RUT 4:13 - KITTA KAREBA MADECENG

¹³ Nanalani Boas Rut mancaji bainéna. Puwangnge barakkakiwi Rut angkanna mattampu nanajajiyang séddi ana' worowané.

RUT 4:13 ပူးပေါင်းရင်းမြစ်များ

KAJAJIYANG 20:17

Puwangnge pura mébbui manang sininna makkunraié ri saorajana Abimélékh nasaba kajajiyangngé sibawa Sara, bainéna Abraham. Nainappa massempajang Abraham lao ri Allataala, na Allataala pajjappai Abimélékh, bainéna sibawa ata-atanna makkunraié, angkanna iyaro sining makkunraié weddinni mémmana'si.

KAJAJIYANG 25:21

Nasaba Ribka dé' nalolongeng ana', massempajanni Ishak lao ri Puwangnge untu' bainéna. Na Puwangnge tarimai sempajanna Ishak, angkanna mattampu'ni Ribka.

KAJAJIYANG 29:31

Wettunna naita Puwangnge makkedaé dé' naripoji senna Léa pada-pada Rahél, napalaloni Puwangnge Léa jajiyang ana', iyakiya Rahél tette'i dé' nalolongeng ana'.

KAJAJIYANG 30:2

Macaini Yakub lao ri Rahél sibawa makkeda, “Tenniyaka Allataala. Aléna ritu mébbuko dé' mulolongeng ana'.”

KAJAJIYANG 33:5

Wettunna naita Esau sininna iyaro makkunraié sibawa ana'-ana'é, makkutanani, “Niga mennang iya engkaé sibawakkoé?” Nappébali Yakub, “Ana'-ana'ku mennang, Allataala pura mabbéréyangngi iyaro ana'-ana'é lao ri iyya.”

MAZMUR 113:9

Mabbéréi ana'-ana' lao ri bainé iya manangngé, pancajiwi indo' iya masennangngé sibawa malebbi ri bolana. Pojiwi Puwangnge!

MAZMUR 127:3

Ana'-ana'é iyanaritu pabbéréna Allataala, sitongenna, pabbéréi mennang ritu.

RUT 3:11

Rimakkuwannanaro, aja' mubata-bata, Rut. Sininna iya muwéllauwéro maéloka pogau'i; saba' sininna tauwé ri kotaéwé naissenni makkedaé iko iyanaritu séddiwi makkunrai iya makessing atié.

RUT 4:12

Tennapodo ana'-ana' iya nawéréngngékko matu Puwangnge naolai makkunrai maloloéwé pancajiwi matu kaluwargamu pada-pada Pérés, ana'na Yéhuda sibawa Tamar.”

1 SAMUEL 1:27

Ana'énnaé uwéllau polé ri Puwangnge. Natarimani sempajakku,

1 SAMUEL 2:5

Tau iya messoé riyolo nasaba maonai anré, mancaji pajjama ripéssaroiyé banna untu' lolongeng inanré. Tau iya alupurengngé riyolo, makkekkuwangngé messoni, genne inaré. Bainé manangngé, matemponi makkekkuwangngé, pituni ana' najajiyang! Iyakiya indo' iya maégaé ana'na, risalai, rileppessang maddokoroko.