NEHEMIA 9:34 - KITTA KAREBA MADECENG

³⁴ Toriyolota, arungngé, imangngé sibawa sining tomariyoloé, majjalékkaiwi hukkum-Mu enrengngé dé' najampangiwi. Sininna parénta sibawa pakkampareng iya Muwabbéréngngé, dé' nabati-batiwi, dé'to naéngkalingai.

NEHEMIA 9:34 ပူးပေါင်းရင်းမြစ်များ

2 ARUNG-NGARUNG 17:13

Nakiringngi Puwangnge sining surona sibawa nabi-nabin-Na lao ri umma Israélié sibawa Yéhuda untu' palettu'i papparéngngerangngéwé: “Appésauno pogau'i majaé sibawa turusiwi sininna paréntaé sibawa hukkung iya Uwéréngngéngngi toriyolomu sibawa lao ri iko naolai sining nabié, ata-atak-Kuro.”

2 ARUNG-NGARUNG 17:15

Dé' namaélo Israél sibawa Yéhuda turusiwi parénta-paréntana Puwangnge sibawa dé' namatinulu lao ri assijancing iya puraé naébbu sibawa toriyolona. Dé' nabati-batiwi mennang sining pakkamparenna, sangadinna massompai lao ri barahala-barahala iya dé'é nakkéguna, angkanna muwi aléna mennang dé'tona nakkéguna. Naccowériwi mennang baténa bangsa-bangsaé ri mattulilinna, namuni pura nattéyang Puwangnge.

2 TAWARIKH 29:6

Toriyolota dé' namatinulu lao ri Puwang Allataalata sibawa napogau'i mennang iya dé'é napésennangiwi atin-Na. Dé' mennang nabati-batiwi Aléna sibawa dé' napaduliwi onrong Naonroiyé.

EZRA 9:10

Iyakiya makkekkuwangngé, oh Puwang Allataala, purana sininna kajajiyangngéro, aga wedding ripowada? Purani riyallupaisi parénta-parénta-Mu,

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

NEHEMIA 9:33

Adélé'i tindakam-Mu, Muhukkukki iya madosaé; tette'-Ko matinulu namuni pennoki akurangeng.

NEHEMIA 9:35

Mubarakkakiwi sining arung iya paréntaéngngi umma'-Mu, wettunna mennang monro ri tana pabbéré-Mu iya malowangngé namacommo. Iyakiya dé' nasalaiwi mennang atuwong iya majaé, dé' namaélo mattumani sibawa massompa ri Iko.

YEREMIA 29:19

Iya manennaro kajajiyangngi ri yasé'na mennang, nasaba dé' naturusiwi mennang pasek-Ku iya matteru-terué Upalettu ri mennang naolai sining nabié atak-Ku. Dé' namaélo mennang jampangiwi iyaro pasek-Ku.

YEREMIA 44:17

Sininna iya puraé tajjanciyang, maéloki pogau'i. Tette'ki matu makkasuwiyangeng akkarobangeng lao ri Ratu Surugaé, sibawa tiri uwai anggoro selaku pakkasuwiyang lao ri aléna pada-pada iya biyasaé napogau' toriyolota, arung-ngarungngé sibawa pajaba-pajaba pamaréntata enrengngé idi paimeng ri kota-kotana Yéhuda sibawa risining lalenna Yerusalém. Iyaro wettué mappunnaiko genne inanré, madécékki, sibawa dé' tappunnai asukkarakeng aga-aga.

YEREMIA 44:4

Matteru-teru-Ka kiringngi lao ri iko ata-atak-Ku sining nabié, iya mattéyangngéngngi mennang pogau'i ja iya ucéccéro.

YEHEZKIEL 5:6

Iyakiya Yérusalém purani nasampéyang parénta-Ku na annessana lebbi majai naiya bangsa-bangsa laingngé, mala lebbi dé' namatinulu naiya wanuwa-wanuwaé ri mattulilinna. Najjalékkai Yérusalém parénta-parénta-Ku sibawa dé' namaélo turusiwi hukkung-hukkuk-Ku.”

DANIEL 9:6

Dé' taéngkalingai sining nabié, ata-atam-Muro, iya puraé mabbicara ri laleng asem-Mu lao risining arutta, lao risining pamimpingngé, sining toriyolota sibawa lao ri sininna bangsata.

ULANGENG 31:21

sibawa maéga abala masero kennai matu mennang. Iyakiya iyaé élongngé tette'i ripuwélong nenniya ripaké selaku asabbiyang lao ri mennang. Mala makkekkuwangngé, ri wettu dé'napa Utiwii mennang ri wanuwa iya Uwajjanciyangngé, Uwisseng pikkiranna mennang.”