NEHEMIA 9:26 - KITTA KAREBA MADECENG

²⁶ Iyakiya maronta'i umma'-Mu sibawa dé' naturusiwi, mallupaiwi hukkungngé sibawa peraturam-Mu, mpunoi nabi-nabi iya paréngngerangiyéngngi mennang, sibawa iya suroéngngi mennang lisu ri Iko, Allataalana. Oh Puwang, tungke' siseng towi napakatuna-Ko mennang,

NEHEMIA 9:26 ပူးပေါင်းရင်းမြစ်များ

1 ARUNG-NGARUNG 14:9

Iyakiya mupogau'i ja iya lebbi battowaé naiya napogau'é mennang iya mapparéntaé riyolomu. Musalaika sibawa paompoi cai-Ku ri laleng mébbumu barahala enrengngé dato-dato polé ri bessié untu' risompa.

1 ARUNG-NGARUNG 18:13

Dé'paga naéngkalingai Bapa' makkedaé wettunna Izebél nauno nabi-nabinna Puwangnge, usubbui 100 polé ri mennang ri laleng gowaé – 50 tau ri laleng séddié gowa – sibawa mpéréngngi mennang inanré sibawa énungeng?

1 ARUNG-NGARUNG 18:4

Wettunna Izebél mpunoi nabi-nabinna Puwangnge, iyaé Obaja natulungngi 100 tau nabi sibawa subbui mennang ri laleng gowa-gowaé – 50 tau ri laleng séddi gowa – enrengngé panréi mennang nenniya paénungngi.)

1 ARUNG-NGARUNG 19:10

Nappébali Elia, “Oh Puwang, Allataala Iya Pommakuwasaé, tuli majjamaka banna untu' Alému bawang. Iyakiya umma Israélié najjalékkaiwi assijancinna mennang sibawa Iko. Nabongkara'i mennang sining mézba-Mu sibawa naunoi nabi-nabim-Mu. Banna iyya ritu bawang iya monroé, na makkekkuwangngé maéloi mpunoka!”

2 ARUNG-NGARUNG 21:10

Rimakkuwannanaro naolai sining nabié, ata-atanna Puwangnge, makkedai Puwangnge,

2 ARUNG-NGARUNG 21:11

“Maja senna'i Arung Manasyé. Lebbi majai pangkaukenna naiya pangkaukenna tau Kanaangngé. Nasibawang barahala-barahala iya naébbué, nassabariwi namadosa tau Yéhudaé.

2 TAWARIKH 36:16

Iyakiya nacculé-culéiwi mennang iyaro sining surona Allataala, sibawa cawa-cawaiwi nabi-nabin-Na enrengngé dé' nabati-batiwi ada-adan-Na. Paccappurenna makkuwamani caina Puwangnge lao ri mennang angkanna dé'na laleng massu untu' mennang naleppe polé ri pahukkungenna.

NEHEMIA 9:18

Mébbui mennang barahala pada-padaé saping. Nainappa mennang makkeda, ‘Iyanaé Allataalamu, iya tiwiékko polé ri Maséré, polé ri angatangengngé.’ Oh Allataala, Alému muto napakatuna mennang!

NEHEMIA 9:29

Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

MAZMUR 50:17

Saba' dé' mumaélo tarimai pakkamparek-Ku, sibawa sampéyangngi sining parénta-Ku.

YEREMIA 16:11

Paissengiwi mennang makkedaé Iyya makkeda makkuwaka'é, ‘Nasalai-Ka toriyolomu untu' massompa sibawa mattumani lao ri déwata-déwata laingngé. Dé' najampangi-Ka sibawa dé' namaélo turusiwi peraturang-peraturak-Ku.

YEREMIA 2:30

Paracuma bawang Uhukkukko, saba' dé' mumaélo tarima pakkampareng. Pada-pada singa iya mattengngangngé majjallo, makkuwatoniro iko mpunoi sining nabimmu.

YEREMIA 2:7

Lao ri wanuwa iya macommo'é Uwantara'i mennang untu' péneddingiwi sining wassélé'na sibawa sininna iya makessingngé kuwaro. Iyakiya kuwaro napanajisi'i mennang tana-Ku sibawa appunnangek-Ku napancajiwi mennang séuwa iya mappakaciddi-ciddi'é.

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

YEREMIA 42:19

Nainappa makkedasika, “Purani napparéntang Puwangnge kuwammengngi iko iya risésaé mupa ri Yéhuda dé' mulao ri Maséré. Rimakkuwannanaro uparéngngerangiko makkekkuwangngé

AWATINGENG 3:42

“Madosaki sibawa maronta'ki lao ri Iko, oh Puwang, na dé' Muwabbéré paddampeng.

YEHEZKIEL 20:21

Iyakiya iyaro assossoreng maloloé dé'to naturu lao ri Iyya. Najjalékkaiwi mennang hukkung-hukkuk-Ku sibawa dé' najampangiwi parénta-parénta-Ku, iya tanggungngéngngi makkedaé tau iya turusiyéngngi tette'i tuwo. Narotakiwi mennang esso Saba'é. Rimakkuwannanaro sadiyana untu' leppessangngi ajjallo'na cai-Ku lao ri mennang ri padang kessi'éro sibawa mpuno manengngi mennang.

MATIUS 21:35

Iyakiya iyaro sining pajjamana dare' anggoro'é natikkengngi iyaro sining pattumaninna punna tanaé: Iya séddié nabarasa'i, iya laingngé naunoi, na laingngéssi nagenrungiwi batu.

RIWAYA'NA RASUL-RASUL-E 7:52

Engkaga nabi dé' nacallai néné-nénému? Naunoi mennang sining surona Allataala iya engkaénna riyolo mappallebbangengngi makkedaé Atanna Allataala iya tongengngéro maéloi polé. Na makkekkuwangngé mubali'bellariwi sibawa mpunoi iyaro Atanna Allataala.

ULANGENG 32:14

Saping sibawa bémbé bimbala'na mennang powassélé maéga susu; olokolo'na mennang kaminang makessing, gandong sibawa uwai anggoro'na mennang kaminang magello.

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.

HAKING-HAKING 10:6

Madosasi paimeng umma Israélié lao ri Puwangnge. Dé' mennang najampangiwi Puwangnge sibawa dé'tona nasompani Aléna. Nasompai mennang déwata-déwata Baal sibawa Asytorét, nenniya déwata-déwatana bangsa Siria, Sidon, Moab, Amon sibawa Filistin.