NEHEMIA 9:32 - KITTA KAREBA MADECENG

³² Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

NEHEMIA 9:32 ပူးပေါင်းရင်းမြစ်များ

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

2 ARUNG-NGARUNG 15:19

Wettunna Pul arung Asyur gasai Israélié, Menahém mpéréngngi 34.000 kilo péra' kuwammengngi nabantui pakkasse'i akuwasanna Menahém ri Israélié.

2 ARUNG-NGARUNG 15:29

Ri wettu apparéntanna Pékah, Tiglat-Piléser arung Asyur sittaiwi kota Iyon, Abél-Bét-Maakha, Yanoah, Kédés, Hazor, daérana Giléad, Galiléa sibawa Naftali. Natiwi towi pabbanuwana selaku tawangeng lao ri Asyur.

2 ARUNG-NGARUNG 17:23

angkanna Puwangnge dé'na najampangiwi mennang, sangadinna mabbéyangngi mennang polé ri tana iya Nawéréngngéngngi mennang. Kajajiyangngi iyaro situru sibawa papparéngngerang iya nabbéréyangngé Puwangnge lao ri mennang naolai ata-atan-Na, sining nabié. Makkuwaniro tau Israélié ritiwi ri appalirengngé ri Asyur, nakkuwanaro mennang monro lettu essoéwé.

2 ARUNG-NGARUNG 17:3

Rimusui sibawa ricaui ri Salmanéser arung Asyur, angkanna tungke' taung harusu'i makkamaja pakkasuwiyang lao ri aléna.

2 ARUNG-NGARUNG 17:6

– iyanaritu taung maaséraé apparéntanna Hoséa – nasittaini Salmanéser Samaria. Nainappa natiwi tau Israélié selaku tawangeng lao ri Asyur. Sibagiyang polé ri mennang nataroi ri kota Halah, sibagiyang ri seddéna Salo Habor ri daérana Gozan, sibawa sibagiyassi ri kota-kotaé ri wanuwa Madai.

2 ARUNG-NGARUNG 25:7

Riyunoi ana'-ana'na ri yolona matanna. Purairo ricukkéni matanna Zédékia, naribalenggu naritiwi ri Babél.

EZRA 4:10

makkuwatoro bangsa-bangsa laing iya puraé natiwi Asnapar Iya Marajaé sibawa risuro mattette ri kota Samaria sibawa ri kota-kota laingngé ri laleng propinsinna Efrat Yajang.

EZRA 4:2

Rimakkuwannanaro naéwani mennang sita Zérubabél sibawa sining kapala appangngé, nainappa nappétangngareng, “Palaloki maccowé patettongngi Bolana Puwang-ngéro, saba' massompa tokki lao ri Allataalana saudara-saudara, pada-pada saudara maneng. Tuli makkasuwiyangekki akkarobangeng lao ri aléna sipongenna Esar-Hadon, arung Asyur tiwiki lao kumaiyé.”

EZRA 9:13

Madosani sibawa riyajjalékkai hukkum-Mu, sibawa purani' Muhukkung. Iyakiya riissengngi, oh Allataala, makkedaé pahukkungeng iya Muwabbéréyangngéro dé' nasittane iya sipato'é ritarima, mala Mupassalama mupi.

NEHEMIA 1:5

“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

MAZMUR 47:2

Appaleppa'no sibawa marennu, éh sininna bangsaé! Pojiwi Allataala sibawa gora-gora!

MAZMUR 66:3

Powadani lao ri Allataala, “Mappabengnga tongeng pangkaukem-Mu! Tunru'i balié ri Iko penno amétaureng, saba' battowa senna akuwasam-Mu.

MAZMUR 66:5

Poléni sibawa itani pangkaukenna Allataala, mappabengnga tongeng sining winru-Na ri yelle'na tolinoé!

ASSURENG 18:8

Nacuritani Musa lao ri matuwanna sininna séuwa-séuwaé iya napogau'é Puwangnge lao ri arungngé sibawa bangsa Maséré'é untu' passalama'i bangsa Israélié. Nacuritangeng toni passalenna sining asukkarakeng iya nangoloiyé bangsa Israélié ri tengnga laleng, sibawa pékkugi Puwangnge passalama'i mennang.

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

DANIEL 9:4

Uwakuiwi dosana sininna bangsaku lao ri Puwang Allataalaku. Adakku, “Puwang Allataala, marajaki, na Idi pakalebbiki. Tuli Murupaiwi assijancim-Mu sibawa mappaitangngi pammasé-Mu iya mannennungengngé lao ri mennang iya mamaséiyék-Ko sibawa pogau'i aga iya Muwapparéntangngé.

DANIEL 9:6

Dé' taéngkalingai sining nabié, ata-atam-Muro, iya puraé mabbicara ri laleng asem-Mu lao risining arutta, lao risining pamimpingngé, sining toriyolota sibawa lao ri sininna bangsata.

DANIEL 9:8

Arung-ngarutta, sining pamimpitta sibawa néné-nénéta purani napogau' gau'-gau' iya mappakasiri-sirié sibawa purani madosa lao ri Iko, oh Puwang.

ANGIMANGENG 26:18

Rékko purani mupéneddingi sininna pahukkungengngéro dé'topa mumapato lao ri Iyya, Utambaiwi matu pahukkungek-Ku leppi wékkapitu.

ANGIMANGENG 26:21

Rékko matteru mupo méwa-Ka sibawa dé' mumaélo mapato lao ri Iyya, maélo-Ka tambaiwi pahukkungek-Ku leppi wékkapitu.

ANGIMANGENG 26:24

Maélo-Ka majara'ko sibawa hukkukko wékkapitu lebbi tane naiya pura labe'é.

ANGIMANGENG 26:28

nasibawang cai maélo-Ka majara'ko, sibawa hukkukko wékkapitu lebbi tane naiya labe'é.

ULANGENG 7:12

“Rékko mupuriyatiwi iyaro parénta-paréntaé, sibawa pogau'i sibawa matinulu, matinulu towi matu Puwang Allataalamu lao ri assijancing iya Naébbué sibawa iko. Nappaitangngi matu pammasé-Na iya tette'é ri iko, pada-pada iya Najjanciyangngé lao ri toriyolomu.

ULANGENG 7:13

Maéloi mamaséiko sibawa barakkakiko, angkanna maéga ana'mu sibawa tattamba-tamba jumellamu. Maéloi barakkakiwi sining dare'mu, angkanna powassélé gandong, anggoro sibawa minnya zaitun. Maéloi barakkakiko angkanna maéga saping sibawa bémbé bimbala'mu. Sininna barakka'éro mutarimai matu ri wanuwa iya nawéréngngékko Puwangnge, situru sibawa jancin-Na lao ri néné-nénému.

ULANGENG 7:21

Jaji aja' mumétau lao ri bangsa-bangsaéro. Puwang Allataalamu linrungiko. Aléna iyanaritu Allataala iya marajaé sibawa maseroé.

ULANGENG 7:9

Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.