RUT 2:11 - KITTA KAREBA MADECENG

¹¹ Nappébali Boas, “Purani uwéngkalinga passalenna sininna séuwa-séuwaé iya mupogau'é lao ri matuwammu sipongenna maté lakkaimmu. Uwisseng makkedaé musalaini tomatowammu sibawa kampong assalemmu untu' lao sibawa monro kuwaé silaong sining tau iya dé'éppa muwissengngi.

RUT 2:11 ပူးပေါင်းရင်းမြစ်များ

2 SAMUEL 21:11

Wettunna ripowadang Daud aga iya napogau'é Rizpa,

MAZMUR 45:10

Ri yelle'na sining pattumani saorajaé engkai ana'-ana' makkunrainna arungngé. Ri ataunna kadéra arajangngé tettongngi bainéna sibawa bélo-bélo ulaweng tuléng.

LUKAS 14:33

Paccappurenna Yésus makkedai, “Makkuwatoro iko. Dé' séddi polé ri iko mulléi mancaji ana' guruk-Ku, rékko dé' nappésonangngi sini-sininnaé.”

LUKAS 5:11

Nagettenni Simon sibawa sellao-sellaona iyaro sining lopinna lao ri wiring, nainappa nasalai maneng, nanaccowériwi Yésus.

LUKAS 5:23

Kéga lebbi gampang makkeda, ‘Riyaddampengenni dosamu’, iyaré'ga makkeda, ‘Oto'no namujoppa!’

RUT 1:11

Nappébali Naomi, “Aja' ana'! Lebbi kessing muwi lisuko. Untu' aga muwaccowérika? Dé'na naweddikka jajiyang ana' untu' mancaji lakkaimmu?

RUT 2:10

Naéngkalinganaro, suju'ni Rut ri yolona Boas sibawa makkeda, “Pa', dé' usitinaja tarima aggaukeng iya makessing makkuwaéro polé ri Bapa'. Iyya'é tau laikka sibawa dé' nasitinaja lolongeng pajjampana Bapa'!”

RUT 2:12

Tennapodo Puwangnge wale'i sininna akessingemmu. Tennapodo mutarimai aga iya sitinajaé nawérékko Puwangnge, Allataalana Israélié, nasaba poléno untu' mallinrung ri Aléna!”

RUT 3:10

Nakkeda Boas, “Tennapodo Puwangnge barakkakiko, ana'ku. Ripasibandingngi sibawa aga iya puraé mupogau' lao ri matuwammu, pangkaukemmu makkekkuwangngéwé mappaitangngi pappoji iya lebbi battowaéppasi. Weddissa sappako lakkai iya maloloé ri yelle'na tau sugié iyaré'ga tau kasiyasi-yasi, iyakiya dé' mupogau'i iyaro.

RUT 4:15

Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.”