ULANGENG 12:3 - KITTA KAREBA MADECENG

³ Ruttungngi mézba-mézbana mennang sibawa ropo'i alliri-alliri batu iya naangga'é mennang makarame'. Tunui lambang-lambang Asyéraé, sibawa ancuru'i dato'-dato' barahalana mennang, angkanna iyaro déwata-déwataé dé'na narisompa matu paimeng ri onrong-ngonrongngéro.

ULANGENG 12:3 ပူးပေါင်းရင်းမြစ်များ

1 ARUNG-NGARUNG 14:15

Puwangnge maélo hukkungngi Israélié angkanna raté-raté pada-pada arasoé ri laleng uwaié. Maéloi Puwangnge bébbui ra'ya' Israélié polé ri wanuwa iya makessingngéwé iya riyabbéréyangngé lao ri toriyolona mennang. Maéloi patassiya-siyai mennang ri liwenna Salo Efrat, nasaba purai mennang napaénré cai-Na ri laleng naébbuna dato-dato'na déwi Asyéra.

1 ARUNG-NGARUNG 15:13

Nénéna, Maakha, napaléssoi polé ri tudangenna selaku Indo' arung, saba' purai mébbu dato-dato barahala iya mappangaddié untu' Asyéra, déwi acommokengngé. Naruttungngi Asa iyaro barahalaé sibawa natunui ri Lompo Kidron.

2 ARUNG-NGARUNG 11:18

Purairo malluruni ra'ya'é sibawa ruttungngi bola-bolana Baal. Naancuru'i mézbana sibawa dato-dato'na, enrengngé Matan, imanna Baal naunoi ri yolona sining mézbaéro. Nasuroni Yoyada pengawal-é untu' jagaiwi Bolana Puwangnge,

2 ARUNG-NGARUNG 18:4

Naancuru'i onrong-ngonrong assompang déwataé, sibawa ruttungngi tugu-tugunna nenniya solangiwi dato-datona Déwi Asyéra. Naancuru towi ula gessa naébbué Musa iya riyasengngé Néhustan. Saba', lettu ri essoéro mattunu dupa mupi tau Israélié untu' pakalebbii ula gessaéro.

2 ARUNG-NGARUNG 23:14

Tugu-tugu déwataé sibawa dato-dato'na Déwi Asyéra naruttunni, nainappa tana kégi ripatettong tugu-tugué sibawa dato-dato'éro, natébunni Yosia sibawa buku-buku tau.

2 TAWARIKH 14:2

Napésennangiwi Asa atinna Puwang Allataala ri laleng napogau'na iya adélé'é sibawa makessingngé.

2 TAWARIKH 14:3

Napaddésu'i mézba-mézbana bangsa laingngé sibawa onrong-ngonrong assompang barahalaé. Naancuru'i tugu-tugu déwataé, sibawa naléttungngi alliri-alliri dato-dato'na Déwi Asyéra.

2 TAWARIKH 19:3

Namuni makkuwaro engka mutopa iya makessingngé ri Datu. Purani napaddésu Datu sininna dato'-dato' Déwi Asyéra iya nasompaé ra'ya'é sibawa pura toni Datu makkuraga untu' tuwo situru élona Allataala.”

2 TAWARIKH 31:1

Puranana ramé-ramé, sininna ra'ya'é laoni ritungke kotaé ri Yéhuda, nainappa naancuru tugu-tugu barahalaé, léttungngi dato-dato iya ripatettongngé untu' Déwi Asyéra, sibawa paccappui sining mézbaé enrengngé sining onrong assompang barahalaé. Napogau' towi mennang makkuwaéro risining onrong laingngé ri Yéhuda, enrengngé ri daéra Bényamin, Efraim sibawa Manasyé. Purairo lisu manenni mennang ri onronna tungke-tungke.

2 TAWARIKH 34:3

Genne'nana 8 taung mancaji arung, ri umuru iya malolo senna'é, mappammulani Yosia massompa ri Allataala iya nasompaé Arung Daud toriyolona. Patattaung rimunrinna mappammulani mancuru'i sining onrong assompang barahalaé, dato'-dato'na Déwi Asyéra, sibawa sining barahala laingngé.

MAZMUR 16:4

Leppessangngi tau iya massompaé déwata-déwata tattamba-tamba amessénna. Dé' umaélo makkarobangeng lao ri déwata-déwataé, mala dé' umaélo teppui asenna mennang.

ASSURENG 23:13

Puriatiwi sininna iya puraé upowadakko. Aja' musompai déwata-déwata laingngé, muwi teppui asenna dé'to nawedding.”

ASSURENG 23:24

Aja' musompai dato'-dato' pallinrunna mennang sibawa aja' muturui cara-carana mennang massompa. Ancuru'i dato'-dato' pallinrunna mennanro sibawa poloi alliri-alliri batu iya napaké mennang untu' massompa.

ASSURENG 34:13

Jaji, aja' mupogau'i makkuwaéro, iyakiya ruttungngi mézba-mézbana mennang, ancuru'i tugu-tugu makarame'na mennang sibawa tubbangngi alliri-alliri Asyéraé, barahalana mennang.

YESAYA 27:9

Iyakiya dosa-dosana Israélié banna weddingngi riyaddampengeng rékko rilélui gangka alusu mézba déwata-déwataé pada-pada puwalé. Sininna addupa-dupangngé sibawa lambanna Déwi Asyéra harusu towi riancuru.

YEREMIA 17:2

Massompai sining taummu ri mézba-mézbaé sibawa alliri-alliri barahala iya puraé napatettong untu' Déwi Asyéra ri tungke aju iya maworongngé, ri tompo bulu-bulué,

HOSEA 2:17

Dé' Upalaloi matu teppuni asenna Baal, angkanna nallupai matu tauwé iyaro asengngé.

MIKHA 5:14

Ri laleng cai-Ku iya mpo'bo'é Uwale'i matu jana sininna bangsa iya dé'é namapato lao ri Iyya.”

ZAKHARIA 13:2

Iyaro essoé Uleddai matu asenna barahala-barahala polé ri tanaéwé, angkanna dé' muwi séddi tau méngngerangngi. Sininna tau iya mangakué aléna nabi Urukkai matu silaong mennang iya tama-tamangngé roh iya macéko-cékoé.

ABBILANGENG 33:52

harusu'ko paddésu'i sininna pabbanuwana wanuwaéro. Paccappu manengngi barahalana mennang iya polé ri batué sibawa bessié enrengngé onrong-ngonrong assompanna mennang.

ULANGENG 12:4

Wettummu sompai Puwang Allataalamu, aja' muturusiwi carana sining tauwéro sompai déwata-déwatana mennang.

ULANGENG 7:25

Tunui dato'-dato' barahala iya nasompaé mennang. Aja' muwacinnaiwi péra' iyaré'ga ulaweng iya maddeppéé ri aléna sibawa aja' muwalai untu' alému. Rékko muwajjalékkaiwi iyaro paréntaé matéko matu, saba' Puwang Allataalamu nabenci assompang dato'-dato' barahalaé.

ULANGENG 7:5

Rimakkuwannanaro, ruttungngi sining mézbana iyaro bangsa-bangsaé, ancuru'i alliri-alliri batu iya naangga'é mennang makare', léttungngi lambang-lambang Asyéra, sibawa tunui dato'-dato' barahala iya nasompaé mennang.

WAHYU 13:1

Nainappa uwita sikaju olokolo' mompo polé ri laleng tasi'é. Mappunnaiwi seppulo tanru' enrengngé pitu ulu. Ri tungke' tanru'na engka séddi passigera', sibawa ri tungke' ulunna tarokii séddi aseng pappakatuna lao ri Allataala.

HAKING-HAKING 2:2

Rimakkuwannanaro dé' naweddikko mébbu séuwa assitarong sibawa pabbanuwana wanuwaéwé. Sining mézbana mennang harusu'i muruttung.’ Iyakiya iko dé' mupogau'i aga iya puraé Uwapparéntanro. Mala purani mupogau' sibalé'na!