ULANGENG 1:3 - KITTA KAREBA MADECENG

³ Ri tanggala séddinna uleng seppulo séddi ri laleng taung mapatappuloé nasalainnana mennang Maséré, napalettu'ni Musa ri bangsaéro sininna iya napparéntangngé Puwangnge untu' ripowadangngi mennang.

ULANGENG 1:3 ပူးပေါင်းရင်းမြစ်များ

ANGIMANGENG 27:34

Iyanaro parénta-parénta iya nabbéréyangngé Puwangnge ri tompo'na Bulu Sinai lao ri Musa untu' bangsa Israélié.

ABBILANGENG 1:1

Ri tanggala séddinna uleng duwa ri laleng taung maduwaé nasalainna bangsa Israélié Maséré, mabbicarani Puwangnge lao ri Musa ri laleng Kémana Puwangnge ri padang kessi Sinai. Adan-Na,

ABBILANGENG 20:1

Ri laleng uleng séddinna lettu manenni umma Israélié ri padang kessi Zin sibawa mattette ri Kadés. Maténi Miryam sibawa rikuburu kuwaro.

ABBILANGENG 33:38

Nasaba paréntana Puwangnge, ménré'ni Imang Harun ri Bulu Hor. Kuwaniro maté ri tanggala séddinna uleng lima ri laleng taung mapatappuloé nasalainna umma Israélié Maséré. Wettunna maté, umuru'na Harun 123 taung.

YOSUA 4:19

Lettu'ni umma Israélié ri liwenna Yordan sibawa ri tanggala seppulona uleng mammulangngé, sibawa makkémai mennang ri Gilgal seddé alauna Yérikho.