NEHEMIA 9:30 - KITTA KAREBA MADECENG

³⁰ Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

NEHEMIA 9:30 ပူးပေါင်းရင်းမြစ်များ

2 ARUNG-NGARUNG 18:11

Nainappa arung Asyur natiwi tau Israélié selaku tawangeng lao ri Asyur; sibagiyang polé ri mennang nataroi ri kota Halah, sibagiyang ri seddéna Salo Habor ri daéra Gozan, sibawa sibagiyassi ri kota-kotaé ri wanuwa Madai.

2 ARUNG-NGARUNG 21:10

Rimakkuwannanaro naolai sining nabié, ata-atanna Puwangnge, makkedai Puwangnge,

2 TAWARIKH 24:19

Nasuroni Puwangnge nabi-nabié mamparengngi mennang kuwammengngi nalisu massompa ri Puwangnge, iyakiya dé' namaélo ra'ya'é méngkalingai.

EZRA 9:10

Iyakiya makkekkuwangngé, oh Puwang Allataala, purana sininna kajajiyangngéro, aga wedding ripowada? Purani riyallupaisi parénta-parénta-Mu,

NEHEMIA 9:20

Nasibawang akuwasam-Mu iya makessingngé Mupaggurui mennang. Manréi mennang manna sibawa ménungngi uwaié situju genne'é.

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:29

Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

MAZMUR 95:10

Patappulo taung ittana maja péneddik-Ku mitai mennang; adak-Ku: Tongeng, iyaro bangsaé dé' namatinulu! Dé' mennang najampangiwi parénta-parénta-Ku.

YESAYA 28:10

Masa napagguruki tassihurupu tassihurupu, tassiada tassiada, tassiwérékkada tassiwérékkada.”

YESAYA 42:24

Niga mabbéréyangngi Israélié untu' rirampasa? Tenniyaga Aléna Puwangnge? Lao ri Aléna ritu madosaki, dé' tatuwo situru parénta-Na, sibawa temmaccowériwi pappagguruwan-Na.

YESAYA 48:9

Utahangngi cai-Ku kuwammengngi naripakalabba asek-Ku. Utahangngi untu' alému, kuwammengngi dé' naripaccappuko.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YEREMIA 25:4

Matteru-teru towi Puwangnge suroi lao ri iko sining nabié ata-atan-Na, iyakiya dé' mumaélo méngkalingai sibawa jampangiwi mennang.

YEREMIA 44:22

Dé'na natahang Puwangnge mitako makkasuwiyangeng akkarobangeng lao ri déwata-déwata laingngé. Iyaro pangkaukemmu maja sibawa matuna. Madosano lao ri Puwangnge sibawa dé' muturusiwi parénta-parénta-Na. Rimakkuwannanaro makkekkuwangngénnaé naancuru wanuwammu angkanna dé' nawedding riyonroina, sibawa asenna ripakéi selaku tanro. Maséleng tau iya mitaéngngi.”

YEREMIA 44:4

Matteru-teru-Ka kiringngi lao ri iko ata-atak-Ku sining nabié, iya mattéyangngéngngi mennang pogau'i ja iya ucéccéro.

YEREMIA 44:5

Iyakiya dé' mumaélo méngkalingai sibawa dé' mumaélo jampangiwi. Dé' mumaélo mappésau pogau'i majaé, iyanaritu makkasuwiyangeng akkarobangeng lao ri déwata-déwataé.

YEREMIA 7:25

Sipongenna massu toriyolomu polé ri Maséré lettu essoéwé tuli Usuroi ata-atak-Ku, sining nabié lao ri iko.

AWATINGENG 2:17

Pura napogau'ni Puwangnge Naancangengngé iya narancanaé riyolo sibawa Napparéngngerangengngé lao ri idi. Naancuru'ki temmaressé babuwa, Nawéréngngi apakalang balié. Naébbui mennang marennu mitai asempéketta.

DANIEL 9:6

Dé' taéngkalingai sining nabié, ata-atam-Muro, iya puraé mabbicara ri laleng asem-Mu lao risining arutta, lao risining pamimpingngé, sining toriyolota sibawa lao ri sininna bangsata.

ZAKHARIA 7:12

Napateddekiwi atinna mennang angkanna mancaji sittedde batué. Macai senna'-Ka nasaba dé' naturusiwi sining pappagguruwang iya puraé Uwabbéréyang lao ri mennang naolai nabi-nabié riyolo.

ZAKHARIA 7:13

Dé' ubaliwi sempajanna, nasaba dé'to mennang naéngkalingai wettuk-Ku mabbicara.

ABBILANGENG 11:26

Duwa ri yelle'na iya pituppulo pamimpingngéro, Eldad sibawa Médad, monroi ri akkémangngé dé' nalao silaong sibawa iya laingngé ri Kémana Puwangnge. Ri akkémangngéro nonnoi Roh-é ri yasé'na mennang, nanammula tona mennang sipadduwa mangobbi-obbi pada-pada nabié.

RIWAYA'NA RASUL-RASUL-E 13:18

Sabbara'i lao ri ampé-ampéna mennang ri padang kessi'é patappulo taung ittana.

RIWAYA'NA RASUL-RASUL-E 28:25

Nasalaini mennang onrongngéro sibawa pallolongeng iya siéwa-éwaé, puranana napowada Paulus iyaé lao ri mennang, “Mémeng coco' senna' aga napowada Rohna Allataala naolai Nabi Yésaya lao ri néné-nénému!

RIWAYA'NA RASUL-RASUL-E 7:51

Tenniya culé-culé tedde' atinna Saudara-saudara sibawa watanna matinulu ri Allataala! Mataru-taru senna' daucculimmu lao ri ada-adanna Allataala! Pada tokko sibawa néné-nénéna; tuli méwai Rohna Allataala!

ROMA 2:4

Iyaré'ga mupandang énténgngi asémpowanna Allataala sibawa asagénang atinna enrengngé asabbaraken-Na iya makkuwaéro loppona? Pasti muwisseng makkedaé Allataala mappaitangngi akessingeng atin-Na nasaba maéloi kuwammengngi mutoba' polé ri dosa-dosamu.

1 PETRUS 1:11

Nasalidikiwi mennang pékkugi sibawa uppanna iyaro gau'é kajajiyang matu, iya nakkattaiyé Rohna Kristus iya engkaé ri laleng aléna. Iyaro wettué nabotoi Roh-Na lao ri mennang passalenna anrasa-rasang iya harusu'é napéneddingi Kristus sibawa passalenna arajan-Na iya maccinrolaé matu rékko purairo.

2 PETRUS 1:21

Saba' dé' naengka paseng polé ri Allataala nabbirittang tolinoé nasaba élo aléna. Iyakiya Rohna Allataala makuwasaiwi tauwé untu' palettu'i paseng polé ri Allataala muto.

2 PETRUS 3:9

Dé' namatengnge Puwangngé mabbéréyangngi aga iya puraé najjanciyang, namuni engka masengngi makkuwaro. Sibalé'na, sabbara'i lao ri iko, saba' dé' namaélo muwi séddi tau binasa. Macinnai kuwammengngi sininna tauwé natoba' polé ri dosa-dosana.