RUT 2:14 - KITTA KAREBA MADECENG

¹⁴ Narapinana wettunna untu' manré, makkedani Boas lao ri Rut, “Laono mai taanré. Iyaé pakkanriyanna.” Namanréna Rut silaong sining paréngngalaé. Mabbéré towi Boas gandong ripanggang, namanréna Rut gangka messo. Puranana manré, engka mupa sésana.

RUT 2:14 ပူးပေါင်းရင်းမြစ်များ

2 SAMUEL 17:28

Tiwini mennang mangko, pamuttu, sibawa kasoro untu' Daud sibawa ana' buwana, makkuwatoro gandong, cadduku, labbu, goré labbu, buwé cella, buwé cella loppo, cani, kéju, susu mattékké sibawa siyagangngaré bimbala. Naisseng mennang makkedaé malupui Daud sibawa ana' buwana, madekka sibawa poso nasaba allalengengngé ri padang kessi'é.

MAZMUR 23:5

Mupassadiyangekka pésta ri yolona matanna balikku. Muduppaika selaku topolé malebbié. Mupatalangekka énungeng makessing maona.

YESAYA 32:8

Iyakiya tau iya malempué akkalenna narancanai gau'-gau' iya malempué nenniya tinda'i sibawa malemputo.

YESAYA 58:7

Bagéi inanrému sibawa tau iya malupué, tarimai sining tau paréllau-éllauwé ri bolamu. Wéréngngi pakéyang tau mallusu-lusué, sibawa aja' musampéyangngi silessuremmu iya parellué ritulung.

MATIUS 14:20

Nanré manenna mennang gangka messo. Purairo napaddeppungenni ana'-ana' gurunna Yésus lebbinna iyaro nanré; engka seppulo duwa baku penno.

ULANGENG 11:15

enrengngé wella untu' olokolo'mu. Sininna inanré iya muwapparelluwangngé tassadiyai matu untu' alému.

ULANGENG 8:10

Manréko matu gangka caumu, sibawa sukkuru lao ri Puwang Allataalamu untu' tana commo iya Nawéréngngékko.”

RUT 2:13

Nappébali Rut, “Makessing senna Bapa' lao ri iyya, namuni iyya dé' upada-pada sibawa pajjamana Bapa'. Abessangenna Bapa' nasaléwori senna'i atikku.”

RUT 2:15

Nainappa laosi Rut mangitté gandong. Laonana, makkedani Boas lao risining paréngngalana, “Rékko naittéi gandong iya pura risiyoénna, leppessang bawanni. Aja' mupakasirii iyaré'ga macairiwi. Makessingengngi muwattungkaiwi reddu'i taccéddé-céddé iya puraé risiyoro, namupasempékengngi kuwammengngi naittéi.”

RUT 2:18

Nainappa lisu ri kotaé sibawa tiwi wassélé itténaro nanappaitangngi lao ri matuwannaro siyaga égana pura naitté. Sibawa nawéréng toni iyaro matuwanna inanré iya dé'é naulléi paccappui wettunna manré.

1 SAMUEL 17:17

Riséwaé esso makkedai Isai lao ri Daud, “Alano seppulo kilo barellé tunu sibawa seppulo rotiéwé, namutiwii lao ri kaka-kakamu ri akkémang tentaraé.

1 SAMUEL 25:18

Masitta'ni Abigail mala duwa ratu roti, sibawa popang bingkulang mallise uwai anggoro, lima bimbala panggang, seppulo pitu kilo betté gandong, sératu réppung buwa anggoro marakko sibawa duwa ratu béppa ara. Iya manennaro napaénré'i ri yasé'na kaleddé'na.