ULANGENG 13:6 - KITTA KAREBA MADECENG

^6-7 Rékko silessuremmu iyaré'ga ana'mu worowané iyaré'ga makkunraié, iyaré'ga bainému iya mupojiyé, iyaré'ga sellaomu iya maréppé'é mammekko-mekkoi palécéko untu' massompa déwata-déwata laing iya dé'é muwissengngi sibawa dé'é naissengngi toriyolomu, déwata-déwata polé ri bangsa-bangsa iya macawé'é sibawa mabélaé monro,

ULANGENG 13:6 ပူးပေါင်းရင်းမြစ်များ

KAJAJIYANG 16:5

Nanakkeda Sarai lao ri Abram, “Purani uwabbéréyang Hagar atakku lao ri iko, nasipongenna naisseng makkedaé mattampu'i, napakariyawaka. Asalammu iyaro. Tennapodo Puwangnge pettuiwi iyaé parakaraé ri yelle'ta.”

2 SAMUEL 1:26

Yonatan, éh saudaraku, messé atikku, saba' mangke senna'ko ri aléku. Malebbi senna pammasému lao ri iyya, mala nacau pammaséna makkunraié.

1 ARUNG-NGARUNG 18:40

Namakkedana Elia, “Tikkengngi nabi-nabi Baal-éro! Aja' muleppessangngi muwi séddi tau leppe!” Nanatikkenni sining tauwé nabi-nabi Baal-éro, nainappa Elia tiwii mennang ri Salo Kison nakkuwaniro nauno maneng mennang.

2 ARUNG-NGARUNG 11:18

Purairo malluruni ra'ya'é sibawa ruttungngi bola-bolana Baal. Naancuru'i mézbana sibawa dato-dato'na, enrengngé Matan, imanna Baal naunoi ri yolona sining mézbaéro. Nasuroni Yoyada pengawal-é untu' jagaiwi Bolana Puwangnge,

2 TAWARIKH 15:13

Macowa iyaré'ga malolo, worowané iyaré'ga makkunrai, iya dé'é natuwo situru élona Puwangnge pasti rihukkung matéi.

2 TAWARIKH 23:17

Purairo malluru manenni mennang sibawa ruttungngi bolana Baal. Mézba silaong dato-dato'na naancuru'i, nanaunoi Matan, Imanna Baal ri yolona mézba-mézbaéro.

AYUB 31:27

Dé' naengka utattaré ri aléna, iyaré'ga bauwi limakku untu' pakalebbii.

ASSURENG 13:3

Makkedani Musa lao ri bangsa Israélié, “Iyaé essoé Puwangnge paleppe'ko sibawa akuwasan-Na iya battowaé, angkanna mulléi massu polé ri Maséré, onrommu ripowata. Rimakkuwannanaro, paréngngerangiwi iyaé essoé. Aja'na muwanré roti iya engkaé raginna.

ASSURENG 32:27

namakkeda lao ri mennang, “Puwang Allataalana Israélié paréntakko tungke'-tungke' untu' rampui peddammu namujoppa molai akkémangngéwé, polé ri gerbangngéwé lettu ri gerbang iya laingngé namuwuno towi saudara-saudaramu, sahaba'-sahaba'mu sibawa balibola-balibolamu.”

AMSAL 18:24

Engka sahaba iya dé'é namatinulu, engkato iya lebbi maréppé'é naiya silessurengngé.

AMSAL 5:20

Aga akkégunanna mannapessu lao ri makkunrai laingngé, ana'ku? Untu' aga lusérengngi makkunrai mabettaé?

YEREMIA 28:15

Iya manennaro upalettu'i lao ri Hananya, nainappa makkedasika, “Engkalingai, éh Hananya! Dé' nasuroko Puwangnge; purani muwébbu iyaé bangsaé mateppe lao ri ada bellé.

YEREMIA 28:16

Rimakkuwannanaro aléna Puwangnge makkeda makkedaé Napallennye'ko matu polé ri tompo'na linoé. Iyato taungngéwé mumaté matu, saba' purai musuro bangsaéwé méwai Puwangnge.”

YEREMIA 44:3

Kajajiyangngi iyaro gau'é nasaba madosai pabbanuwana, angkanna naébbu-Ka macai. Makkasuwiyangngi mennang akkarobangeng sibawa mattumaniwi lao ri déwata-déwata iya dé'éppa naengka nasompai mennang, iko iyaré'ga toriyolomu.

ZAKHARIA 13:3

Narékko engka mupa tau makkeda makkedaé palettu'i paseng, ambo' indo'na muto powadangngi matu makkedaé harusu'i rihukkung maté, saba' iya napowadaé iyanaritu bellé. Rékko tette'i nangakui aléna selaku nabito, rigajangngi matu gangka maté ri ambo'na sibawa indo'na muto.

2 KORINTUS 5:16

Rimakkuwannanaro, dé'na taangke'i tauwé situru ukkurang tolinoé. Mémeng engka naengka nariyangke Kristus polé ri tolinona, iyakiya makkekkuwangngé dé'na.

GALATIA 2:4

namuni engka sining tau iya maddessakengngéngngi gau'éro. Mennang iyanaritu sining tau maccelle'é ri laleng golongetta sibawa mallarikkodo selaku saudara. Muttama'i mennang sibawa mammekko-mekko untu' salidikiwi alaluwasang iya engkaé ri idi nasaba masséddiki sibawa Kristus Yésus. Maéloi mennang palisuki ri laleng keadaang bunge'-bunge'na selaku ata,

EFESUS 4:14

Na dé'na tancaji ana'-ana'na iya kaléwa'-kaléwa'é sibawa iya kacowé-cowéé ritiwi ri pangarunna maddupa-rupang pappagguruwang polé risining tau iya maccaé. Napapusai mennang tauwé sibawa belléna.

ULANGENG 11:32

harusu'ko turusiwi sininna hukkung iya upalettukengngékko essoéwé.”

ULANGENG 13:2

sibawa akkatta kuwammengngi mumassompa sibawa mattumani lao ri déwata-déwata iya dé'é naengka muwissengngi, muwi aga iya najjanciyangngéro tonget-tongengngi kajajiyang,

ULANGENG 17:12

Nigi-nigi barani méwai hakingngé iyaré'ga imang iya nakennaé jamang, harusu'i rihukkung maté; nanallalengiwiro mupallennye'i jaé ri Israélié.

ULANGENG 18:20

Iyakiya rékko séddié nabi barani palettu séuwa paseng ri laleng asek-Ku padahal dé' Usuroi pogau'i makkuwaéro, harusu'i maté; makkuwatoro tungke' nabi iya mabbicaraé ri laleng asenna déwata-déwata laingngé harusu'i maté.’

ULANGENG 19:19

harusu'i tanggungngi pahukkungeng iya riyakkattaiyé untu' balinnaro. Nanallalengiro mupallennye'i iyaro jaé.

ULANGENG 21:21

Nainappa sining tau worowané polé ri kotaéro harusu'i genrungngi iyaro ana'é sibawa batu narapi maté. Nanallalengiro mupallennye'i iyaro jaé. Sininna tau Israélié méngkalingai matu passalenna kajajiyangngéro namancaji métau.”

ULANGENG 22:21

iyaro makkunraié harusu'i ritiwi ri sumpang bolana tomatowanna. Ri onrongngéro sining tau worowané polé ri kotaéro harusu'i genrungngi sibawa batu gangka maté. Iyaro makkunraié purani napogau' séuwa iya pakasiriéngngi bangsata nasaba kédosalai ri wettu dé'napa nakawing ri wettu monrona mupa ri bolana ambo'na. Ri laleng rihukkunna mupallennye'i iyaro jaé.

ULANGENG 24:7

Tau iya culi'éngngi tau sibangsana, nainappa nagaukeng selaku ata iyaré'ga balu'i, harusu'i rihukkung maté. Nanallalengiwiro mupallennye'i iyaro jaé.

ULANGENG 28:54

Mala muwi arung iya kaminang makessingngé akkalenna pettu paddennuwangngi matu ri wettu akkeppungengngéro, angkanna nanréi ana'-ana'na nasaba dé' gaga inanré laing. Muwi céddé dé'to nawéréngngi silessurenna iyaré'ga bainéna iya napojiyé iyaré'ga ana'-ana'na iya tuwoé mupa.

ULANGENG 29:18

Jaji jagaiwi aja' narapii muwi séddi tau ri yelle'mu, worowané iyaré'ga makkunrai, kaluwarga iyaré'ga suku iya tettongngé kuwaé, balé'i polé ri Puwang Allataalata untu' massompa ri déwata-déwatana bangsa laingngé. Iyaro pangkaukenngé pada-padai ure' iya tuwoé mancaji tanet-taneng mapai sibawa makkéracungngé.

ULANGENG 8:14

jagaiwi madécéd-décéng kuwammengngi aja' mumancaji matempo sibawa mallupaiwi Puwang Allataalamu iya paleppe'ékko polé ri Maséré, onrommu ripowata.

KOLOSE 2:4

Uwappaissengengngi iyaé kuwammengngi aja' naribengnguwakko muwi riniga iya macenningngé témunna lao ri iko.

YOSUA 7:13

Oto'no makkekkuwangngé, Yosua! Paccingiwi umma Israélié sibawa suroi mennang sadiya untu' mangolo ri Iyya. Paréntangngi mennang untu' sadiya-sadiya baja, saba' Iyya Puwang Allataalana Israélié maélo powadai iyaé lao ri mennang: ‘Eh sining tau Israélié! Barab-barang iya puraé Uparéntakko untu' riyancuru, engkai sibagiyang ri iko. Ri wettu dé'napa muwabbéyangngi iyaro barab-barangngé, dé' mulléi matu mattahang méwai balié!’

2 PETRUS 2:1

Ri wettu labe'é ri yelle'na umma'na Allataala momponi nabi-nabi palsué. Makkuwatoro ri yelle'mu mompoi matu guru-guru palsué. Naputtama'i matu mennang sining pappagguruwang iya dé'é natongeng, iya solangiyéngngi tauwé. Sibawa nassakkarengngi matu mennang Panguwasa iya puraé paleppe'i mennang. Nanallalengiro papoléi mennang abinasang ri aléna, iya kennaéngngi mennang sibawa masitta'.

WAHYU 12:9

Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.

WAHYU 13:14

Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.

WAHYU 20:3

Nainappa iyaro malaéka'é nabuwang iyaro nagaé ri laleng balorang amaténgngé, nainappa nagoncing iyaro peppingngé sibawa naségélé', kuwammengngi iyaro nagaé dé'na naulléi bengnguwangngi bangsa-bangsaé sisebbu taung ittana, riwettu dé'napa nacappu. Purairo harusu'i rileppessang untu' wettu iya dé'é namaitta.

HAKING-HAKING 10:6

Madosasi paimeng umma Israélié lao ri Puwangnge. Dé' mennang najampangiwi Puwangnge sibawa dé'tona nasompani Aléna. Nasompai mennang déwata-déwata Baal sibawa Asytorét, nenniya déwata-déwatana bangsa Siria, Sidon, Moab, Amon sibawa Filistin.

HAKING-HAKING 20:13

Abbéréyangngi iyaro sining tau benna'é polé ri Gibéa lao ri idi kuwammengngi taunoi mennang nanallalengiwiro ripallennye'i iyaro jaé polé ri tengnga-tengngana Israélié.” Iyakiya dé' nabati-batiwi tau Bényamingngé ada-adanna tau Israélié iya laingngéro.

HAKING-HAKING 5:8

Wettunna Israél mammula massompa déwata, poléni musué ri wanuwanna mennang; ri yelle'na 40.000 pahlawang bangsa, dé' muwi séddi tau makka senjata.

1 SAMUEL 18:1

Puranana Saul sibawa Daud mabbicara-bicara, riyakkani Daud mancaji pegawénna sibawa mappammulai wettuéro dé'na naripalalo lisu ri bolana tomatowanna. Yonatan ana' worowanéna Saul, naéngkalingani assipabbicarangngéro. Tattaré toni ri Daud, sibawa mamaséiwi pada-pada aléna muto.

1 SAMUEL 18:3

Rimakkuwannanaro mattanroni Yonatan maélo massellao sibawa Daud mannennungeng.

1 SAMUEL 20:17

Jaji untu' mabbékkaduwanna Yonatan suroi Daud majjanci maélo mamaséiwi, saba' namaséiwi Daud pada-pada aléna muto.