RUT 3:7 - KITTA KAREBA MADECENG

⁷ Puranana Boas manré sibawa ménung, messoni sibawa masennanni atinna. Nainappa lao matinro ri seddéna goppo gandongngé. Nacoco'-coco'na Rut lao timpa'i parampa'na Boas, nainappa léwu ri seddéna ajéna.

RUT 3:7 ပူးပေါင်းရင်းမြစ်များ

KAJAJIYANG 43:34

Riwéréngngi mennang inanré polé ri méjanna Yusuf, na Bényamin ritumaningiwi wékkalima lebbi maéga naiya kaka-kakana. Nainappa manré ménunni mennang sisama Yusuf gangka cau.

2 SAMUEL 13:28

Napparéntanni lao ri ata-atanna, “Pénessaiwi madécéd-décéng, rékko mabo'ni Amnon nasaba énungeng anggoro, uwérékko matu tanra-tanrang, naunoni. Aja' mumétau. Iyya tanggungiwi iyaro gau'é. Tinda'no sibawa barani, aja' mubata-bata!”

1 ARUNG-NGARUNG 21:7

Nametté Izebél, “Na ikotu arunna Israélié! Oto'no makkekkuwangngé sibawa manréno. Pésennangini atimmu, saba' iyya maélo mpérékko iyaro palla anggoro'na Nabot!”

ESTER 1:10

Ri esso iya mapitué, ménum-ménunni arungngé angkanna masennang senna nasedding. Rimakkuwannanaro naobbini iya pitu pajaba napallainna iya mancajiyé pattumani paribadinna; mennang iyanaritu Méhuman, Bizta, Harbona, Bigta, Abagta, Zétar sibawa Karkas.

MAZMUR 104:15

sibawa powassélé uwai anggoro iya pasennangiyé. Makkuwatoro minnya zaitun iya mébbuéngngi rupanna maccahaya, sibawa inanré iya mpéréngngéngngi awatangeng.

PAKKATOBBA 10:19

Péstaé mébbui macawa, sibawa anggoro'é mébbui marennu. Iyakiya parellu engka dowi untu' mpajai.

PAKKATOBBA 2:24

Dé'gaga iya lebbi makessingngé untu' tolinoé naiya manré, ménungngé sibawa péneddingiwi wassélé jama-jamanna. Mainge'ka makkedaé muwi iyaro pabbérénato Allataala.

PAKKATOBBA 8:15

Kesimpulakku iyanaritu makkedaé harusu'i tauwé marennu. Nasaba ri laleng atuwonna ri linoé dé'gaga asennangeng laing ri aléna sangadinna manré, ménung sibawa mariyo-riyo. Iyaro bawang wedding napéneddingi ri tengngana turuppuse'na, sipongeng riwérénna atuwong ri Allataala.

PAKKATOBBA 9:7

Ayo, anréno bawang sibawa marennu, énunni anggoro'mu sibawa mariyo-riyo. Dé' nappotane Allataala, mala Napuwéloi.

1 KORINTUS 10:31

Muwi aga napogau' Saudara – manréi Saudara iyaré'ga ménungngi – pogau'i iya manennaro untu' pakalebbii Allataala.

EFESUS 5:18

Aja' mumabo' ri anggoro'é, saba' iyaro nasolangiko matu. Sibalé'na sitinajako rikuwasai ri Rohna Allataala.

HAKING-HAKING 19:22

Wettunna mennang massennas-sennang, tennasenna-sennana rikeppung iyaro bolaé risining tau benna'é ri kotaéro. Nagetto'ni mennang tange'é sibawa makkeda lao ri tomatowaéro, “Abbéréyangngi lao ri idi worowané iya mutiwié ri bolamu. Maéloki pakéi!”

HAKING-HAKING 19:6

Nanatudanna iyaro tau Léwié sibawa manré ménung sisama ambo'na iyaro makkunraié. Iyakiya wettunna tettong maélo joppa, ambo'na iyaro makkunraié palécéi kuwammengngi aja' nalao. Adanna, “Assennas-sennanno riyolo, sibawa abbennino kuwaé.” Nanaonrona iyaro tau Léwié kuwaro siwennisi.

HAKING-HAKING 19:9

Nainappa wettunna iyaro tau Léwié maélo joppa silaong gundi'na sibawa atanna, makkedani iyaro ambo'é, “Mawé'ni mawenni, dé'na namaitta namapettang. Lebbi kessing muwi mabbenniyé kuwaé sibawa massennang-sennang. Baja weddikko moto maélé untu' joppa lisu.”

RUT 3:6

Nalaona Rut ri onronna tauwé majjama paddunui gandongngé polé ri uléna. Kuwaniro napogau' sininna iya risurowangngéngngi ri matuwanna.

RUT 3:8

Ri tengnga bennié tappa moto'ni Boas sibawa maélo giling. Tassélenni mitai engka séddi makkunrai matinro ri seddéna ajéna.