RUT 3:14 - KITTA KAREBA MADECENG

¹⁴ Namatinrona Rut kuwaro ri seddéna ajéna Boas. Bajana maélé mupa, naoto'na Rut kuwammengngi dé' nariita ri tauwé. Saba' dé' namaélo Boas muwi séddi tau missengngi makkedaé poléi Rut ri onrongngéro.

RUT 3:14 ပူးပေါင်းရင်းမြစ်များ

PAKKATOBBA 7:1

Aseng mabaué lebbi kessingngi naiya minnya wangi matanré angke'na; sibawa esso amaténgngé lebbi kessingngi naiya esso ajajiyangngé.

ROMA 12:17

Rékko pogau'i ja tauwé lao ri iko, aja' muwale'i sibawa ja. Pogau'i aga iya nangga' makessingngé sininna tauwé.

ROMA 14:16

Iyanaro saba'na aja' muleppessangngi aga iya madécéngngé untu' Saudara, riyangga' dé' namakessing ri tau laingngé.

1 KORINTUS 10:32

Tuwono pékkugi baténa angkanna Saudara dé' nassabariwi tau laingngé pogau' dosa; tau Yahudigi mennang iyaré'ga tau tenniya Yahudigi, iyaré'ga jema'na Allataala.

2 KORINTUS 8:21

Maéloki kédo malempu tenniya banna ri yolona Puwangngé, iyakiya ri yolonato rupa tauwé.

1 TESALONIKA 5:22

Abélaiwi sininna rupanna jaé.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.

RUT 3:15

Makkedani Boas lao ri Rut, “Leppessangngi saléndammu namupallebba'i kuwaé.” Naleppessanni saléndanna Rut sibawa pallebba'i. Natiri'ni Boas ri laleng saléndangngéro kira-kira duwappulo kilo gandong. Nainappa nakka ri yasé'na salangkanna Rut. Purairo laoni Boas ri kotaé.