RUT 2:2 - KITTA KAREBA MADECENG

² Riséuwaé esso makkedai Rut lao ri Naomi, “Indo', mapparamisika maélo lao ri dare'é untu' mitté gandong iya sempé'é polé ri limanna sining paréngngalaé. Upérasai tentu engka tau iya leppessangngékka matu pogau'i gau'éro.” Nappébali Naomi, “Makessinni na', laono!”

RUT 2:2 ပူးပေါင်းရင်းမြစ်များ

KAJAJIYANG 32:6

Wettunna sining suroé lisusi ri Yakub, makkedani mennang, “Poléni ri Esau, kakana Bapa' na makkekkuwangngé engkani ri laleng allalengengngé lao mai untu' méwai sita Bapa'. Poléi sibawa eppadatu tau.”

ANGIMANGENG 19:10

Aja' mulisu ri palla anggoro'mu untu' paddeppungengngi buwa-buwa anggoro iya musésaé puramuna maccéppu mammulangngé. Makkuwatoro buwa-buwana iya sempé'énna aja' muwalai. Leppessangngi iyaro untu' tau kasiyasié sibawa tau laingngé. Iyya'na Puwang Allataalamu.

ANGIMANGENG 19:16

Aja' muwamporeng pappétenna ri yelle'na sining tau sibangsamu, kuwammengngi aja' na iko nassabariwi amaténna pada-padammu rupa tau. Iyya'na Puwang.

ANGIMANGENG 19:9

Rékko méngngalako, aja' muwéngngalai gandong iya tuwoé ri wiring-wiring dare'mu, sibawa aja' mulisu untu' paddeppungengngi gandong iya musésaé puramuna méngngala.

ANGIMANGENG 23:22

Rékko méngngalako, aja' muwéngngalai gandong iya tuwoé ri wiring-wiring dare'mu sibawa aja' mulisu untu' paddeppungengngi gandong iya nasésae puranana éngngalangnge. Leppessangngi iyaro untu' tau kasiyasié sibawa tau laingngé. Puwangnge iyanaritu Allataalamu.

RUT 2:3

Nalaona Rut ri dare'é sibawa mitté gandong maccowériwi sining paréngngalaé. Nasitujuwangngi laowi ri dare appunnangenna Boas.

RUT 2:7

Méllau paramisiwi ri iyya kuwammenngi naripalalo maccowé ri munrinna sining paréngngalaé untu' mitté gandong iya sempé-sempé'é. Sipongenna élé najjama matteru, na makkekkuwangngé mappésau untu' passauwi tekkona cinampe ri kalampangngé.”

1 SAMUEL 1:18

Nappébali Hana, “Tennapodo lolongekka barakka'na Bapa'.” Nainappa lao, nanaanré; sibawa dé'na namasarana.