ULANGENG 11:2 - KITTA KAREBA MADECENG

² Engngerangngi makkekkuwangngé aga iya muwissengngé passalenna Puwangnge polé ri pengalamammu. Ana'-ana'mu dé' nappunnaiwi iyaro pengalamangngé. Iko ritu pura sabbingngi arajanna Puwang Allataalamu, awatangen-Na, akuwasan-Na

ULANGENG 11:2 ပူးပေါင်းရင်းမြစ်များ

MAZMUR 136:12

nasibawang lima mawatang sibawa poré; mannennungengngi pammasé-Na.

ASSURENG 6:6

Upancajiko matu umma'-Ku, na Iyya mancaji Allataalamu. Namuwissengngi matu makkedaé Iyya'naé Puwang, Allataalamu, iya paleppe'ékko polé ri angatangengngé ri Maséré.

AMSAL 22:19

Upagguruwakko makkekkuwangngé nasaba macinnaka mateppe'ko lao ri Puwangnge.

YESAYA 53:5

Iyakiya riloi nasaba dosa-dosata, sibawa ribarasa nasaba jata. Rihukkungngi kuwammengngi ripassalama'ki, nasaba sining lona naripajjappaki.

RIWAYA'NA RASUL-RASUL-E 26:22

Iyakiya lettu iya essoéwé nalinrungika Allataala, angkakku weddikka tettong kuwaé mabbéréyangngi asabbiyakku lao ri sininna tauwé – battowa iyaré'ga baiccu. Aga iya upowadaéwé dé' nasilaingeng naiya puraé naboto nabi-nabié sibawa Musa;

ULANGENG 29:10

Iyaé essoé tettong manekko ri yolona Puwang Allataalamu, sininna kapala sukué, tomariyoloé, parawiraé, sininna worowané,

ULANGENG 3:24

Oh, Puwang Iya Pommatanré, uwisseng makkedaé iya Mujellokengngékkaé nappai maddupa pammulang polé ri pangkaukeng-pangkaukem-Mu iya battowaé sibawa makalallaingngé. Dé' gaga déwata laing ri langié muwi ri linoé iya pada-padaé Iko mullééngngi pogau'i gau'-gau' iya maseroé.

ULANGENG 4:34

Engkaga naengka séuwa déwata iya baraniyé malai séddié bangsa polé ri bangsa-bangsa iya engkaé nainappa napancaji mennang umma ri aléna, pada-pada iya napogau'é Puwang Allataalamu untu' iko ri Maséré? Alému mitai pékkugi Allataala sibawa awatangeng iya battowaé papolé abala sibawa musu, pogau'i sining anu makalallaingngé sibawa pogau'i gau'-gau' iya maseroé.

ULANGENG 5:24

Makkedai mennang, ‘Puwang Allataalata pura mappaitangngi arajan-Na sibawa alebbiren-Na wettunna riyéngkalingai mabbicara polé ri apié. Iyaé essoé purani risabbing makkedaé mémeng makkulléi rupatauwé tette'i tuwo, namuni purai Allataala mabbicara lao ri aléna.

ULANGENG 7:19

Engngerangngi sining abala maseroé iya alémué sabbingngi, sining anu makalallaingngé, sibawa awatangeng battowaé iya nakkégunangngé Puwang Allataalamu untu' paleppe'ko. Makkuwatoro Puwang Allataalamu tinda matu lao ri sininna bangsaé iya muwétauriyé.

ULANGENG 8:19

Aja' muwallupaiwi Puwang Allataalamu sibawa aja' mugiling lao ri déwata-déwata laingngé untu' sompai sibawa mattumani lao ri mennang. Iyaé essoé uparéngngerangiko makkedaé rékko mupogau' mupi, pasti napaccappuko Puwangnge.

ULANGENG 9:26

sibawa massempajang makkuwaé: Oh Puwang Iya Pommatanré, aja' Mupaccappui umma appunnangem-Mué, bangsa iya Mupaleppe'é sibawa Muwantara massu polé ri Maséré nasibawang awatangeng sibawa akuwasam-Mu iya battowaé.

YOSUA 24:31

Ri wettu tuwona mupa Yosua, mattumaniwi umma Israélié lao ri Puwangnge. Na muwi maténana tette towi mennang mattumani lao ri Puwangnge ri wettu engkana mupa pamimping-pamimping ri yelle'na iya alénaé pura sabbingngi sininna séuwa-séuwaé iya napogau'é Puwangnge untu' umma Israélié.