RUT 1:16 - KITTA KAREBA MADECENG

¹⁶ Iyakiya mappébaliwi Rut, “Indo', aja' tasuroka Indo' lisu sibawa salaiwi Indo'! Maéloka maccowé silaong Indo'. Kégi-kégi Indo' lao, kuwatokka'ro lao. Kégi-kégi Indo' monro, kuwatokka'ro maélo monro. Bangsana Indo', iyanaritu bangsaku. Allataala iya nasompaé Indo', maéloto usompa.

RUT 1:16 ပူးပေါင်းရင်းမြစ်များ

2 SAMUEL 15:21

Iyakiya mappébaliwi Itai, “Iya Malebbié, nasabbing Puwang iya tuwoé sibawa nasabbing nyawana Puwakku, kégi-kégi Puwakku lao, maélo towi atatta maccowé, namuni moloiwi amaténg.”

MAZMUR 45:10

Ri yelle'na sining pattumani saorajaé engkai ana'-ana' makkunrainna arungngé. Ri ataunna kadéra arajangngé tettongngi bainéna sibawa bélo-bélo ulaweng tuléng.

AMSAL 17:17

Séddié sahaba tuli matinului lao ri silaonna, iyakiya séddié silessureng maccowéi tanggungngi asussangngé.

YESAYA 14:1

Puwangnge mamaséiwi matu Israélié umma'-Na, sibawa piléi mennang paimeng mancaji appunnangen-Na. Nataroi matu mennang paimeng ri wanuwanna muto. Poléi matu tau laingngé sibawa masséddi sibawa mennang.

DANIEL 2:47

Makkedai arungngé, “Tongeng, Daniél, iyaro Allataalamu kaminang maloppo ri yelle'na sining Allataalaé. Aléna iyanaritu makuwasa ri sininna arungngé, sibawa timpa'éngngi sininna rahasiyaé. Uwisseng gau'éro saba' muwulléi pakatajangngi bettuwanna rahasiyaéwé.”

DANIEL 3:29

Rimakkuwannanaro uwapparéntangngi makkedaé tungke' tauwé muwi polé ri bangsaé, suku bangsaé iyaré'ga basaé, iya powadaé pappakatuna lao ri Allataala iya nasompaé Sadrakh, Mésakh sibawa Abédnégo, rilétta'-létta'i matu sibawa riruttungngi matu bolana naripancaji goppo sésa-sésa. Saba' dé' gaga déwata iya mullééngngi pogau'i aga iya puraé napogau' Allataalaro.”

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

HOSEA 13:4

Makkedai Puwangnge, “Iyya ritu Puwang Allataalamu, iya tiwiékko massu polé ri Maséré. Dé' muwappunnai Allataala ri laik-Ku. Iyya ritu alé-aléna pappassalama'mu.

ZAKHARIA 8:23

Ri esso-essoéro seppulo tau laing laowi matu ri séddié tau Yahudi sibawa makkeda, ‘Macinna tokki maupe pada-pada iko; saba' riyéngkalingai makkedaé Allataala barakkakiko.’ ” Puwang Iya Pommakuwasaé pura mabbicara.

MATIUS 8:19

Naengka séddi guru agama lao ri Yésus sibawa makkeda, “Pa' Guru, maéloka maccowériwi Bapa' kégi-kégi lao!”

YOHANES 13:37

Nakkutanasi Pétrus, “Magi nadé' nawedding maccowéki Puwang makkekkuwangngé? Macenning atikku maté untu' Puwang!”

RIWAYA'NA RASUL-RASUL-E 21:13

Iyakiya mappébaliwi, “Aga gunana Saudara teri pada-pada iyaé angkanna muwébbui atikku ancuru? Sadiyaka tenniya bawang untu' ritikkeng kuwaro, iyakiya muni untu' maté nasaba Puwang Yésus.”

1 TESALONIKA 1:9

Sininna iyaro tauwé mabbicarai passalenna pékkugiko tarimaki wettutta riyolo lao ri iko. Mabbicarai mennang passalenna pékkugiko salaiwi barahala-barahalaé, sibawa lao ri séddi-séddinna Allataala iya tuwoé untu' mattumani ri Aléna.

YOSUA 24:18

Na wettutta muttamakiwi wanuwaéwé, Puwangnge paddésu manengngi sining tau Amorié iya monroé kuwaé. Jaji, maéloki mattumani lao ri Puwangnge, saba' Aléna ritu Allataalata.”

WAHYU 14:4

Mennang sining tau iya tette'é mapaccing pada-pada parawangngé, nasaba dé' nasisumpung sibawa makkunraié. Naccowériwi mennang iyaro Ana' Bimbala'é kégi-kégi lao. Polé ri yelle'na sininna rupa tauwé, mennang ritu iya puraé ripaleppe selaku pakkasuwiyangeng mammulangngé lao ri Allataala sibawa lao ri Ana' Bimbala'é.

RUT 1:15

Makkedani Naomi lao ri aléna, “Rut, itani! Lisuni lagomu ri bangsana sibawa ri déwata-déwatana. Lao tono, na', accowériwi lisu!”

RUT 1:17

Kégi-kégi Indo' maté, kuwatoro maéloka maté sibawa rikuburu. Tennapodo nahukkukka Puwangnge sitane-tane'na, rékko maéloka massarang polé ri Indo', sangadinna amaténg passarakki!”

RUT 2:6

Nappébali iyaro mandoro'é, “Makkunrai bangsa Moab iya nappa polé silaong Naomi polé ri wanuwa Moab.

RUT 4:15

Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.”