ULANGENG 11:9 - KITTA KAREBA MADECENG

⁹ Namutuwo matu maitta ri wanuwa iya sugié namacommo, iya najjanciyangngé Puwangnge lao ri néné-nénému sibawa lao ri wija-wijanna mennang.

ULANGENG 11:9 ပူးပေါင်းရင်းမြစ်များ

ASSURENG 20:12

Pakalebbii ambo' indo'mu, kuwammengngi musaléwangeng sibawa malampé umuru ri wanuwa iya Uwéréngngékko matu.

ASSURENG 3:8

Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

AMSAL 10:27

Pakalebbii Puwangnge, namutuwo matu maitta; tau majaé matéi ri wettu dé'napa narapii wettunna.

AMSAL 3:16

Nawérékko pangissengengngé umuru malampé, asugireng sibawa alebbireng.

AMSAL 3:2

kuwammengngi namalampé umuru'mu sibawa saléwangeng atuwommu.

AMSAL 9:11

Nawérékko matu pangissengengngé umuru malampé.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

ULANGENG 1:8

Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

ULANGENG 11:10

Wanuwa iya muwonroiyé matti dé' napada-pada tana Maséré, onrommu riyolo monro. Kuwaro harusu'ko marejjing mappallaung untu' palleriwi sining dare'é ri wettu mampona biné.

ULANGENG 11:21

Namumalampé sunge matu sibawa ana'-ana'mu ri wanuwa iya najjanciyangngé Puwang Allataalamu lao ri néné-nénému. Ri wettu engkana mupa langié ri yasé'na tanaé, sikutoro ittana monroko matu ri tanaéro.

ULANGENG 4:40

Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”

ULANGENG 5:16

Pakalebbii sibawa piyarai ambo' sibawa indo'mu; iyanaro paréntaku, Puwang Allataalamu, kuwammengngi musaléwangeng sibawa malampé umuru ri wanuwa iya Uwéréngngékko matu.

ULANGENG 5:33

Pogau'ni sininna napparéntangngé Puwang Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

ULANGENG 6:18

Pogau'i aga iya manuru'é Puwangnge makessing sibawa adélé, namusaléwangeng matu. Tana commo iya najjanciyangngé Puwangnge lao ri néné-nénému, mancajiwi matu appunnangemmu,

ULANGENG 6:2

Sitinajai iko sibawa wija-wijammu gangka tuwona pakalebbii Puwang Allataalamu sibawa turusiwi sininna hukkun-Na iya upalettukengngékko, kuwammengngi mumalampé sunge ri wanuwaéro.

ULANGENG 6:3

Rimakkuwannanaro éngkalingai saudara-saudara, pogau'i iyaro sibawa matinulu, kuwammengngi musaléwangeng sibawa mancaji bangsa iya battowaé ri wanuwa iya sugié namacommo, pada-pada najjanciyangngé Puwang Allataalana toriyolota.

ULANGENG 8:7

Puwang Allataalamu tiwiko ri wanuwa iya macommo'é; wanuwa iya maégaé salona sibawa mata uwaina, nenniya solo' uwai ri lalenna tanaé iya cumpaé ri lompo'-lompo'é sibawa bulu-bulué.