Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ULANGENG 1:8 - KITTA KAREBA MADECENG

8 Iyya, Puwang, pura majjanciyangngi sininna daéraéro lao ri toriyolomu Abraham, Ishak sibawa Yakub enrengngé wija-wijanna mennang. Jaji laono tudangiwi tanaéro.’ ”

အခန်းကိုကြည့်ပါ။ ကော်ပီ




ULANGENG 1:8
39 ပူးပေါင်းရင်းမြစ်များ  

Nappaitanni aléna Puwangnge lao ri Abram sibawa makkeda lao ri aléna, “Iyanaé wanuwa iya maéloé Uwabbéréyang lao ri wija-wijammu.” Nainappa patettonni Abram séddi mézba kuwaro untu' Puwang iya puraé mappaitangngi aléna lao ri Abram.


Labe'nana eppa assossoreng, lisuni matu ana' eppomu kuwaé, nasaba dé' Urukkai matu tau Amorié ri wettu dé'napa mennang namaja senna angkanna parellui rihukkung.”


Iyatonaro wettué napakangka Puwangnge assijancing sibawa Abram. Adanna Puwangnge, “Majjanci-Ka maélo mpéréngngi wija-wijammu sininna tanaéwé, mappammulai polé ri pakkasésénna wanuwa Maséré lettu ri Salo Efrat,


Wettunna mennang malupu sibawa akurangeng inanré, Mupanonnoi roti polé ri langié. Sibawa polé ri batu iya malise'é, masse sibawa matedde Mupassolo'i uwaié marajaé pappaleppe dekkaé. Musuroi mennang tudangiwi tana iya Mujanciyangngéngngi sibawa tanro.


Pakkaséséng-pakkasésénna wanuwammu Upattentui matu polé ri Séppang Akaba lettu ri Salo Efrat, sibawa polé ri Tasi Tengngaé lettu ri padang kessi'é. Uwérékko akuwasang ri yasé'na pabbanuwana wanuwaéro, angkanna mulléi paddésu'i mennang wettummu maju sittaiwi tanaéro.


Nanakkeda Puwangnge lao ri Musa, “Salaini iyaé onrongngéwé namulao silaong bangsa iya mutiwié polé ri Maséré'ro lao ri wanuwa iya Uwajjanciyangngé lao ri Abraham, Ishak sibawa Yakub enrengngé wija-wijanna.


Wanuwa iya makessingngé sibawa macommo'éwé Muwéréngngi mennang pada-pada iya puraé Mujanciyangngi toriyolona mennang.


Puraka mattanro makkedaé iyaro tanaé Uwabbéréyangngi matu lao ri néné-nénému. Rimakkuwannanaro, alani iyaro tanaé nenniya tawani sibawa adélé ri yelle'mu.


Dé'! Dé' nauttamakiwi matu mennang wanuwaéro. Polé ri yelle'na mennang iya méwaékka, dé' muwi séddi tau léjja'i matu iyaro wanuwaé.


Tennapodo Puwang, Allataalana néné-nénému matterui tambaiwi jumellamu narapi leppi wékkasisebbu, sibawa pancajiko bangsa iya madécéngngé pada-pada iya puraé Najjanciyang!


‘Dé' muwi séddi tau polé ri sippangka majaéwé muttamakiwi matu wanuwa macommo'é iya Uwajjanciyangngé lao ri néné-nénému.


Nainappa Nasuroka lao untu' pimpikko kuwammengngi muwulléi mappunnaiwi tana iya Najjanciyangngé lao ri néné-nénému.”


Tungke' daéra iya muléjja'é mancajiwi matu appunnangemmu. Mallebba'i daéramu polé ri padang kessi'é ri yattang lettu ri Buluna Libanon ri manorang, sibawa polé ri Salo Efrat ri alau lettu ri Tasi Tengngaé ri yajang.


Namutuwo matu maitta ri wanuwa iya sugié namacommo, iya najjanciyangngé Puwangnge lao ri néné-nénému sibawa lao ri wija-wijanna mennang.


narapiki malléttoiwi Salo Yordan untu' muttama ri wanuwa iya nabbéréyangngé Puwang Allataalata lao ri idi. Wija-wijanna Esau iya monroé ri Edom sibawa tau Moab iya monroé ri Ar pura toni napalaloki molai daérana mennang.’


Polé ri onrom-Mu iya mapaccingngé ri surugaé tattiro-Na sibawa barakkakiwi umma'-Mu Israélié; barakkaki towi wanuwa sugi namacommo'é iya puraé Muwérékki situru sibawa jancim-Mu lao ri néné-nénéta.’ ”


Laono ri imang iya tugas-é wettuéro namupowadangngi, ‘Upannessai lao ri Puwang Allataalamu makkedaé muttama'ka ri wanuwa iya Najjanciyangngé lao ri néné-nénéta untu' nawérékki.’


Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé Puwangnge lao ri néné-nénému untu' Nawérékko.


Puwang Allataalamu mébbu assijancing sibawa iko, sibawa maddeppungeng manekko kuwaé untu' siyoi iyaro assijancingngé enrengngé tarimai kewajibang-kewajibanna.


Eloriwi Puwang Allataalamu, apatoiwi, sibawa atinuluno ri aléna. Na iko sibawa wija-wijammu tuwoi matu sibawa malampé sunge ri wanuwa najjanciyangngé Puwangnge lao ri néné-nénému, Abraham, Ishak sibawa Yakub.”


Nainappa Musa mobbii Yosua, na ri yolona sininna bangsa Israélié makkedani ri Yosua, “Sitinajako pakkasse'i atimmu sibawa barani, Yosua! Iko ritu pimpingngi matu iyaé bangsaé untu' tudangiwi wanuwa iya najjanciyangngé Puwangnge lao ri néné-nénéna mennang.


Nainappa makkeda Puwangnge lao ri Musa, “Iyanaro wanuwa Uwajjanciyangngé lao ri Abraham, Ishak sibawa Yakub untu' riyabbéréyang lao ri wijanna mennang. Upaitakko, Musa, iyakiya dé' upalaloko lao kuwaro.”


Namakkeda Musa lao ri bangsaéro, “Apatoiwi sininna hukkung iya upagguruwangngékko, kuwammengngi weddikko tuwo narapi muwonroi tana iya maéloé nabbéréyang Puwangnge, Allataalana toriyolomu, lao ri iko.


“Majjanciwi Puwang Allataalamu lao ri néné-nénému Abraham, Ishak sibawa Yakub makkedaé maéloi mabbéréyangngi iyaro wanuwaé lao ri iko. Battowa kota-kotana sibawa macommo, natenniya iko patettongngi.


“Rékko mupuriyatiwi iyaro parénta-paréntaé, sibawa pogau'i sibawa matinulu, matinulu towi matu Puwang Allataalamu lao ri assijancing iya Naébbué sibawa iko. Nappaitangngi matu pammasé-Na iya tette'é ri iko, pada-pada iya Najjanciyangngé lao ri toriyolomu.


Maéloi mamaséiko sibawa barakkakiko, angkanna maéga ana'mu sibawa tattamba-tamba jumellamu. Maéloi barakkakiwi sining dare'mu, angkanna powassélé gandong, anggoro sibawa minnya zaitun. Maéloi barakkakiko angkanna maéga saping sibawa bémbé bimbala'mu. Sininna barakka'éro mutarimai matu ri wanuwa iya nawéréngngékko Puwangnge, situru sibawa jancin-Na lao ri néné-nénému.


Iyakiya Puwangnge piléko nasaba namaséiko sibawa macinnai rupaiwi janci iya Naébbué sibawa néné-nénému. Iyanaro saba'na purako Napassalama sibawa akuwasang iya battowaé sibawa paleppe'ko polé ri angatangenna arung Maséré.


“Sininna hukkung iya uwéréngngékko essoéwé harusu'i mupogau' sibawa matinulu, kuwammengngi mutette tuwo, tattamba maéga sibawa monroiwi tana iya najjanciyangngé Puwangnge lao ri néné-nénému.


Wettunna Allataala majjanci lao ri Abraham, mattanroi makkedaé maéloi pogau'i aga iya puraé najjanciyang. Nasaba dé'gaga iya lebbi matanré naiya Allataala, nattanrona ri laleng asen-Na muto.


Makkedai, “Majjanci-Ka maélo barakkakiko sibawa mébbui wija-wijammu mancaji maéga.”


Sitinajako mateppe sibawa barani, saba' mupimpingngi matu iyaé bangsaé wettunna mennang tudangiwi wanuwa iya Uwajjanciyangngé lao ri néné-nénéna mennang.


Laoni malaéka'na Puwangnge ri Bokim polé ri Gilgal sibawa makkeda lao risining tau Israélié, “Purani Upassuko polé ri Maséré, sibawa tiwiko ri wanuwa iya puraé Ujanciyangngi néné-nénému. Pura Upowada towi, ‘Assitarong janci ri yelle'ta Iyya sibawa iko dé' Umaélo pettuiwi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ