa sitengnga gaji séddié pattumani. Pogau'i paréntaé, nanabarakkakiko matu Puwang Allataalamu ri sininna usahamu.”

ULANGENG 15:4

Puwang Allataalamu barakkakiko matu ri wanuwa iya Nawéréngngékko. Na ri yelle'na bangsamu dé'na matu tau kasiyasi,

ULANGENG 24:19

Rékko mupaddeppungengngi wassélé tanamu, aja' mulisu untu' malai wessé gandong iya musalaiyé. Iyaro gandongngé harusu'i rileppessang untu' tau laingngé, ana' béué sibawa sining jandaé, kuwammengngi naribarakkakiko ri Puwang Allataalamu ri laleng sininna usahamu.

ULANGENG 28:8

Puwang Allataalamu matu barakkakiwi usahamu sibawa lisekiwi sining lappomu sibawa gandong. Nabarakkakiko matu ri wanuwa iya Nawéréngngékko.

IBRANI 13:16

Aja' muwallupaiwi pogau'i makessingngé sibawa sisullé situlung, saba' iyanaé sining akkarobangeng iya pésennangiyéngngi atinna Allataala.

1 PETRUS 4:11

Tau iya mappalettu'é biritta, harusu'i palettu' biritta polé ri Allataala; tau iya tumaningiyéngngi tau laingngé, harusu'i natumaningi sibawa awatangeng polé ri Allataala, kuwammengngi ri laleng sininna gau'é, weddingngi ripakaraja Allataala naolai Yésus Kristus. Aléna ritu makuwasa sibawa sipato' ripakaraja lettu mannennungeng. Aming.