RUT 2:7 - KITTA KAREBA MADECENG

⁷ Méllau paramisiwi ri iyya kuwammenngi naripalalo maccowé ri munrinna sining paréngngalaé untu' mitté gandong iya sempé-sempé'é. Sipongenna élé najjama matteru, na makkekkuwangngé mappésau untu' passauwi tekkona cinampe ri kalampangngé.”

RUT 2:7 ပူးပေါင်းရင်းမြစ်များ

AMSAL 13:4

Tokuttué maéga cinnana iyakiya dé' muwi séddi iya naduppaé; tau iya majjama marejjingngé nalolongengngi sininna iya nacinnaiyé.

AMSAL 15:33

Métau lao ri Puwangnge iyanaritu tettongenna pappagguruwang iya makessingngé; alebbirengngé ripoddiyoloiwi ri ariyawang atié.

AMSAL 18:23

Tau kasiyasié méllauwi sibawa mappakalebbi; tau sugié mappébaliwi sibawa maggera'.

AMSAL 22:29

Engkaga naengka muwitai tau iya maccaé pogau'i jama-jamanna? Iyaro tauwé ripajjamai matu ri saorajana arung-ngarungngé, tenniya ri bolana tau biyasaé.

PAKKATOBBA 9:10

Jamai sininna tugasmu sibawa maggangka ullé. Saba' matti dé'na gaga pikkirang iyaré'ga jama-jamang. Dé'gaga pangissengeng iyaréga amaccang ri linona tau maté. Na kuwaniro laoko matu.

MATIUS 5:3

“Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

ROMA 12:11

Ajjamano sibawa mapato. Aja' mumakuttu. Ajjamano untu' Puwangngé sibawa sumange' polé ri Rohna Allataala.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.

EFESUS 5:21

Untu' pakalebbii Kristus, sitinajako tunru' séddié lao ri laingngé.

RUT 2:2

Riséuwaé esso makkedai Rut lao ri Naomi, “Indo', mapparamisika maélo lao ri dare'é untu' mitté gandong iya sempé'é polé ri limanna sining paréngngalaé. Upérasai tentu engka tau iya leppessangngékka matu pogau'i gau'éro.” Nappébali Naomi, “Makessinni na', laono!”

RUT 2:21

Nainappa makkedasi Rut, “Indo', iyaro tauwé makkeda towi makkedaé weddikka matteru mangitté gandong silaong sining pajjamana narapi pura maneng riyéngngala sininna wassélé dare'na.”

RUT 2:6

Nappébali iyaro mandoro'é, “Makkunrai bangsa Moab iya nappa polé silaong Naomi polé ri wanuwa Moab.

RUT 2:8

Nanakkeda Boas lao ri Rut, “Coba méngkalingai riyolo. Aja'na mulao mitté gandong ri dare'na tau laingngé. Itté bawanno kuwaé silaong sining pajjamaku iya makkunraié. Pénessaiwi mennang kégai lao méngngala. Tuli accowériwi mennang sibawa aja' mumabéla polé ri mennang. Rékko madekkako, ala bawanno uwai polé risining bémpa iya puraénna naliseki sining pajjama worowané. Purani uwapparéntang kuwammengngi aja' mennang nagangguko.”