RUT 3:9 - KITTA KAREBA MADECENG

⁹ Nakkutana, “Nigako?” Nappébali Rut, “Iyya Rut, Pa'! Bapa' iyanaritu kaluwargata iya macawé'é iya harusu'é mattanggung jawa lao ri atuwotta. Talaka Pa' mancaji bainéna Bapa'.”

RUT 3:9 ပူးပေါင်းရင်းမြစ်များ

LUKAS 14:11

Saba' tungke' tau iya pakatanréngngi aléna ripakariyawai matu, iyakiya iya pakariyawaéngngi aléna ripakatanréi matu.”

RUT 2:20

Nakkeda Naomi, “Iyaro tauwé kaluwarga macawé'ta. Aléna ritu harusu mattanggung jawa lao ri idi. Tennapodo Puwangnge barakkakiwi. Tuli narupaiwi Puwangnge jancin-Na, muwi lao ri tau iya tuwoé mupa iyaré'ga lao ri mennang iya matéénna.”

RUT 3:10

Nakkeda Boas, “Tennapodo Puwangnge barakkakiko, ana'ku. Ripasibandingngi sibawa aga iya puraé mupogau' lao ri matuwammu, pangkaukemmu makkekkuwangngéwé mappaitangngi pappoji iya lebbi battowaéppasi. Weddissa sappako lakkai iya maloloé ri yelle'na tau sugié iyaré'ga tau kasiyasi-yasi, iyakiya dé' mupogau'i iyaro.

RUT 3:12

Mémeng tongeng, harusu'ka mattanggung jawa lao ri atuwommu, saba' iyya iyanaritu kaluwargamu iya macawé'é. Iyakiya engka mupa tau laing iya harusu'é mattanggung jawa lao ri atuwommu. Na aléna iyanaritu kaluwarga iya lebbi macawé'é naiya iyya.

RUT 3:8

Ri tengnga bennié tappa moto'ni Boas sibawa maélo giling. Tassélenni mitai engka séddi makkunrai matinro ri seddéna ajéna.

RUT 4:4

Nauwasengngi harusu'ko missengngi passalenna gau'éro. Rékko maéloko melliwi, powadani ri yolona sining tauwé iya tudangngé kuwaé. Rékko dé', powadani terus terang, saba banna idi sipadduwa iya mappunnaiyé ha' ri passalengngéro; iko pammulang, nappa iyya.” Nappébali iyaro tauwé, “Ya, maéloka melliwi.”

RUT 4:6

Nappébali iyaro tauwé, “Rékko makkuwaitu, dé' usanggu. Makessinni makkekkuwangngé uleppessang ha'ku selaku tau mammulang iya waji'é melliwi tanaéro. Dé'gaga gunana uwelli saba' iyaro tanaé tentu dé' nawedding mancaji appunnangenna wija-wijakku. Lebbi kessing muwi iko melliwi.”

1 SAMUEL 25:41

Natokkonna Abigail sibawa suju' enrengngé makkeda, “Iyya'é atanna Daud, sadiyaka bissaiwi ajéna sining atanna.”