NEHEMIA 9:29 - KITTA KAREBA MADECENG

²⁹ Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

NEHEMIA 9:29 ပူးပေါင်းရင်းမြစ်များ

2 ARUNG-NGARUNG 17:13

Nakiringngi Puwangnge sining surona sibawa nabi-nabin-Na lao ri umma Israélié sibawa Yéhuda untu' palettu'i papparéngngerangngéwé: “Appésauno pogau'i majaé sibawa turusiwi sininna paréntaé sibawa hukkung iya Uwéréngngéngngi toriyolomu sibawa lao ri iko naolai sining nabié, ata-atak-Kuro.”

2 ARUNG-NGARUNG 17:14

Iyakiya Israél sibawa Yéhuda, dé' namaélo méngkalingai. Matedde atiwi mennang pada-pada toriyolona iya dé'é namateppe ri Puwangnge, Allataalana.

2 TAWARIKH 24:19

Nasuroni Puwangnge nabi-nabié mamparengngi mennang kuwammengngi nalisu massompa ri Puwangnge, iyakiya dé' namaélo ra'ya'é méngkalingai.

2 TAWARIKH 33:10

Puwangnge mamparengngi Manasyé sibawa ra'ya'na, iyakiya dé' namaélo mennang maréngkalinga.

2 TAWARIKH 36:15

Puwang, Allataalana toriyolona, makkolik-kolinni pura nasuro sining suro-Na untu' paréngngerangiwi umma'-Na, nasaba Naéloriwi mennang sibawa Bolana.

NEHEMIA 13:15

Iyaro wettué uwitai makkedaé ri esso Saba'é siyagangngaré tau Yéhuda mappara anggoro. Engkato tau mattéké gandong, anggoro, buwa anggoro, buwa ara sibawa barab-barang laing ri kaleddé'na nanatiwii lao ri Yérusalém. Uwattéyangngi mennang mabbalu ri Yérusalém.

NEHEMIA 9:10

Lao ri arung Maséré Mupogau'i gau'-gau' iya dé'é padanna, makkuwatoro lao ri pegawé nenniya ra'ya' wanuwanna, saba' Muwissengngi pékkugi umma'-Mu ripeddiri ri mennang. Nakalabbani asem-Mu lettu essoéwé.

NEHEMIA 9:16

Iyakiya toriyolota matempoi sibawa matedde ati; dé' naturusiwi sining parénta-Mu.

NEHEMIA 9:26

Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

YEREMIA 17:23

Iyakiya toriyolomu dé' namaélo méngkalingai iyaré'ga jampangiwi aga iya Upowadaé. Matedde atiwi mennang, sibawa dé' namaélo mapato iyaré'ga riyampareng.

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 42:19

Nainappa makkedasika, “Purani napparéntang Puwangnge kuwammengngi iko iya risésaé mupa ri Yéhuda dé' mulao ri Maséré. Rimakkuwannanaro uparéngngerangiko makkekkuwangngé

YEREMIA 43:2

Nainappa Azarya ana' Hosaya sibawa Yohanan ana' Karéah enrengngé sininna tau laing iya matempoéro makkeda lao ri iyya, “Mabbelléko. Puwang Allataalata dé' nasuroko mattéyakki untu' lao monro ri Maséré.

YEREMIA 44:10

Iyakiya lettu essoéwé dé' mupakariyawai alému. Dé' mupakalebbi-Ka sibawa dé' mutuwo situru hukkung iya Uwéréngngékko sibawa toriyolomu.

YEREMIA 7:26

Iyakiya dé'gaga méngkalingai iyaré'ga jampangiwi. Mala mancajiko lebbi matedde ati sibawa maja naiya toriyolomu.”

YEHEZKIEL 20:11

Kuwaniro Uwéréng mennang sining parénta-Ku sibawa Upagguruwangngi hukkung-hukkuk-Ku iya harusu'é naturusi mennang, saba' tau iya turusiyéngngi tette'i matu tuwo.

DANIEL 5:20

Iyakiya wettunna mancaji matempo, matedde ati sibawa mabecco, ripasempé'i polé ri kadéra akkarungenna angkanna ateddéngeng arajanna.

HOSEA 6:5

Iyanaro saba'na Usuroi nabi-nabik-Ku untu' palettukekko apettuk-Ku makkedaé harusu'ko rihukkung sibawa ripabbinasa. Iya Uwacinnaiyé polé ri iko matajanni sibawa manessa:

ANGIMANGENG 18:5

Turusiwi sining peraturangngé sibawa hukkung-hukkung iya Uwéréngngékko. Rékko mupogau'i makkuwaéro, salama'i atuwommu. Iyya'na Puwang.”

MATIUS 19:17

Nappébali Yésus, “Magi muwakkutana ri Iyya passalenna aga iya makessingngé? Banna Séddi bawang makessing. Rékko maéloko tuwo, harusu'ko turusiwi parénta-paréntana Allataala.”

LUKAS 10:28

Nakkeda Yésus, “Tongeng pappébalimmu, pogau'ni iyaro, namutuwo matu.”

ROMA 10:5

Naokii Musa makkedaé tau iya simadécéngengngé sibawa Allataala situru hukkung agamaé, iyaro tauwé tuwoi matu nasaba matinului lao ri hukkung agamaéro.

GALATIA 3:12

Iyakiya Hukkunna Agamaé dé' natettong polé ri teppe'é. Ri laleng Kitta'é tarokii makkedaé tau iya pajoppaéngngi hukkunna agamaé, tuwoi matu nasaba hukkungngéro.

ULANGENG 31:21

sibawa maéga abala masero kennai matu mennang. Iyakiya iyaé élongngé tette'i ripuwélong nenniya ripaké selaku asabbiyang lao ri mennang. Mala makkekkuwangngé, ri wettu dé'napa Utiwii mennang ri wanuwa iya Uwajjanciyangngé, Uwisseng pikkiranna mennang.”

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

ULANGENG 4:26

Memmuwaré langié sibawa linoé iyaé essoé mancaji sabbi makkedaé rékko dé' muturusika, lennye'ko matu masitta polé ri tana iya muwonroiyé ri liwenna Salo Yordanro. Dé' matu mumaitta monro kuwaro; ripaccappu sisekko matu.

HAKING-HAKING 6:10

Pura Upowadanno makkedaé Iyya'na Puwang Allataalamu, sibawa makkedaé dé' naweddikko sompai déwata-déwatana bangsa Amorié iya wanuwannaé muwonroi makkekkuwangngéwé. Iyakiya dé' muturusiwi parénta-Ku.’ ”