ULANGENG 13:9 - KITTA KAREBA MADECENG

^9-10 Harusu'i rigenrung batu gangka maté. Iko harusu'i pammulaiwi genrungngi, naccowéri sininna ra'ya'é. Tau iya pasalaéro harusu'i riyuno, saba' maéloi pabélaiko polé ri Puwang Allataalamu iya paleppe'ékko polé ri angatangengngé ri Maséré.

ULANGENG 13:9 ပူးပေါင်းရင်းမြစ်များ

ANGIMANGENG 24:14

“Tiwii iyaro tauwé massu ri akkémangngé. Tungke' tau iya puraé méngkalingai mattanro, harusu'i palénne'i limanna ri tompo ulunna tauwéro untu' mabbéré asabbing makkedaé pasalai. Nainappa sininna umma'é harusu'i genrungngi batu gangka maté.

MATIUS 10:37

Tau iya mamaséiyéngngi ambo'na iyaré'ga indo'na lebbi na Iyya, dé' nasitinaja mancaji ana' guruk-Ku. Makkuwatoro tau iya mamaséiyéngngi ana' worowanéna iyaré'ga makkunrainna lebbi na Iyya.

LUKAS 14:26

“Rékko poléi tauwé ri Iyya, iyakiya lebbi namaséiwi indo'na, ambo'na, bainéna, ana'-ana'na, silessu-silessurenna, mala alénato, dé' nawedding mancaji ana' guruk-Ku.

YOHANES 8:7

Wettunna mennang maddessa matteru, congani nakkeda lao ri mennang, “Tau iya dé'é nappunnai dosa ri yelle'mu, iyanaritu bunge' genrungngi batu iyaro makkunraié.”

RIWAYA'NA RASUL-RASUL-E 7:58

Nassarénréngenni massu ri saliweng kota nainappa nagenrung batu. Sining tau iya sabbingngéngngi iyaro kajajiyangngé nappaddettangenni pakéyanna mennang riséddié kallolo riyasengngé Saulus.

ULANGENG 25:12

rette'i limanna iyaro makkunraié sibawa aja' mukasiyangiwi.

ULANGENG 7:16

Tungke' bangsa iya nabbéréyangngé Puwang Allataalamu ri laleng akuwasammu harusu'i mupabbinasa; aja' muwappaitang paressé babuwa lao ri mennang. Aja' musompai déwata-déwatana mennang, nasaba iyaro pangkaukengngé mappapoléi acilakang lao ri iko.

ULANGENG 7:2

Rékko nabbéréyangngi Puwang Allataalamu iyaro bangsa-bangsaé ri laleng akuwasammu sibawa mucaui mennang, uno manengngi mennang. Aja' muwamaséiwi mennang iyaré'ga mébbu assijancing sibawa mennang.