RUT 4:12 - KITTA KAREBA MADECENG

¹² Tennapodo ana'-ana' iya nawéréngngékko matu Puwangnge naolai makkunrai maloloéwé pancajiwi matu kaluwargamu pada-pada Pérés, ana'na Yéhuda sibawa Tamar.”

RUT 4:12 ပူးပေါင်းရင်းမြစ်များ

KAJAJIYANG 38:29

Iyakiya iyaro ana'loloé nagettengngi paimeng limanna, sibawa ana'lolo iya séddiéssi jaji lebbi riyolo. Nainappa makkeda bidangngé, “Jaji makkuwaniro caramu dessa'i massu!” Nasenni Pérés iyaro ana'é iya lebbi riyoloé jaji.

KAJAJIYANG 46:12

Yéhuda; ana'-ana'na: Syéla, Pérés sibawa Zérah, na ana'na Yéhuda iya laingngé, iyanaritu Er sibawa Onan matéi ri Kanaan. Ana'-ana'na Pérés: Hézron sibawa Hamul.

MALEAKHI 2:15

Dé'ga na Allataala Iya Séuwaé pancajiko séddi tubu nenniya séddi nyawa sibawa makkunraiéro? Aga akkatana Puwangnge sibawa iyaro? Dé' lainna kuwammengngi mulolongeng ana'-ana' iya mancajiyé umma'na Allataala iya tuléngngé. Jaji jagaiwi alému, aja' narapii engka ri yelle'mu iya dé'é namatinulu lao ri bainéna.

RUT 4:18

Na iyanaé jori assossorenna Daud, mappammulai polé ri Pérés, iyanaritu: Pérés, Hézron, Ram, Aminadab, Nahason, Salmon, Boas, Obéd, Isai, Daud. 1

1 SAMUEL 2:20

Nanabarakkakini Eli Elkana sibawa bainéna, sibawa makkedai lao ri Elkana, “Tennapodo Puwangnge mpéréssiko ana'-ana' polé ri bainémué, untu' sulléiwi ana' iya puraé muwabbéréng lao ri Puwangnge.” Purairo lisuni mennang ri Rama.