NEHEMIA 9:8 - KITTA KAREBA MADECENG

⁸ Ulolongengngi matinulu lao ri Iko sibawa mapato. Nainappa mébbu-Ko assijancing sibawa aléna iya masse'é. Tana Kanaan, Hét sibawa Amori, tana Féris, Yébus sibawa Girgasi, iya manennaro maéloka mpérék-Ko; selaku onrong naonroi sininna wija-wijanna. Nainappa Murupai iyaro jancié lao ri aléna, saba' adélé'-Ko sibawa matinulu.

NEHEMIA 9:8 ပူးပေါင်းရင်းမြစ်များ

KAJAJIYANG 12:7

Nappaitanni aléna Puwangnge lao ri Abram sibawa makkeda lao ri aléna, “Iyanaé wanuwa iya maéloé Uwabbéréyang lao ri wija-wijammu.” Nainappa patettonni Abram séddi mézba kuwaro untu' Puwang iya puraé mappaitangngi aléna lao ri Abram.

KAJAJIYANG 15:6

Mateppe'ni Abram ri Puwangnge, narimakkuwannanaro ritarimani ri Puwangnge selaku tau iya pésennangiyéngngi atin-Na.

KAJAJIYANG 22:12

Nakkeda Puwangnge naolai malaéka'éro, “Aja' mupeddiriwi iyaro ana'é iyaré'ga magagai. Uwissenni makkekkuwangngé makkedaé mappakalebbiko sibawa turu lao ri Iyya, nasaba dé' musampéyangngi untu' mabbéréyangngi ana'mu iya tungke''éro lao ri Iyya.”

2 SAMUEL 22:31

Pangkaukenna Allataala sukkui, jancinna Puwangnge weddingngi riyatepperi! Pada-padai kaliyawoé lao ri sininna iya mallinrungngé ri Aléna.

1 TAWARIKH 1:14

Kanaan iyanaritu toriyolona towi tau Yébusié, Amorié, Girgasié,

1 TAWARIKH 16:16

Iyaro assijancingngé Naébbui sibawa Abraham, nainappa sibawa Ishak,

EZRA 9:15

Puwang, Allataalana Israélié, adélé'-Ko, namuni makkuwaro muleppessakki tuwo. Riyangakuiwi asalatta ri Iko; dé'gaga ha'ta untu' mangolo ri yolomu.”

NEHEMIA 9:33

Adélé'i tindakam-Mu, Muhukkukki iya madosaé; tette'-Ko matinulu namuni pennoki akurangeng.

MAZMUR 116:5

Iyaro Puwangnge mamaséi sibawa adélé'i; Allataalata pennoi paressé babuwa.

ASSURENG 3:17

Sibawa pura upettuini untu' tiwii mennang massu polé ri Maséré, onronna mennang ritenre, sibawa mantara'i mennang lao riséuwaé wanuwa iya sugié namacommo, wanuwanna bangsa Kanaangngé, bangsa Hét-é, Amorié, Féris-é, Héwié sibawa Yébus-é.

ASSURENG 3:8

Rimakkuwannanaro nonnoka untu' paleppe'i mennang polé ri limanna tau Maséré'é sibawa tiwii mennang massu polé ri wanuwaéro mattuju riséuwaé wanuwa iya malowangngé. Tanana sugi sibawa macommo, namakkekkuwangngé naonroiwi bangsa Kanaangngé, bangsa Hét-é, Amorié, Féris-é, Héwié sibawa Yébus-é.

YEHEZKIEL 33:24

“Eh tolino dé'é namannennungeng, makkedai sining tau iya monroé ri ruttungenna kota-kota Israéliéro, ‘Abraham lolongengngi sininna tanaéwé, padahal banna alé-aléna. Idi'é maégaki jumellata, jaji iyaé tanaé mancajiwi appunnangetta.’ ”

ABBILANGENG 13:29

Tau Amalé'é monroi ri bagiyang yattanna wanuwaéro; tau Hét-é, Yébus-é sibawa Amorié monroi ri daéra mabbulu-bulué; na tau Kanaangngé monroiwi daéra mattuttung wiring tasi'é sibawa mattuttung wiwing Salo Yordan.”

ABBILANGENG 23:19

Allataala dé' napada-pada tolinoé iya magampangngé massesse kalé sibawa napoji mabbellé. Rékko majjanciwi Allataala, pasti Narupai! Rékko mabbicarai, tentu kajajiyangngi!

RIWAYA'NA RASUL-RASUL-E 13:22

Puranana napaésa' Allataala polé ri tudangenna, nakkani Allataala Daud mancaji arunna mennang. Na iyanaé naseng Allataala passalenna Daud, ‘Ulolongenni Daud ana'na Isairo séddi tau iya sennangiyéngngi atik-Ku. Iyanaé tau pogau'éngngi matu Uwéloriyé.’

ULANGENG 26:3

Laono ri imang iya tugas-é wettuéro namupowadangngi, ‘Upannessai lao ri Puwang Allataalamu makkedaé muttama'ka ri wanuwa iya Najjanciyangngé lao ri néné-nénéta untu' nawérékki.’

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

ULANGENG 7:1

“Puwang Allataalamu tiwiko matu ri wanuwa iya maéloé muwonroi, sibawa maéga bangsa ripaddésu matu polé kuwaro. Ri yolona matammu Napaddésu'i matu pitu bangsa iya lebbi battowaé sibawa lebbi mawatangngé naiya iko, iyanaritu sining tau Hét-é, Girgasié, Amorié, Kanaangngé, Féris-é, Héwié sibawa Yébus-é.

TITUS 1:2

Iyaro pappagguruwangngé nallalengi mamménasa makkedaé tarimaki matu atuwong tongengngé sibawa mannennungengngé. Allataala pura majjanciyangngi iyaro atuwongngé riwettu dé'napa nappammula wettué – na Allataala dé' nakkullé mabbellé.

IBRANI 11:17

Nasaba mateppe' towi, nanakkasuwiyangengngi Abraham Ishak, selaku akkarobangeng wettunna rioji ri Allataala. Lao ri Abraham ritu nabbéréyangngi Allataala jancin-Na, iyakiya macenningngi Abraham mabbéréyangngi ana'na iya séddi-séddiéro.

IBRANI 6:18

Iyaro duwaé passaleng dé' nawedding tappinra; dé' namakkullé mabbellé Allataala passalenna jancin-Na sibawa tanro-Na! Rimakkuwannanaro, idi iya mallinrungngénna ri Allataala, riwérékki dorongang masero untu' makkatenning masse ri paddennuwang iya mallebba'é ri yolota.

YOSUA 11:23

Sininna wanuwaéro nasittaiwi Yosua situru paréntana Puwangnge lao ri Musa, nainappa nawéréng bangsa Israélié mancaji appunnangenna mennang. Iyaro wanuwaé natawa-tawai, tungke suku lolongeng séddi bagiyang. Mappésau toni bangsa Israélié mammusu sibawa amanni wanuwanna.

YOSUA 11:3

Suro towi tau lao ri tau Kanaangngé ri bagiyang yajang sibawa alauna Yordan, ri tau Amorié, Hét-é, Féris-é, sibawa tau Yébus-é, ri daéra bulué, enrengngé tau Héwié ri pong Bulu Hérmon ri daéra Mizpa.

YOSUA 23:14

Makkekkuwangngé narapini wettunna matéka. Iko maneng, tungke-tungke missengngi makkedaé Puwang Allataalamu pura mpérékko sininna iya makessingngé iya Najjanciyangngé. Tungke jancin-Na purani Narupai, dé' muwi séddi iya dé'é.

YOSUA 9:1

Karéba passalenna sining apakalanna Israélié tassiyani risininna arungngé ri seddé yajanna Salo Yordan – ri bulué, ri ponna bulué, sibawa ritanété mattuttung wiring Tasi Tengngaé lettu sibbéla Bulu Libanon ri seddé manorang; iyanaritu sining arung Hét, Amori, Kanaan, Féris, Héwi sibawa Yébus.

1 YOHANES 1:9

Iyakiya rékko tangakuiwi dosa-dosata lao ri Allataala, narupaiwi matu jancin-Na sibawa napogau'i aga iya adélé'é. Naddampengengngi dosa-dosata sibawa napépaccingiki polé ri sininna pangkauketta iya salaé.