RUT 2:20 - KITTA KAREBA MADECENG

²⁰ Nakkeda Naomi, “Iyaro tauwé kaluwarga macawé'ta. Aléna ritu harusu mattanggung jawa lao ri idi. Tennapodo Puwangnge barakkakiwi. Tuli narupaiwi Puwangnge jancin-Na, muwi lao ri tau iya tuwoé mupa iyaré'ga lao ri mennang iya matéénna.”

RUT 2:20 ပူးပေါင်းရင်းမြစ်များ

2 SAMUEL 2:5

kirinni suro lao kuwaro sibawa palettu paseng, “Tennapodo Puwangnge barakkakiko, nasaba purani muwappaitang atinuluremmu lao ri arummu sibawa tampungngi ujuna.

2 SAMUEL 9:1

Riséuwaé esso makkutanai Daud, “Engka mupaga tau iya tuwoé polé ri kaluwargana Saul? Rékko engka, macinnaka pogau'i makessingngé lao ri aléna nasaba Yonatan.”

AYUB 19:25

Uwisseng makkedaé ri surugaé engka Méwaika; angkanna poléi matu tulukka.

AMSAL 17:17

Séddié sahaba tuli matinului lao ri silaonna, iyakiya séddié silessureng maccowéi tanggungngi asussangngé.

ANGIMANGENG 25:25

Rékko séddié tau Israél mancaji kasiyasiwi angkanna tarapassai nabalu tanana, sumpulolona iya kaminang macawé'é waji'i passui iyaro tanaé.

FILIPI 4:10

Ri laleng atuwokku iya masséddié sibawa Puwangngé, masennang senna'i pappéneddikku, saba' puranana makkuwaro ittana, makkekkuwangngé makkullésiko pikkiri'i keadaakku. Akkattaku tenniya makkedaé muwallupaina; mémeng muwajampangika, iyakiya dé' mulolongeng kasempatang untu' mappaitangngi.

RUT 2:21

Nainappa makkedasi Rut, “Indo', iyaro tauwé makkeda towi makkedaé weddikka matteru mangitté gandong silaong sining pajjamana narapi pura maneng riyéngngala sininna wassélé dare'na.”

RUT 3:12

Mémeng tongeng, harusu'ka mattanggung jawa lao ri atuwommu, saba' iyya iyanaritu kaluwargamu iya macawé'é. Iyakiya engka mupa tau laing iya harusu'é mattanggung jawa lao ri atuwommu. Na aléna iyanaritu kaluwarga iya lebbi macawé'é naiya iyya.

RUT 4:14

Makkedani sining makkunraié lao ri Naomi, “Ripojiwi Puwangnge! Purani nawérékko séddi eppo worowané ri essoéwé untu' piyarako. Tennapodo iyaro ana'é mancaji tassebbo'i ri Israélié!

RUT 4:4

Nauwasengngi harusu'ko missengngi passalenna gau'éro. Rékko maéloko melliwi, powadani ri yolona sining tauwé iya tudangngé kuwaé. Rékko dé', powadani terus terang, saba banna idi sipadduwa iya mappunnaiyé ha' ri passalengngéro; iko pammulang, nappa iyya.” Nappébali iyaro tauwé, “Ya, maéloka melliwi.”

RUT 4:6

Nappébali iyaro tauwé, “Rékko makkuwaitu, dé' usanggu. Makessinni makkekkuwangngé uleppessang ha'ku selaku tau mammulang iya waji'é melliwi tanaéro. Dé'gaga gunana uwelli saba' iyaro tanaé tentu dé' nawedding mancaji appunnangenna wija-wijakku. Lebbi kessing muwi iko melliwi.”