ULANGENG 13:4 - KITTA KAREBA MADECENG

^4-5 Tau makkuwaéro harusu'i rihukkung maté, nasaba maéloi papusako polé ri laleng iya naparéntangngékko Puwang Allataalamu. Aléna iyanaritu tau maja nasaba nasuroko maronta lao ri Puwang Allataalamu iya paleppe'ékko polé ri Maséré, onrommu ripowata. Jaji harusu'i riyuno, kuwammengngi naripallennye iyaro jaé. Iyakiya iko sitinajako maccowériwi Puwang Allataalamu sibawa mupakalebbi-Na; turusiwi Aléna sibawa pogau'i sininna parénta-Na. Tette'no matinulu sibawa mattumani lao ri Aléna.

ULANGENG 13:4 ပူးပေါင်းရင်းမြစ်များ

YEREMIA 7:23

Banna uparéntangngi mennang untu' turusi-Ka kuwammengngi Umancaji Allataalana mennang, na mennang mancaji umma'-Ku. Usuroi mennang tuwo situru parénta-parénta-Ku kuwammengngi namasennang mennang.

MIKHA 6:8

Dé'! Puwangnge pura pannessai lao ri idi aga iya makessingngé. Iya Natuntu'é polé ri idi iyanaritu kuwammengngi nakédo adélé'ki, tuli makkammalakengngi pappoji pammasé, enrengngé mariyawa ati tuwo masséddi sibawa Allataalata.

LUKAS 1:6

Atuwonna mallaibinéro napésennangiwi atinna Allataala. Iya duwa naturusiwi sininna paréntaé sibawa Hukkunna Puwangngé sibawa tonget-tongeng.

ROMA 6:13

Aja'to muwabbéréyangngi anggota tubummu lao ri akuwasanna dosaé untu' riyakkégunang lao ri akkatta-akkatta majaé. Iyakiya abbéréyangngi alému lao ri Allataala selaku sining tau iya puraé ripalétté polé ri amaténgngé lao ri atuwongngé. Abbéréyang manengngi alému lao ri Allataala kuwammengngi nariyakkégunang untu' élona Allataala.

1 KORINTUS 6:17

Iyakiya tau iya passéddiyéngngi aléna sibawa Puwangngé, Rohna Puwangngé sibawa rohna tauwéro mancaji séddiwi.

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

ULANGENG 11:1

“Eloriwi Puwang Allataalamu, sibawa tuli turusiwi sininna parénta-Na.

ULANGENG 30:20

Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”

ULANGENG 6:13

Pakalebbii Puwang, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

ULANGENG 6:5

Amaseiwi Puwang Allataalamu sibawa sukku atimmu: Appaitangngi iyaro ri laleng cara atuwommu sibawa ri laleng pangkaukemmu.

KOLOSE 1:10

Nanallalengiwi muwulléi tuwo situru élona Allataala, sibawa tuli pésennangiwi atin-Na, angkanna ri laleng sininna séuwa-séuwaé muwulléi powassélé' gau'-gau' iya makessingngé. Sibawa pangissengemmu passalenna Allataala tattamba towi matu.

2 YOHANES 1:6

Mamaséiwi bettuwanna tuwo manuru' parénta-paréntana Allataala. Na parénta iya puraé muwéngkalinga ri pammulanna mupa iyanaritu harusu'ko tuwo sibawa mamaséiwi séddié lao ri laingngé.

1 SAMUEL 7:3

Namakkedana Samuél lao ri umma Israélié, “Rékko maéloko lisu ri Puwangnge nenniya sompai Aléna sibawa sukku atimmu, harusu'ko mabbéyangngi sininna déwata laingngé sibawa dato'-dato'na Déwi Asytorét. Abbéréyang sisengngi alému lao ri Puwangnge sibawa massompa ri Aléna bawang, nanapaleppe'ko matu polé ri tau Filistingngé.”