ULANGENG 13:2 - KITTA KAREBA MADECENG

² sibawa akkatta kuwammengngi mumassompa sibawa mattumani lao ri déwata-déwata iya dé'é naengka muwissengngi, muwi aga iya najjanciyangngéro tonget-tongengngi kajajiyang,

ULANGENG 13:2 ပူးပေါင်းရင်းမြစ်များ

1 ARUNG-NGARUNG 13:3

Adanna iyaro nabié patterui, “Maruttungngi matu iyaé mézbaé, natuppa matu awu engkaé ri yasé'na. Iyanaro buttinna makkedaé risuroka ri Puwangnge.”

ASSURENG 22:19

Tau iya mallaiyé sibawa olokolo'é harusu'i riyuno.

ASSURENG 7:22

Iyakiya sininna ahli passéhéré'na Maséré napogau' towi makkuwaéro sibawa pangissengeng mappalennye'-lennye'na mennang, angkanna tette'i arungngé matedde ati. Pada-pada iya puraé napowada Puwangnge, dé' namaélo arungngé méngkalingai Musa sibawa Harun.

YEREMIA 23:32

Iyya, Puwang, méwai matu nabi-nabiéro iya palettu'éngngi nippi-nippinna iya pennoé bellé. Napapusai mennang umma'-Ku sibawa bellé nenniya abboronna mennang. Dé' Usuroi iyaro nabi-nabié. Dé' sises-siseng mennang nakkéguna untu' umma'-Ku. Iyya, Puwang, pura mabbicara.”

YEREMIA 27:9

Aja' muwéngkalingai nabi-nabié iyaré'ga muwi nigi-nigi iya mattéyangngékko tunru lao ri arung Babél, namuni mangakui mennang purani tarima panunju polé ri nippié, roh-roh alusu'é, iyaré'ga pakéi awatangeng iya mappallajangngé.

YEREMIA 28:9

Iyakiya nabi iya botoéngngi keadaang damé, banna weddingngi riyangakui selaku nabi iya tonget-tongengngé risuro ri Puwangnge, rékko sining botona kajajiyangngi.”

ZAKHARIA 10:2

Méllauwi sining tauwé panunju lao ri barahala-barahalaé sibawa sining pabotoé, iyakiya sining pappébali iya nalolongengngé iyanaritu bellé nenniya omong kosong simata. Engka pakatajang nippi, iyakiya pappakatajanna mennang banna papusako, sibawa passaléwo iya nabbéréyangngé dé'gaga bettuwanna. Rimakkuwannanaro tassiya-siyai ra'ya'é pada-pada bimbala'é. Makkanrodongngi mennang nasaba dé' nappunnai pamimping.

MATIUS 24:24

Saba' mompoi matu pappassalama'-pappassalama' palsué sibawa nabi-nabi palsué. Napogau'i matu gau'-gau' iya makalallaingngé sibawa mappahérang-hérangngé untu' pabengnguwang, naullé umma'-Na muto Allataala.

ULANGENG 13:13

makkedaé siyagangngaré tau maja polé ri bangsamu pura papusai pabbanuwana kotaé untu' massompa déwata-déwata iya dé'é muwissengngi.

ULANGENG 13:6

Rékko silessuremmu iyaré'ga ana'mu worowané iyaré'ga makkunraié, iyaré'ga bainému iya mupojiyé, iyaré'ga sellaomu iya maréppé'é mammekko-mekkoi palécéko untu' massompa déwata-déwata laing iya dé'é muwissengngi sibawa dé'é naissengngi toriyolomu, déwata-déwata polé ri bangsa-bangsa iya macawé'é sibawa mabélaé monro,

ULANGENG 18:20

Iyakiya rékko séddié nabi barani palettu séuwa paseng ri laleng asek-Ku padahal dé' Usuroi pogau'i makkuwaéro, harusu'i maté; makkuwatoro tungke' nabi iya mabbicaraé ri laleng asenna déwata-déwata laingngé harusu'i maté.’

ULANGENG 18:22

Rékko séddié nabi mabbicarai ri laleng asenna Puwangnge, iyakiya aga iya napowadaéro dé' nakajajiyang, iyaro botoé dé' napolé ri Puwangnge. Iyaro nabié mabbicarai ri laleng asenna muto nadé' naweddikko métau ri aléna.”