RUT 4:11 - KITTA KAREBA MADECENG

¹¹ Sining tomariyolona masaraka'é sibawa tau laing iya engkaé kuwaro makkedani, “Ya, idi sabbinna. Tennapodo Puwangnge pancajiwi bainémuro pada-pada Rahél sibawa Léa iya jajiyangngé maéga ana' untu' Yakub. Tennapodo madécékko ri yelle'na sining tau polé ri appanna Efrata sibawa tennapodo kalabbako ri Bétléhém.

RUT 4:11 ပူးပေါင်းရင်းမြစ်များ

KAJAJIYANG 23:10

Iyaro wettué aléna Efron mattengngang tudang sibawa sining tau Hét-éro ri onrong addeppu-deppungengngé ri pintu gerbanna kotaé. Nainappa nasabbing sininna tau iya engkaé kuwaro, mappébalini,

KAJAJIYANG 29:16

Naiyaro Laban mappunnaiwi duwa ana' makkunrai; iya macowaé riyasengngi Léa, na anrinna riyasengngi Rahél.

KAJAJIYANG 29:25

Pappa baja mani nainappa naisseng Yakub makkedaé Léa iya nakawingiyé. Nanalaona Yakub ri Laban sibawa makkeda, “Magi Uwwa nagaukekka makkuwaé? Dé'ga umajjama untu' lolongengngi Rahél? Magi nabelléka Uwwa?”

KAJAJIYANG 29:32

Mattampu'ni Léa nanajajiyang séddi ana' worowané. Adanna, “Puwangnge pura mitai asussakku, na makkekkuwangngé napojina matu lakkaikku.” Nanasenni iyaro ana'na Rubén.

KAJAJIYANG 35:23

Ana'-ana'na Léa iyanaritu Rubén (ana' macowana Yakub), Siméon, Léwi, Yéhuda, Isakhar sibawa Zébulon.

KAJAJIYANG 35:24

Ana'-ana'na Rahél iyanaritu Yusuf sibawa Bényamin.

1 ARUNG-NGARUNG 21:8

Naokina sure' Izebél ri laleng asenna Ahab sibawa nataroiwi ségélé'na arungngé ri sure'éro. Iyaro sure'é nakirinni lao ri pamimping-pamimpingngé sibawa tomariyolona masaraka'é ri Yizreel.

1 TAWARIKH 2:51

Salma ana'na iya maduwaé iyanaritu patettongngi kota Bétléhém; sibawa Haréf ana'na iya matellué patettongngi kota Bét-Gader.

MAZMUR 132:6

Ri Bétléhém taéngkalingai passalenna Petti Assijancingngé, nainappa riruntu ri padang Yaar.

AMSAL 14:1

Ruma tanggaé ripatettongngi riapanrénna makkunraié, iyakiya riruttungngi ri adonggonna.

AMSAL 31:23

Lakkainna iyanaritu tau iya kalabbaé – sala séddinna polé ri yelle'na sining pamimping kotaé.

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

MATIUS 2:6

‘Iko Bétléhém, ri wanuwa Yéhuda, sitonget-tongenna tenniyako kaminang baiccu ri yelle'na kota-kota mapongngé ri Yéhuda. Nasaba polé ri iko poléi matu séddi pamimping iya pimpingngéngngi umma'-Ku Israélié.’ ”

ULANGENG 25:7

Rékko iyaro tauwé dé' namaélo kawingiwi bainéna silessurenna, iyaro makkunraié harusu'i lao mangolo ri tomariyolona kotaé sibawa makkeda, ‘Ipaku dé' namaélo pogau'i kewajibanna mpéréngngi silessurenna séddi wija ri yelle'na bangsa Israélié.’

ULANGENG 25:9

harusu'i bainéna silessurenna maddeppériwi ri yolona sining tomariyolona kotaé, reddui sandala'na iyaro tauwé, mamméccuiwi rupanna sibawa makkeda, ‘Makkuwaiyé harusu rigaukengngi tau iya dé'é namaélo mpéréngngi wija silessurenna.’