NEHEMIA 9:31 - KITTA KAREBA MADECENG

³¹ Iyakiya nasaba battowai pammasé-Mu dé' padanna, dé' Musalaiwi iyaré'ga Muancuru'i mennang. Mémeng, Ikonaritu Allataala iya dé'é bandinganna; battowai pammasé pappojim-Mu, pennoi paressé babuwa!

NEHEMIA 9:31 ပူးပေါင်းရင်းမြစ်များ

2 ARUNG-NGARUNG 13:23

Iyakiya mamaséi Puwangnge ri umma'-Na sibawa maddampengengngi mennang. Dé' namaélo leppessangngi mennang ripaccappu sangadinna tulungngi mennang, nasaba assijancingen-Na sibawa Abraham, Ishak sibawa Yakub. Lettu makkekkuwangngé dé' naengka nallupaiwi umma'-Na.

2 TAWARIKH 30:9

Rékko lisuko massompa ri Puwangnge, sining tau iya tiwiéngngi sumpulolomu selaku tawangeng, messé babuwai matu nanapalaloi mennang lisu. Puwang Allataalamu iyanaritu Allataala iya makessingngé sibawa paressé babuwai; Natarimako matu rékko lisuko ri Aléna.”

NEHEMIA 9:17

Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

NEHEMIA 9:19

Namuni ri padang kessi'éro dé' Musalaiwi mennang, nasaba penno-Ko paressé babuwa. Alliri ellungngé sibawa apié dé' Mureddu'i paimeng, panunju lalenna mennang ri essoé sibawa wennié.

YESAYA 48:9

Utahangngi cai-Ku kuwammengngi naripakalabba asek-Ku. Utahangngi untu' alému, kuwammengngi dé' naripaccappuko.

YEREMIA 4:27

Napowadai Puwangnge makkedaé sininna linoé mancajiwi matu padang kessi, iyakiya dé' Namaélo paccappu sisengngi.)

YEREMIA 5:10

Suroka matu bali untu' solangiwi palla anggoro'na mennang, iyakiya tenniya untu' paccappui. Usuroi matu iyaro balié lébongngi carangé-carangéna pong anggoro'na mennang, saba' iyaro carangé-carangéé tenniya appunnangek-Ku.

YEREMIA 5:18

Makkedai Puwangnge, “Namuni makkuwaro, iyaro wettué dé'to upaccappui umma'-Ku.

AWATINGENG 3:22

Pammaséna Puwangnge mannennungengngi, dé' naengka nacappu pammasé-Na,

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

ULANGENG 4:31

Puwang Allataalamu iyanaritu Allataala iya mamasé senna'é. Dé' matu nasalaiko iyaré'ga pabbinasako, iyaré'ga mallupaiwi assijancing iya naébbué sibawa toriyolomu.