RUT 2:13 - KITTA KAREBA MADECENG

¹³ Nappébali Rut, “Makessing senna Bapa' lao ri iyya, namuni iyya dé' upada-pada sibawa pajjamana Bapa'. Abessangenna Bapa' nasaléwori senna'i atikku.”

RUT 2:13 ပူးပေါင်းရင်းမြစ်များ

KAJAJIYANG 32:6

Wettunna sining suroé lisusi ri Yakub, makkedani mennang, “Poléni ri Esau, kakana Bapa' na makkekkuwangngé engkani ri laleng allalengengngé lao mai untu' méwai sita Bapa'. Poléi sibawa eppadatu tau.”

KAJAJIYANG 33:10

Nakkeda Yakub, “Aja'! Rékko purana' pésennangiwi atinna Kaka, tarimani pakkasuwiyakkué. Untu' aléku, rékko uwitai rupanna Kaka, padani rékko uwitai rupanna Allataala, nasaba makkumani bessana Kaka lao ri iyya.

KAJAJIYANG 33:15

Nakkeda Esau, “Rékko makkuwaitu, makessinni utarongekko siyagangngaré ana' buwaku.” Iyakiya mappébaliwi Yakub, “Aja'na, mumassussa-sussa, maéloma bawang sennangiwi atinna Kaka.”

KAJAJIYANG 33:8

Nakkutana Esau, “Aga akkattamu sibawa kalompo-kalompo iya uwéwaé siruntu dénré?” Nappébali Yakub, “Untu' pésennangiwi atinna Kaka.”

KAJAJIYANG 34:3

Iyakiya tattaré' senna'i ri Dina, angkanna napojiwi sibawa makkuraga towi kuwammengngi iyaro ana'daraé poji towi.

KAJAJIYANG 43:14

Tennapodo Allataala Iya Pommakuwasaé mébbui iyaro gubernur-é marasa kasiyang lao ri iko, angkanna maéloi palisui Bényamin sibawa Siméon lao ri iko. Passalenna iyya'é, rékko mémekka harusu ateddéngeng ana'-ana'ku, maéloni riyaga.”

2 SAMUEL 16:4

Namakkedana arungngé lao ri Ziba, “Mappammulai makkekkuwangngé sininna appunnangenna Méfibosét mancajiwi appunnangemmu.” Nappébali Ziba, “Tarima kasi Datu. Tennapodo Datu tuli masennangngi lao ri atatta!”

AMSAL 15:33

Métau lao ri Puwangnge iyanaritu tettongenna pappagguruwang iya makessingngé; alebbirengngé ripoddiyoloiwi ri ariyawang atié.

HOSEA 2:16

Nainappa nateppu-Ka matu lakkainna, natenniyana Baalna.

FILIPI 2:3

Aja' mupogau'i séuwaé nasaba risorokko ri apentingeng ri alé, iyaré'ga untu' mattempowangngi alé. Sibalé'na sitinajako tungke'-tungke' sibawa ati mariyawa mangga'i tau laingngé lebbi makessing naiya aléna.

HAKING-HAKING 19:3

iyaro tau Léwié laoni molaiwi untu' palécéi nalisu ri aléna. Laowi sibawa tiwi séddi ata enrengngé duwakkaju kaleddé. Lettu'nana kuwaro, ritiwini ri makkunraiéro lao ri ambo'na. Wettunna naita ambo'na makkunraiéro, naduppaini sibawa masennang,

RUT 2:12

Tennapodo Puwangnge wale'i sininna akessingemmu. Tennapodo mutarimai aga iya sitinajaé nawérékko Puwangnge, Allataalana Israélié, nasaba poléno untu' mallinrung ri Aléna!”

RUT 2:14

Narapinana wettunna untu' manré, makkedani Boas lao ri Rut, “Laono mai taanré. Iyaé pakkanriyanna.” Namanréna Rut silaong sining paréngngalaé. Mabbéré towi Boas gandong ripanggang, namanréna Rut gangka messo. Puranana manré, engka mupa sésana.

1 SAMUEL 1:18

Nappébali Hana, “Tennapodo lolongekka barakka'na Bapa'.” Nainappa lao, nanaanré; sibawa dé'na namasarana.

1 SAMUEL 25:41

Natokkonna Abigail sibawa suju' enrengngé makkeda, “Iyya'é atanna Daud, sadiyaka bissaiwi ajéna sining atanna.”