ULANGENG 12:9 - KITTA KAREBA MADECENG

⁹ nasaba dé'pa mumattama ri wanuwa iya nabbéréyangngé Puwang Allataalamu lao ri iko, onrommu wedding mattette sibawa amang.

ULANGENG 12:9 ပူးပေါင်းရင်းမြစ်များ

1 ARUNG-NGARUNG 8:56

“Ripojiwi Puwang iya puraé mabbéré atennangeng lao ri umma'-Na pada-pada iya Najjanciyangngé naolai Musa atan-Na. Sininna iya makessingngé iya Najjanciyangngé purani Narupai.

1 TAWARIKH 23:25

Nakkeda Daud, “Puwang Allataalana Israélié pura mpéréngngi atennangeng lao ri umma'-Na, na Aléna monroi ri Yérusalém untu' mannennungeng.

MAZMUR 95:11

Namattanro-Ka ri laleng cai-Ku, dé' mennang nauttama matu ri wanuwaéro untu' lolongeng appésaungeng silaong Iyya.”

YEREMIA 31:2

Uwappaitangngi ri padang kessi'é paressé babuwa-Ku lao ri mennang iya leppe'énna polé ri amaténgngé. Wettunna umma Israélié sappa atennangeng,

MIKHA 2:10

Tokkonno namulao; dé'na na amang kuwaé. Mappapoléni abala dosa-dosamu iya mappakatau-taué ri onrongngéwé.

ULANGENG 12:8

Rékko poléni iyaro wettué, aja'na mupogau'i pada-pada makkekkuwangngé. Narapi makkekkuwangngé massompako siélo-élo atimmu,

ULANGENG 25:19

Rimakkuwannanaro, rékko purano nawéréng Puwang Allataalamu iyaro wanuwaé sibawa amanno polé risininna balié iya monroé mattulilingiko, sininna tau Amalé'éro harusu'i muwuno angkanna mennang dé' nariyéngngeranna. Aja' muwallupaiwi!”

ULANGENG 3:20

Bantui sining tau sibangsamu narapi mennang natudangi tana iya maéloé nabbéréyang Puwang Allataalamu lao ri mennang ri seddé yajanna Salo Yordan, sibawa narapi Puwangnge palaloi mennang tuwo sibawa amang kuwaro, pada-pada iya Napogau'é lao ri iko kuwaé. Purapiro weddinno lisu ri tana appunnangemmu iya puraé uwérékko.

ULANGENG 4:21

Iyakiya macayii Puwang Allataalamu lao ri iyya nasaba iko, namattanroi makkedaé dé' uwalléttoiwi matu Salo Yordan untu' muttama ri tana iya macommo'é iya maéloé nawérékko.

YOSUA 11:23

Sininna wanuwaéro nasittaiwi Yosua situru paréntana Puwangnge lao ri Musa, nainappa nawéréng bangsa Israélié mancaji appunnangenna mennang. Iyaro wanuwaé natawa-tawai, tungke suku lolongeng séddi bagiyang. Mappésau toni bangsa Israélié mammusu sibawa amanni wanuwanna.