NEHEMIA 9:5 - KITTA KAREBA MADECENG

⁵ Assompangngé iyaro essoé napammulaiwi sining tau Léwi mangoloéwé: Yésua, Kadmiél, Bani, Hasabnéya, Sérébya, Hodia, Sébanya sibawa Pétahya. Makkedai mennang, “Tettonno sibawa pojini Puwang Allataalata! Wéréngngi pappojiyang Aléna mannennungeng! Ripojiwi asen-Na iya pennoé alebbireng, aseng iya maseroé, napakacauriwi sininna pappojiyangngé!”

NEHEMIA 9:5 ပူးပေါင်းရင်းမြစ်များ

1 ARUNG-NGARUNG 8:14

Purana massempajang, gilinni Arung Salomo lao ri sininna ra'ya' iya tettongngé kuwaro, nainappa naéllaungeng mennang barakka'na Allataala.

1 ARUNG-NGARUNG 8:15

Makkedani, “Riyolo purai majjanci Puwangnge ri ambo'ku Daud makkuwaé, ‘Sipongenna Utiwi umma'-Ku massu polé ri Maséré, ri sininna wanuwa Israélié dé'gaga muwi séddi kota iya Upilé mancaji onrong kégi harusu ripatettongekka bola untu' onrong assompang lao ri Iyya. Iyakiya iko, Daud, Upilé untu' paréntai umma'-Ku.’ Ripojiwi Puwang Allataalana Israélié iya puraé rupaiwi jancin-Naro!”

1 ARUNG-NGARUNG 8:22

Purairo, ri yolona ra'ya' iya engkaé, tettonni Salomo mangolo ri mézbaé nanakkai iya duwa limanna

1 ARUNG-NGARUNG 8:27

Iyakiya, oh Allataala, maélo tongekkoga monro ri linoéwé? Namuwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

1 TAWARIKH 16:36

Pojini Puwangnge, Allataalana Israélié, makkekkuwangngé sibawa mannennungeng! Nainappa makkeda umma Israélié, “Aming”, nanapojiwi mennang Puwangnge.

1 TAWARIKH 29:11

Battowa tongekko sibawa makuwasa. Malebbiko, tarompo sibawa maraja. Sininna séuwa-séuwaé ri langié sibawa ri linoé iyanaritu appunnangem-Mu. Iko arung maraja, iya makuwasaiyéngngi sini-sininnaé.

1 TAWARIKH 29:13

Makkekkuwangngé, oh Puwang Allataalata, sukkuru'ki ri Iko, sibawa mappojiki ri asem-Mu iya marajaé.

1 TAWARIKH 29:20

Purana massempajang makkuwaro, makkedani Daud lao ri tau maégaé iya maddeppungengngé kuwaro, “Pojiwi Puwang Allataalamu!” Nasininna tauwéro poji-pojiwi Puwangnge, Allataala iya nasompaé toriyolona. Nainappa mennang suju' untu' pakalebbii Puwangnge sibawa arungngé.

2 TAWARIKH 20:13

Iyaro wettué sininna tau worowanéna Yéhuda silaong bainéna sibawa ana'-ana'na tettongngi ri Bolana Puwangnge.

2 TAWARIKH 20:19

Nainappa sining tau Léwi polé ri appang Kéhat sibawa Korah tettong, nagora pojiwi Puwangnge, Allataalana Israélié.

EZRA 3:11

Napuwélonni ra'ya'é pappoji-pojiyangngé untu' Puwangnge, nanapakkolik-koling towi bagiyang paccappurenna, makkuwaiyé oninna, “Makessingngi iyaro Puwangnge; sibawa mannennungengngi pammaséna lao ri Israélié.” Maccowé maneng ra'ya'é gora sibawa pojiwi Puwangnge, saba' purani ripasang pandaménna Bolana Puwangnge.

NEHEMIA 9:4

Kuwaro engka mimbara untu' sining tau Léwié na ri yasé'na tettonni Yésua, Bani, Kadmiél, Sébanya, Buni, Sérébya, Bani sibawa Kénani. Nasibawang sadda macenno massempajanni mennang lao ri Puwang Allataalana.

NEHEMIA 9:6

Nainappa massempajang umma Israélié makkuwaé, “Ikonaritu Puwang, Ikonaritu Iya Posséuwaé; Mupancajiwi wéttowingngé sibawa sininna bitaraé, makkuwatoro tasi'é sibawa linoé enrengngé sininna lise'na, nainappa Muwéréng atuwong sibawa Mupiyarai. Ri Alému sininna akuwasangngé ri langié suju'i massompa; tunru'i mennang ri Iko sibawa manyara.

AYUB 1:21

sibawa makkeda, “Rijajiyakka temmappunnai agi-agi, na matéka matti temmappunnaito agi-agi. Puwangnge pura mabbéréyangngi na Puwangnge muto pura malai. Ripojiwi asen-Na!”

MAZMUR 106:2

Niga mulléi mabbirittangngi aporénna Puwangnge, sibawa mabbéré pappojiyang iya sitinajaé untu' Aléna?

MAZMUR 134:1

Elong ziyara. Laono mai, pojiwi Puwangnge, éh sininna atanna Puwangnge, sininna iya massompaé ri Bola-Na ri wennié.

MAZMUR 145:2

Esso-essoka maélo sukkuru lao ri Iko, sibawa pakalebbi-Ko mannennungeng.

MAZMUR 145:5

Nabbirittangngi matu mennang arajam-Mu sibawa alebbirem-Mu, unennungngi matu winru-Mu iya mappabengngaé.

MAZMUR 146:2

Maéloka pojiwi Puwangnge gangka tuwoku sibawa makkélong untu' Allataalaku ri wettu engkaku mupa.

MAZMUR 16:2

Makkedaka, “Iko ritu Puwak-ku, ariyo-riyokku, dé'gaga iya lebbiyé naiya Iko!”

MAZMUR 66:2

Akkélonno sibawa pakarajai asen-Na, pakalebbii Aléna sibawa pappoji-pojiyang.

MAZMUR 99:3

Leppessanni mennang pojiwi asen-Na iya malempué namalebbi. Mapaccingngi Aléna!

ASSURENG 15:11

Allataala nigana mulléi tandingiko, oh Puwang Iya Pommalebbié sibawa mapaccingngé? Nigana mulléi mébbu anu makalallaing sibawa pangkaukeng battowaé pada-pada Puwangnge?

ASSURENG 15:6

Awatangem-Mu mappabengnga senna, oh Puwang, Muwébbui balié cappu tassiya-siya.

DANIEL 2:20

adanna, “Iyaro Allataala mapanréi sibawa barani, ripojiwi Aléna mannennungeng!

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

2 KORINTUS 4:6

Allataala iya makkedaé, “Sitinajai polé ri laleng pettangngé mompoi tajangngé,” Allataala éttoro iya paompoéngngi tajangngéro ri laleng atitta, kuwammengngi namancaji matajang pakkitatta untu' pahangngi acakkarenna Allataala iya mattappaé ri rupanna Kristus.

ULANGENG 28:58

Rékko dé' mumatinulu turusiwi sininna hukkunna Puwang Allataalamu iya tarokié ri laleng kittaéwé sibawa dé' mupakalebii Allataalamu iya marajaé sibawa mappahérangngé,

1 PETRUS 1:3

Laono mai tasukkuru ri Allataala, Ambo'na Puwatta Yésus Kristus! Namaséi senna'ki, iyanaro saba'na nawérékki atuwong mabaru, ri laleng napatuwona paimeng Yésus Kristus polé ri amaténgngé. Iyaé nawérékki amménasang iya mannennungengngé.

HAKING-HAKING 13:18

Nakkutana iyaro malaéka'na Puwangnge, “Aga saba'na mumacinna missengngi asekku? Iyaro asekku aseng iya makalallaingngé.”