ULANGENG 1:7 - KITTA KAREBA MADECENG

⁷ Makkekkuwangngé bongkara'ni akkémammu namulao ri daéra buluna tau Amorié sibawa risininna daéra ri seddéna, iyanaritu Lompo Yordan, daéra mabbulu-bulué sibawa tanété mariyawaé, daéra ri seddé yattang sibawa wirinna Tasi Tengngaé. Laono mutudangiwi tana Kanaan sibawa Buluna Libanon lettu ri salo battowaé Efrat.

ULANGENG 1:7 ပူးပေါင်းရင်းမြစ်များ

KAJAJIYANG 12:9

Nainappa napatterusi joppana polé ri séddié onrong lao ri onrong rappina, mattuju ri bagiyang yattanna tana Kanaan.

2 SAMUEL 8:3

Nacau towi Daud Arung Hadadézer ana' Réhob iya mapparéntaé ri Zoba, iyanaritu séuwa akkarungeng ri seddéna Damsyik. Iyaro wettué mattengngangngi Hadadézer ri laleng allalengengngé maélo palisui akuwasanna ri daéra seddéna ulunna Salo Efrat.

1 TAWARIKH 18:3

Nainappa Daud caui Hadadézer, arungngé ri Zoba seddéna daéra Hamat ri wanuwa Siria. Iyaro wettué Hadadézer mattengngangngi ri laleng allalengengngé untu' makuwasaiwi daéra seddéna ulunna Salo Efrat.

1 TAWARIKH 5:9

Mappunnaiwi mennang maéga senna olokolo ri daéra Giléad. Rimakkuwannanaro, naonroiwi mennang daéra seddé alauna lettu ri padang kessi iya mallebba'é sibbéla Salo Efrat.

ASSURENG 23:31

Pakkaséséng-pakkasésénna wanuwammu Upattentui matu polé ri Séppang Akaba lettu ri Salo Efrat, sibawa polé ri Tasi Tengngaé lettu ri padang kessi'é. Uwérékko akuwasang ri yasé'na pabbanuwana wanuwaéro, angkanna mulléi paddésu'i mennang wettummu maju sittaiwi tanaéro.

AMOS 2:9

Namuni makkuwaro, éh umma'-Ku, untu' iko ritu upaccappui tau Amori iya matanré pada-pada pong camaraé sibawa mawatangngé pada-pada pong terpentingngé.

ABBILANGENG 10:12

Nanajoppana tau Israélié matturu-turuseng salaiwi padang kessi Sinai, nanappésauna iyaro ellungngé wettunna lettu ri padang kessi Paran.

ULANGENG 1:19

“Nainappa situru sibawa paréntana Puwang Allataala, risalaini Bulu Sinai natajoppa molai padang kessi iya malowangngé sibawa maseroé mattuju ri daéra buluna tau Amorié. Wettutta lettu ri Kadés-Barnéa,

ULANGENG 11:11

Iyakiya wanuwa iya maéloé muwattamaki mabbului sibawa mallompo-lompo'i; tanana ripalleriwi ri bosié.

ULANGENG 11:24

Tungke' daéra iya muléjja'é mancajiwi matu appunnangemmu. Mallebba'i daéramu polé ri padang kessi'é ri yattang lettu ri Buluna Libanon ri manorang, sibawa polé ri Salo Efrat ri alau lettu ri Tasi Tengngaé ri yajang.

YOSUA 1:4

Mallebbangngi matu daéramu polé ri padang kessi'é ri yattang lettu ri Buluna Libanon ri manorang sibawa Salo Efrat iya maloppoéro ri alau matteru mattemmuiwi wanuwanna bangsa Hét-é lettu ri Tasi Tengngaé ri yajang.

YOSUA 10:40

Napatunru'ni Yosua sininna wanuwaéro. Nacauni sining arungngé ri daéra bulué, ri émpeng-ngémpeng bulué ri seddé alau, ri pong bulué ri yajang, sibawa ri padangngé ri yattang. Dé' muwi séddi tau iya rileppessangngé tuwo; riyuno maneng. Iyaro siturui sibawa parénta polé ri Puwangnge, Allataalana Israélié.

YOSUA 24:15

Akkalarapanna dé' mumaélo mattumani lao ri Puwangnge, alano apettung iyato essoé ri kégiko maélo mattumani: lao ri déwata-déwata laing iya nasompaé néné-nénému ri Mésopotamia riyolo iyaré'ga lao ri déwata-déwatana tau Amorié iya muwonroiyé wanuwanna makkekkuwangngé. Iyakiya idi – iyya sibawa kaluwargaku – maélo mattumani banna lao ri Puwangnge.”

YOSUA 9:1

Karéba passalenna sining apakalanna Israélié tassiyani risininna arungngé ri seddé yajanna Salo Yordan – ri bulué, ri ponna bulué, sibawa ritanété mattuttung wiring Tasi Tengngaé lettu sibbéla Bulu Libanon ri seddé manorang; iyanaritu sining arung Hét, Amori, Kanaan, Féris, Héwi sibawa Yébus.

WAHYU 9:14

Iyaro saddaé makkedai lao ri malaéka' ennengngéro, “Leppessangngi iya eppa malaéka' iya tassiyoé ri Salo Efratro!”