NEHEMIA 9:6 - KITTA KAREBA MADECENG

⁶ Nainappa massempajang umma Israélié makkuwaé, “Ikonaritu Puwang, Ikonaritu Iya Posséuwaé; Mupancajiwi wéttowingngé sibawa sininna bitaraé, makkuwatoro tasi'é sibawa linoé enrengngé sininna lise'na, nainappa Muwéréng atuwong sibawa Mupiyarai. Ri Alému sininna akuwasangngé ri langié suju'i massompa; tunru'i mennang ri Iko sibawa manyara.

NEHEMIA 9:6 ပူးပေါင်းရင်းမြစ်များ

KAJAJIYANG 1:1

Pammulanna, wettunna Allataala mammula pancajiwi sininna alangngé,

KAJAJIYANG 1:9

Nanakkeda Allataala, “Sitinajai sininna uwai iya engkaé ri yawana langié maddeppungengngi riséddié onrong, kuwammengngi napaita tanaé.” Nakajajiyanna gau'éro.

KAJAJIYANG 2:1

Napurana appancajingenna sininna alangngé.

KAJAJIYANG 32:2

Wettunna Yakub mitai mennang, makkedani, “Iyaé akkémanna Allataala,” rimakkuwannanaro nasenni iyaro onrongngé Mahanaim.

1 ARUNG-NGARUNG 22:19

Makkedai Mikha paimeng, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri kadéra arajan-Na ri surugaé, sibawa sininna malaéka'-Na tettong ri seddé-Na.

1 ARUNG-NGARUNG 8:27

Iyakiya, oh Allataala, maélo tongekkoga monro ri linoéwé? Namuwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

2 ARUNG-NGARUNG 19:15

nainappa massempajang, adanna, “Puwang, Allataalana Israélié, iya monroé ri yasé'na kérub-é, Iko alé-aléna Allataala iya makuwasaiyéngngi sininna akkarungengngé ri tompo'na linoé. Iko ritu pancajiwi langié sibawa linoé.

2 ARUNG-NGARUNG 19:19

Oh Puwang, Allataalata, leppessakki polé risining tau Asyur-éro, kuwammengngi naissengngi sininna bangsaé ri linoé makkedaé banna Iko alé-aléna Allataala.”

NEHEMIA 9:5

Assompangngé iyaro essoé napammulaiwi sining tau Léwi mangoloéwé: Yésua, Kadmiél, Bani, Hasabnéya, Sérébya, Hodia, Sébanya sibawa Pétahya. Makkedai mennang, “Tettonno sibawa pojini Puwang Allataalata! Wéréngngi pappojiyang Aléna mannennungeng! Ripojiwi asen-Na iya pennoé alebbireng, aseng iya maseroé, napakacauriwi sininna pappojiyangngé!”

MAZMUR 102:25

Nainappa makkedaka, “Oh Allataala aja' talai nyawaku ri pattengngang atuwokku.” Puwang, tuwo-Ko mannennungeng,

MAZMUR 103:21

Pojiwi Puwangnge, éh sininna mahlu'é ri surugaé, sininna atan-Na iya pogau'éngngi élo-Na.

MAZMUR 115:15

Tennapodo nabarakkakiko Puwangnge, pancajiyéngngi langié sibawa linoé!

MAZMUR 124:8

Pattulutta poléi ri Puwangnge iya pancajiyéngngi langié sibawa linoé.

MAZMUR 146:6

Aléna ritu pancajiwi langié sibawa linoé, tasi'é sibawa sininna lise'na; tette'i matinulu mannennungeng.

MAZMUR 24:10

Niga Arung iya malebbié? Puwang Iya Pommakuwasaé, Aléna ritu Arung iya malebbié!

MAZMUR 33:6

Mabbéréi parénta Puwangnge, nancaji langié; mata essoé, kétengngé sibawa wéttowingngé ripancajiwi ri ada-adan-Na.

MAZMUR 36:6

Puwang, sittanré langié pammasé-Mu, sibawa atinulurem-Mu lettu ri ellungngé.

MAZMUR 86:10

Saba' poré-Ko sibawa pogau'i sining anu makalallaingngé, banna Iko ritu Allataala.

YESAYA 37:16

“Puwang Iya Pommakuwasaé, Allataalana Israélié, iya monroé ri yasé'na kérub-é, Iko alé-aléna Allataala iya makuwasaéngngi sininna akkarungengngé ri tompo'na linoé. Iko ritu pancajiwi langié sibawa linoé.

YESAYA 37:20

Oh Puwang Allataalata, paleppe'ki polé risining tau Asyur-éro, kuwammengngi sininna bangsaé ri linoé naissengngi makkedaé Idi alé-aléna Puwang.”

YESAYA 43:10

Eh umma'-Ku, iko ritu sabbi-sabbik-Ku, iko Upilé mancaji ata-atak-Ku, kuwammengngi naissek-Ka sibawa mateppe'i ri Iyya, sibawa majeppuiwi makkedaé Iyya'na Allataala. Iyya Allataala Iya Posséuwaé, dé'gaga laingngé ri yolona sibawa puraku-Na.

YESAYA 44:6

Iyanaé adanna Puwang Iya Pommakuwasaé, Arung sibawa pallinrunna Israélié, “Iyya Allataala Iya Posséuwaé, iya pammulangngé sibawa paccappurengngé.

YESAYA 44:8

Bangsa-Ku, aja' mumétau iyaré'ga tasséleng; dé'ga napolé ri yolo lettu makkekkuwangngé purani Uboto aga iya kajajiyangngé? Iko ritu sabbi-sabbik-Ku. Pallinrung iya laingngé dé'gaga sibawa dé' Uwissengngi.”

YESAYA 45:12

Iyya ritu Puwang iya pancajiyéngngi linoé, sibawa pancajiwi tolinoé untu' monroiwi. Nasibawang akuwasak-Ku Upallebba'i langié, sibawa paréntangngi mata essoé, kétengngé sibawa sining wéttowingngé.

YEREMIA 32:17

“Puwang Iya Pommatanré, Iko ritu pancajiwi langié nenniya linoé sibawa akuwasam-Mu nenniya amampungem-Mu iya battowaé. Dé' muwi séuwa iya masukkara'é ri alé-Mu.

YEHEZKIEL 20:11

Kuwaniro Uwéréng mennang sining parénta-Ku sibawa Upagguruwangngi hukkung-hukkuk-Ku iya harusu'é naturusi mennang, saba' tau iya turusiyéngngi tette'i matu tuwo.

YUNUS 1:9

Nappébali Yunus, “Tau Ibranika. Usompai Puwangnge, Allataala ri surugaé, iya pancajiyéngngi tasi'é sibawa pottanangngé.”

YOHANES 10:30

Iyya sibawa Ambo'é iyanaritu séddimi.”

RIWAYA'NA RASUL-RASUL-E 4:24

Naéngkalinganana sellao-sellaona iyaro, sibawani mennang massempajang masséddi ati lao ri Allataala. Makkedani mennang, “Puwang, Idi ritu pancajiwi langié sibawa linoé enrengngé tasi'é sibawa sininna lise'na.

ULANGENG 10:14

Puwang Allataalamu mappunnaiwi langi kaminang matanré; muwi linoé appunnangennato lollong sininna iya engkaé ri tompo'na.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

ULANGENG 6:4

Saudara-saudara, éngngerangngi! Banna Puwangnge, sibawa Puwangnge bawang Allataalata!

IBRANI 1:3

Aléna ritu mattapparengngi arajanna Allataala iya millakkillangngé; Aléna ritu gambara'na Allataala iya manessaé. Aléna tona piyarai akkalépunna alangngéwé ri laleng saddan-Na iya makuwasa senna'é. Puranana napakkullé rupa tauwé untu' ripaleppe polé ri dosa-dosana mennang, natudangini kadéra apparéntangngé ri surugaé silaong Allataala, Panguwasa iya kaminang matanré.

IBRANI 1:6

Iyakiya wettunna Allataala nasuro Ana'-Na iya macowaé muttama ri linoéwé, makkeda makkuwaiyé Allataala, “Sininna malaéka'na Allataala waji'i sompai iyaro Ana'é.”

WAHYU 14:7

Iyaro malaéka'é gorai sibawa sadda battowaé, “Etauko ri Allataala, sibawa pojiwi arajan-Na! Saba' wettunna Allataala madélékiwi tolinoé. Sompai Aléna iya pancajiyéngngi langié, linoé, tasi'é sibawa sininna mata uwai.”

WAHYU 4:11

“Oh Puwang, oh Allataalata! Ikona ritu iya sitinajaé tarima pappojiyang, pappakalebbi sibawa akuwasang! Saba' Iko ritu pancajiwi sininna séuwa-séuwaé, enrengngé nasaba élo-Muto nasininna séuwa-séuwaéro kajajiyangngi sibawa tuwoi.”