RUT 2:15 - KITTA KAREBA MADECENG

^15-16 Nainappa laosi Rut mangitté gandong. Laonana, makkedani Boas lao risining paréngngalana, “Rékko naittéi gandong iya pura risiyoénna, leppessang bawanni. Aja' mupakasirii iyaré'ga macairiwi. Makessingengngi muwattungkaiwi reddu'i taccéddé-céddé iya puraé risiyoro, namupasempékengngi kuwammengngi naittéi.”

RUT 2:15 ပူးပေါင်းရင်းမြစ်များ

ANGIMANGENG 19:9

Rékko méngngalako, aja' muwéngngalai gandong iya tuwoé ri wiring-wiring dare'mu, sibawa aja' mulisu untu' paddeppungengngi gandong iya musésaé puramuna méngngala.

ANGIMANGENG 23:22

Rékko méngngalako, aja' muwéngngalai gandong iya tuwoé ri wiring-wiring dare'mu sibawa aja' mulisu untu' paddeppungengngi gandong iya nasésae puranana éngngalangnge. Leppessangngi iyaro untu' tau kasiyasié sibawa tau laingngé. Puwangnge iyanaritu Allataalamu.

YAKOBUS 1:5

Rékko engka séddi tau ri yelle'mu iya makurang panré, sitinajai naéllau ri Allataala, na Allataala mpéréngngi matu apanréng ri aléna; saba' lao ri tungke' tau, mabbéréi Allataala sibawa makacuwa enrengngé paressé babuwa.

RUT 2:14

Narapinana wettunna untu' manré, makkedani Boas lao ri Rut, “Laono mai taanré. Iyaé pakkanriyanna.” Namanréna Rut silaong sining paréngngalaé. Mabbéré towi Boas gandong ripanggang, namanréna Rut gangka messo. Puranana manré, engka mupa sésana.