RUT 2:12 - KITTA KAREBA MADECENG

¹² Tennapodo Puwangnge wale'i sininna akessingemmu. Tennapodo mutarimai aga iya sitinajaé nawérékko Puwangnge, Allataalana Israélié, nasaba poléno untu' mallinrung ri Aléna!”

RUT 2:12 ပူးပေါင်းရင်းမြစ်များ

MAZMUR 17:8

Piyaraka pada-pada lise matammu, subbuka ri laleng accinaungenna pannimu

MAZMUR 19:11

Lebbi mangke'i Hukkunna Puwangnge naiya ulaweng tuléngngé, lebbi macenningngi naiya cani aslié.

MAZMUR 36:7

Akessingem-Mu maccaloli sittanré bulué, sibawa adélékem-Mu pada liyunna dolangengngé; Mupiyarai tolinoé sibawa olokolo'é, oh Puwang.

MAZMUR 57:1

Untu' pamimping kor. Situru lagunna: Aja' tapaccappui. Mazmur polé ri Daud, wettunna lari muttama ri laleng gowaé untu' massalaiwi Saul.

MAZMUR 58:11

Mitai tau majaé rihukkung, marennui tau malempué, sibawa bissaiwi ajéna ri laleng darana tau madorakaé.

MAZMUR 61:4

saba' Iko ritu pallinrukku, attahangeng iya mawatangngé lao ri balikku.

MAZMUR 63:7

Uwéngngerak-Ko wettu léwuku ri onrong atinrongngé; puppu benni unennun-nennuk-Ko,

MAZMUR 91:4

Nacinaungiko matu sibawa panni-Na, angkammu amang ri laleng accinaungen-Na; atinuluren-Na padai kaliyawo iya linrungiyékko.

AMSAL 11:18

Asaronna tau majaé iyanaritu asarong bellé-bellé, asaronna tau iya pogau'éngngi makessingngé iyanaritu asarong iya tongengngé.

AMSAL 23:18

kuwammengngi na wettu mangolomu tattanggungngi, sibawa amménasammu dé' nateddéng.

YEREMIA 31:16

Pappésauni terimmu sibawa rakkoiwi uwai matammu! Dé' nasiya-siya turuppuse'mu untu' ana'-ana'mu. Untu' alému engka matu pamale'na, lisui matu ana'-ana'mu polé ri wanuwanna balié.

MATIUS 23:37

“Yérusalém, Yérusalém! Muwunoi nabi-nabié, sining surona Allataala mugenrungiwi batu gangka maté. Maléwe'ni maélo-Ka pasipuppung manengngi pabbanuwamu pada-pada indo' manu'é iya rokongiyéngngi ana'-ana'na ri yawana pannina, iyakiya dé' mumaélo!

MATIUS 5:12

Nabi-nabi iya tuwoé ri yolomu pura towi ricalla pada-padaéro. Mariyoriyono sibawa marennu, saba' battowai saromu iya napassadiyangengngékko Puwangngé.”

MATIUS 6:1

“Engngerangngi, aja' mupogau'i kewajibanna agamaé ri yolona tau maégaé kuwammengngi naitai tauwé. Rékko mupogau'i makkuwaéro, dé' nariwérékko matu saro ri Ambo'mu ri surugaé.

LUKAS 6:35

Sitonget-tongenna dé' nakkuwaro! Sibalé'na harusu'ko mamaséiwi balimmu sibawa pogau'i makessingngé lao ri mennang. Harusu'ko mappainreng, naaja' murennuwangngi lisu. Rékko makkuwairo, battowai saromu sibawa mancajiko matu ana'-ana'na Allataala Iya Pommatanré. Saba' makessing atiwi Allataala lao ri tau iya dé'é naissengngi mattarima kasi, sibawa lao ri iya majaétto.

KOLOSE 2:18

Aja' muleppessangngi alému riparogi ri tau iya majjaiyéngngi pakariyawai aléna sibawa iya massompaé malaéka'-malaéka'. Iyaro tauwé matempoi sibawa sining pikkiranna iya linoémmi bawang enrengngé mammingki-mingkikengngi sining pakkitang dé'é padanna,

2 TIMOTIUS 1:18

Na ri Efésus maéga senna' natulungekka, muwissenni iyaro gau'é. Tennapodo Puwangngé mappaitang paressé babuwa ri aléna wettunna Essona Puwangngé madélékiwi sininna rupa tauwé.

2 TIMOTIUS 4:8

Namakkekkuwangngé hadiya apakalangngé tajekka. Ri Esso Kiyame', Puwangngé, Haking iya adélé'éro mabbéréyangngi matu iyaro hadiyaé lao ri iyya, nasaba tuwoka simadécéngeng sibawa Allataala. Na tenniya iyya bawang iya maéloé tarimai iyaro hadiyaé, iyakiya sininnato tauwé iya tajengngéngngi apolénna Puwangngé sibawa muddani senna'.

IBRANI 11:26

Napérasaiwi Musa makkedaé mabélai lebbi mangke' untu' lolongeng pappakatuna nasaba Arung Pappassalama'é iya najjanciyangngéro Allataala naiya lolongengngéngngi sininna waramparanna wanuwa Maséré', nasaba namménasaiwi Musa apolénna ri esso ri munri.

IBRANI 11:6

Temmateppe, dé' muwi séddi tau mulléi sennangiwi atinna Allataala. Saba' tau iya laowé ri Allataala harusu'i mateppe' makkedaé engka Allataala sibawa Allataala mpale'i tau iya sappaéngngi.

IBRANI 6:10

Allataala tenniya Allataala iya dé'é na adélé'. Dé' nallupaiwi aga iya mupogau'é lao ri Aléna, sibawa pammasé iya muwappitangngé lao ri Aléna wettunna mutulung Saudara-saudara siatepperengngé, riyolo sibawa makkekkuwangngé.

RUT 1:16

Iyakiya mappébaliwi Rut, “Indo', aja' tasuroka Indo' lisu sibawa salaiwi Indo'! Maéloka maccowé silaong Indo'. Kégi-kégi Indo' lao, kuwatokka'ro lao. Kégi-kégi Indo' monro, kuwatokka'ro maélo monro. Bangsana Indo', iyanaritu bangsaku. Allataala iya nasompaé Indo', maéloto usompa.

RUT 2:11

Nappébali Boas, “Purani uwéngkalinga passalenna sininna séuwa-séuwaé iya mupogau'é lao ri matuwammu sipongenna maté lakkaimmu. Uwisseng makkedaé musalaini tomatowammu sibawa kampong assalemmu untu' lao sibawa monro kuwaé silaong sining tau iya dé'éppa muwissengngi.

RUT 2:13

Nappébali Rut, “Makessing senna Bapa' lao ri iyya, namuni iyya dé' upada-pada sibawa pajjamana Bapa'. Abessangenna Bapa' nasaléwori senna'i atikku.”

RUT 4:15

Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.”

1 SAMUEL 24:19

Jaku lao ri iko muwale'ni sibawa akessingeng. Ri essoéwé purani muwappaitang makkedaé makkatta makessikko lao ri iyya, saba' dé' muwunoka, namuni purani nabbéréyakka Puwangnge lao ri iko.

1 SAMUEL 24:20

Majarang senna tau siruntu balinna iyakiya naleppessangngi iyaro balinna tuwo! Jaji, tennapodo Puwangnge barakkakiko nasaba pangkaukemmu iya makessingngé lao ri iyya essoéwé!