NEHEMIA 9:25 - KITTA KAREBA MADECENG

²⁵ Nasittaiwi umma'-Mu sining bénténg attahangengngé, tana iya macommo'é sibawa bola pennoé asugireng. Sining bujunna sibawa mata uwaina mennang nasittaiwi, palla anggoro, pong zaitun sibawa buwa-buwa laingngé. Macommo'i mennang nasaba manréi siélo ati. Sininna pabbéré-Mu iya makessingngé napéneddingiwi mennang.

NEHEMIA 9:25 ပူးပေါင်းရင်းမြစ်များ

1 ARUNG-NGARUNG 14:9

Iyakiya mupogau'i ja iya lebbi battowaé naiya napogau'é mennang iya mapparéntaé riyolomu. Musalaika sibawa paompoi cai-Ku ri laleng mébbumu barahala enrengngé dato-dato polé ri bessié untu' risompa.

1 ARUNG-NGARUNG 8:66

Ri esso maaruwaé nasuroni Salomo lisu sining tauwéro. Iya manenna mennang pojiwi nainappa lisu ri bolana sibawa ati marennu, nasaba sininna barakka iya puraé nabbéréyang Puwangnge lao ri atan-Na Daud sibawa lao ri bangsa Israélié umma'-Na.

NEHEMIA 9:35

Mubarakkakiwi sining arung iya paréntaéngngi umma'-Mu, wettunna mennang monro ri tana pabbéré-Mu iya malowangngé namacommo. Iyakiya dé' nasalaiwi mennang atuwong iya majaé, dé' namaélo mattumani sibawa massompa ri Iko.

MAZMUR 105:44

Nabbéréyangngi lao ri mennang tanana bangsa-bangsaé, sining dare'na mennang napancajiwi appunnangenna umma'-Na,

MAZMUR 65:11

Mupakkuwaiwi alo rakkalana sibawa Muricakiwi tékké-tékké tanana. Musommokiwi sibawa bosi, sibawa Mutanggungngi tuwo macommo cura'-cura'na.

AMSAL 30:9

Saba', rékko sugika, naullé makkedaka matu makkedaé dé' uwapparelluwakko. Sibawa rékko kasiyasika, naullé ménnauka matu angkanna ucarépai asemmu.”

YESAYA 6:10

Namakkeda-Na lao ri iyya, “Kunruiwi pikkiranna sining tauwéro, pataru-taruiwi daucculinna sibawa pabutai matanna, kuwammengngi aja' nakkita, maréngkalinga iyaré'ga majeppuiwi, nagiling ri Iyya sibawa majjappa.”

YESAYA 63:7

Maéloka mabbirittangngi pammaséna Puwangnge sibawa pojiwi nasaba sininna pangkauken-Na. Nabarakkakiwi umma'-Na sibawa maona, nasaba mapparessé babuwai na pammasé-Na dé' paccappurenna.

YEREMIA 2:7

Lao ri wanuwa iya macommo'é Uwantara'i mennang untu' péneddingiwi sining wassélé'na sibawa sininna iya makessingngé kuwaro. Iyakiya kuwaro napanajisi'i mennang tana-Ku sibawa appunnangek-Ku napancajiwi mennang séuwa iya mappakaciddi-ciddi'é.

YEREMIA 31:14

Upajinnaiwi matu sining imangngé sibawa inanré maonaé; sibawa sininna iya napparelluwangngé umma'-Ku Uwéréngngi matu. Iyya, Puwang, iya powadaéngngi.”

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

DANIEL 11:24

Nagasai matu daéra-daéra iya macommo'é sibawa macéko-céko wettunna pabbanuwana marasa amang kuwaro. Napogau'i matu aga iya dé'éppa napogau'i néné-nénéna. Nainappa natawa-tawangeng matu sining pabbanuwana sininna barang rappaé sibawa asugireng iya nalolongengngé ri laleng musué. Mébbui matu siyasa' untu' gasai onrong-ngonrong iya mabbénténgngé, iyakiya masitta'i matu cappu wettunna.

HOSEA 13:6

Iyakiya engkamuna ri wanuwa iya makessingngé, sibawa messoko enrengngé najinna, mancaji matempoko nainappa muwallupai-Ka.

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

ROMA 2:4

Iyaré'ga mupandang énténgngi asémpowanna Allataala sibawa asagénang atinna enrengngé asabbaraken-Na iya makkuwaéro loppona? Pasti muwisseng makkedaé Allataala mappaitangngi akessingeng atin-Na nasaba maéloi kuwammengngi mutoba' polé ri dosa-dosamu.

ULANGENG 3:5

Iya manenna kotaéro ripakkasse'i sibawa témbo'-témbo' iya matanré, pintu-pintu gerbang sibawa paccala-paccala tange untu' tongkoi iyaro pintu-pintu gerbangngé. Ri lainnaéro engka maéga kota laing iya dé'é naritémbo'.

ULANGENG 32:13

Naébbui mennang makuwasaiwi sining bulué; nanréi mennang wassélé'na sining dare'é sibawa ménung cani liya polé ri bulu-bulu batué. Lolongengngi mennang minnya polé ri pong zaitungngé iya tuwoé ri tana mabbatué.

ULANGENG 32:14

Saping sibawa bémbé bimbala'na mennang powassélé maéga susu; olokolo'na mennang kaminang makessing, gandong sibawa uwai anggoro'na mennang kaminang magello.

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.