ULANGENG 13:3 - KITTA KAREBA MADECENG

³ aja' mupuriyatiwi. Puwang Allataalamu pakéi iyaro tauwé untu' cobaiko, untu' mitai aga tonget-tongekko pojiwi Puwangnge sibawa sukku iyaré'ga dé'.

ULANGENG 13:3 ပူးပေါင်းရင်းမြစ်များ

1 ARUNG-NGARUNG 13:19

Namaccowéna iyaro nabi polé ri Yéhuda lao ri bolana nabi cowaéro sibawa sisama manré.

MAZMUR 119:2

Masennangngi tau iya maccowériyéngngi parénta-Na, sibawa sukkui atinna makkuraga missengngi Puwangnge.

MAZMUR 66:10

Oh Allataala, Iko pura mojiki pada-pada tau patuléngngéngngi péra'é ri laleng apié.

MAZMUR 81:7

“Purani uwakka tiwi polé ri salangkammu, sibawa leppessangngi baka lémparengngé polé ri limammu.

ASSURENG 20:20

Nappébali Musa, “Aja' mumétau. Poléi Allataala banna untu' cobaiko kuwammengngi mutette turusiwi, sibawa dé' mumadosa.”

YESAYA 8:20

Baliwi makkuwaé, “Engkalingai pappagguruwanna Puwangnge! Tau iya dé'é nabbicara situru sibawa pappagguruwangngéro, dé' nappunnai amménasang.”

MATIUS 24:24

Saba' mompoi matu pappassalama'-pappassalama' palsué sibawa nabi-nabi palsué. Napogau'i matu gau'-gau' iya makalallaingngé sibawa mappahérang-hérangngé untu' pabengnguwang, naullé umma'-Na muto Allataala.

RIWAYA'NA RASUL-RASUL-E 17:11

Sining tauwé ri Béréa lebbi tabbukkai atinna naiya sining tauwé ri Tésalonika. Masennang atinna mennang méngkalingai karébaé passalenna Yésus, na esso-esso mennang salidikiwi Kitta'é untu' missengngi tongegga iyaro pappagguruwanna Paulus.

1 KORINTUS 11:19

Mémeng siratang rékko mompoi sala pahang ri yelle'mu, kuwammengngi napaita matti niga-nigana tau Kristéng iya tongengngé.

2 KORINTUS 8:8

Dé' uwappétangnarengngi iyaro selaku séddi parénta. Iyakiya mappaitangngi pékkugi patona sining tau laingngé tulungngi padanna, macinna tokka missengngi gangka kégi pammasému.

EFESUS 4:14

Na dé'na tancaji ana'-ana'na iya kaléwa'-kaléwa'é sibawa iya kacowé-cowéé ritiwi ri pangarunna maddupa-rupang pappagguruwang polé risining tau iya maccaé. Napapusai mennang tauwé sibawa belléna.

ULANGENG 6:5

Amaseiwi Puwang Allataalamu sibawa sukku atimmu: Appaitangngi iyaro ri laleng cara atuwommu sibawa ri laleng pangkaukemmu.

ULANGENG 8:16

Ri padang kessi'é Nawérékko manna untu' inanrému, inanré iya dé'é naissengngi néné-nénému. Napogau'i Puwangnge iyaro untu' cobaiko sibawa pakariyawai atimmu, kuwammengngi paccappurenna weddingngi Napogau' madécéngngé lao ri iko.

ULANGENG 8:2

Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

2 TESALONIKA 2:11

Iyanaro saba'na na Allataala napapoléngengngi mennang séuwa akuwasang iya papusaéngngi mennang, angkanna mateppe'i mennang lao ri aga iya dé'é natongeng.

1 YOHANES 2:19

Iyaro sining Balinna Kristus iyanaritu sining tau iya salaiyékki, nasaba sitongenna mennang mémeng tenniya sining tautta. Rékko mennang sining tautta, tentu mennang tette'i sibawa idi. Iyakiya nasalaiki mennang, kuwammengngi namanessa makkedaé dé' muwi séddi polé ri mennang iya tonget-tongengngé muttama ri golongetta.

1 YOHANES 4:1

Saudara-saudara iya upojiyé! Aja' mumateppe lao ri sininna tauwé iya mangakué mappunnai Rohna Allataala, iyakiya ojiwi mennang riyolo' untu' missengngi aga Roh iya engkaé ri mennannanro assalenna poléi ri Allataala iyaré'ga dé'. Saba' maéga nabi palsu tassiya-siya kégi-kégi.

1 YOHANES 4:4

Iyakiya Ana'-ana'ku, appunnangennako Allataala. Purani mucau nabi-nabi palsué, saba' Roh iya engkaé ri iko lebbi makuwasai naiya roh iya engkaé risining tau iya appunnangenna linoéwé.

WAHYU 13:14

Sibawa sininna tau iya tuwoé ri linoé nabengnguwangngi sibawa sining anu makalallaingngé iya weddingngé naébbu ri yolona olokolo' iya mammulangngéro. Sibawa nasuro manengngi mennang patettong séuwa dato'-dato' polé ri olokolo'éro iya puraé nalo peddang, iyakiya tette'i tuwo.

HAKING-HAKING 2:22

Maélo-Ka pakéi iyaro bangsa-bangsaé untu' mojiwi bangsa Israélié, kuwammengngi Uwissengngi aga maéloiga umma Israélié maccowériwi parénta-parénta-Ku pada-pada néné-nénéna, iyaré'ga dé'.”

1 SAMUEL 26:19

Datu, éngkalingai assompanna atattaé. Ebara'na Puwangnge suroi Datu kuwammengngi naéwai atatta, séuwa pakkasuwiyang akkarobangeng wedding pasoroi matu cai-Na lao ri atatta. Iyakiya ébara'na iya suroéngngi Daturo iyanaritu tolino, tennapodo ritanroiwi ri Puwangnge! Nasaba addimonrinna polé ri pangkaukenna mennanro, ripaddésu'ni atatta polé ri tana appunnangenna Puwangnge sibawa tarapassa harusu lao ri wanuwa laingngé kégi atatta harusu massompa lao ri déwata-déwata laingngé.