NEHEMIA 9:20 - KITTA KAREBA MADECENG

²⁰ Nasibawang akuwasam-Mu iya makessingngé Mupaggurui mennang. Manréi mennang manna sibawa ménungngi uwaié situju genne'é.

NEHEMIA 9:20 ပူးပေါင်းရင်းမြစ်များ

NEHEMIA 9:30

Polé ri taungngé lao ri taungngé sabbara'-Ko paréngngerangiwi; naolai sining nabié, makkedaadai Roh-Mu lao ri mennang. Iyakiya iyaro umma'-Mu nalape'i daucculinna, nainappa Muwabbéréyang lao ri bangsa-bangsaé ri sininna wanuwaé.

MAZMUR 105:41

Napuwé'i bulu batué, nacumpana uwai iya massolo'é pada-pada saloé ri padang kessi'é.

MAZMUR 143:10

Pagguruka pogau'i élo-Mu, saba' Iko ritu Allataalaku. Makessing ati-Ko, sibawa mupimpikka matu ri laleng iya malappaé.

ASSURENG 16:15

Wettunna naita tau Israélié, dé' naissengngi aga iyaro. Namakkutanana séddié lao ri laingngé, “Aga iyaro?” Nanakkeda Musa lao ri mennang, “Iyanaro inanré iya nabbéréyangngé Puwangnge lao ri iko.

ASSURENG 16:35

Iyaro mannaé mancajiwi inanréna tau Israélié patappulo taung ittana mangoloé, narapi lettu ri Kanaan, onronna mennang mattette. (

ASSURENG 16:4

Nakkeda Puwangnge lao ri Musa, “Makkekkuwangngé maélo-Ka panonno inanré iya maonaé pada-padaé bosié untu' iko maneng. Tungke' esso harusu'ko paddeppungengngi iyaro inanré situju genne'é untu' siesso. Nanallalengiro maélo-Ka mojiwi umma'-Ku kuwammengngi Uwissengngi aga mennang naturusiwi parénta-parénta-Ku iyaré'ga dé'.

ASSURENG 17:3

Iyakiya iyaro sining tauwé madekka senna'ni namatteruna mennang mannoko-noko lao ri Musa. Adanna mennang, “Magi mutiwiki massu polé ri Maséré? Kuwammengngi idi, ana'-ana'ta sibawa olokolo'ta matéi nataro dekka?”

ASSURENG 17:6

Maélo-Ka tettong ri yolomu ri yasé'na séddié batu loppo ri Bulu Sinai. Unrui iyaro batué, namassu matu uwai angkanna iyaro sining tauwé weddingngi ménung.” Napogau'ni Musa makkuwaéro nasabbing sining pamimpinna Israélié.

YESAYA 48:21

Wettunna Napimping mennang molai padang iya makabuttué, dé' mennang namanrasa-rasa madekka. Puwangnge puwé'i bulu batué sibawa passolo'i uwai, polé ri batué jompii uwai untu' mennang.

YESAYA 49:10

Dé' mennang namancaji madekka iyaré'ga malupu, sibawa dé' nakennai tire mata esso ri padang kessi'é. Saba' Iyya, passayanna, pimpingngi matu mennang, sibawa dulungngi mennang lao ri bubbu-bubbu uwai.

HAGAI 2:5

Wettummu massu polé ri Maséré, pura-Ka majjanci tuli maélo linrungiko matu. Na makkekkuwangngé Ulinrungi mupo. Jaji, dé' naparelluko manennenneng.

ABBILANGENG 11:17

Maélo-Ka nonno mabbicara sibawa iko ri onrongngéro, na sibagiyang polé ri akuwasang iya Uwéréngngékko, Uwéréngngi matu mennang. Nanaulléni matu mennang duwakko méssangngi tanggung jawa'é ri yasé'na bangsaéwé, nadé'na naparelluko alé-alému méssangngi.

YOHANES 4:10

Nappébali Yésus, “Akkalarapanna muwissengngi pabbéréna Allataala sibawa niga iya méllauwé uwai rinung ri iko, tentu méllau tokko uwai rinung ri Aléna, na-Nawérékko matu uwai tuwo.”

YOHANES 4:14

Iyakiya tau iya ménungngéngngi uwai maéloé Uwabbéréyang, dé'na namadekkana lettu mannennungeng. Saba' uwai maéloé Uwabbéréyang mancajiwi matu mata uwai ri laleng aléna iya jompié massu sibawa mabbéré atuwong mannennungeng.”

ROMA 15:30

Nasaba Puwatta Yésus Kristus, sibawa nasaba pammasé iya nabbéréyangngé Rohna Allataala, uwéllauwi sibawa masero ri iko, tennapodo maccowéko massempajang tonget-tongeng sibawakka lao ri Allataala untu' aléku.

1 KORINTUS 10:3

Manré manengngi mennang nanré rohani iya padaé,

EFESUS 5:9

Saba' polé ri tajangngé ritu mompoi sininna rupanna pangkaukeng iya makessingngé ri pakkitanna Allataala.

YOSUA 5:12

Iyatoro essoé nadé'na nasempé mannaé polé ri langié, sibawa mappésauni tau Israélié manré manna. Mappammulai wettuéro manréni mennang wassélé tanana Kanaan.

2 PETRUS 1:21

Saba' dé' naengka paseng polé ri Allataala nabbirittang tolinoé nasaba élo aléna. Iyakiya Rohna Allataala makuwasaiwi tauwé untu' palettu'i paseng polé ri Allataala muto.