RUT 4:10 - KITTA KAREBA MADECENG

¹⁰ Ri lainnaéro uwala towi Rut, makkunrai Moab-é, jandana Mahlonro mancaji bainéku. Nanallalengiwi iyaro tanaé tette'i mancaji appunnangenna kaluwargana tau iya matéénnaro. Na wija-wijanna tette towi engka ri yelle'na sumpulolona sibawa ri kotana. Engngerangngi Saudara-saudara, iyaé essoé iko maneng mancaji sabbinna.”

RUT 4:10 ပူးပေါင်းရင်းမြစ်များ

KAJAJIYANG 29:27

Tajenni narapi leppe pésta akawingeng pitungngessoé, uwéréng topo matti Rahél lao ri iko, assaleng maélo mupo majjama pituttaussi.”

KAJAJIYANG 38:9

Iyakiya naisseng Onan makkedaé ana'-ana'na matti dé' namancaji appunnangenna. Jaji, sises-siseng naluséreng jandana kakanaro, naleppessangngi manninna tuppa ri saliweng kuwammengngi dé' nalolongeng matu wija-wija kakana.

MAZMUR 109:15

Leppessanni dosana mennang tuli naéngngerang Puwangnge, sibawa dé'gaga méngngerangngi mennang ri linoé.

MAZMUR 34:16

Najampangiwi Puwangnge tau malempué, maréngkalingai rékko kelli'i mennang méllau tulung.

AMSAL 18:22

Tau iya lolongengngé bainé, lolongeng saro; bainé iyanaritu pabbéré polé ri Puwangnge.

AMSAL 19:14

Bola sibawa waramparangngé weddingngi rilolongeng polé ri tomatowaé, iyakiya bainé iya mapanré iyanaritu pabbéré polé ri Puwangnge.

YESAYA 48:19

Wija-wijammu singngégai matu kessi'é; Utanggungngi mennang dé' naripaccappu matu.”

HOSEA 12:12

namuni makkuwaro engka mupa iya massompaé barahala ri Giléad, sibawa makkasuwiyangeng saping ri yasé'na mézbaé ri Gilgal. Iyakiya mennang iya massompaé barahalaro matéi matu, sibawa mézba-mézbana ri Gilgalro mancajiwi matu goppo batu risining dare'é.”

HOSEA 3:2

Nauwajani seppulo lima dowi sibawa 150 kilo gandong untu' lolongengngi iyaro makkunraié.

ZAKHARIA 13:2

Iyaro essoé Uleddai matu asenna barahala-barahala polé ri tanaéwé, angkanna dé' muwi séddi tau méngngerangngi. Sininna tau iya mangakué aléna nabi Urukkai matu silaong mennang iya tama-tamangngé roh iya macéko-cékoé.

MALEAKHI 2:14

Makkutanako magi dé' mumaélo tarimai. Nasaba naissengngi Puwangnge makkedaé dé' mumatinulu lao ri makkunrai iya mukawingiyé ri wettu malolomu. Iyaro makkunraié silaong atuwommu, iyakiya purani mubali'bellari, namuni purako majjanci ri yolona Allataala untu' tette matinulu lao ri aléna.

EFESUS 5:25

Lakkaié, amaséiwi bainému, pada-padato Kristus mamaséiwi jema'é enrengngé makkarobangengngi Aléna untu' iyaro jema'é.

ULANGENG 25:6

Ana' worowané macowana mennang harusu'i riyangga ana'na silessurenna iya matéro, kuwammengngi nappunnai wija ri yelle'na bangsa Israélié.

IBRANI 13:4

Sininna tauwé harusu'i mappaitangngi kédo-kédo mappakalebbié lao ri akawingengngé, iyanaro saba'na sitinajai lakkaié sibawa bainé matinulu séddié lao ri laingngé. Tau iya mappangaddié sibawa tau iya malawengngé ri adélékiwi matu ri Allataala.

YOSUA 7:9

Naéngkalingai matu tau Kanaangngé sibawa sininna tau laingngé ri daéraéwé passalenna gau'éro. Nakeppukki matu mennang sibawa nauno manekki! Na agana harusu Upogau' matu untu' mattahangengngi alebbirem-Mu?”

RUT 4:9

Nanakkeda Boas lao ri tomariyolona masaraka'é sibawa lao risininna tau laing iya engkaé kuwaro, “Iyaé essoé iko maneng mancaji sabbi makkedaé purani uwelli polé ri Naomi sininna iya nappunnaiyé Elimélékh sibawa ana'-ana'na, iyanaritu Kilyon sibawa Mahlon.