NEHEMIA 9:19 - KITTA KAREBA MADECENG

¹⁹ Namuni ri padang kessi'éro dé' Musalaiwi mennang, nasaba penno-Ko paressé babuwa. Alliri ellungngé sibawa apié dé' Mureddu'i paimeng, panunju lalenna mennang ri essoé sibawa wennié.

NEHEMIA 9:19 ပူးပေါင်းရင်းမြစ်များ

NEHEMIA 9:12

Nasibawang séddi ellung Mupimpingngi mennang ri essoé. Na ri wennié Mutajangiwi lalenna sibawa alliri makkéapié.

NEHEMIA 9:27

na-Muwabbéréyangngi mennang lao ri balinna iya nasibawangngé apéddarang makuwasaiwi sibawa tenre'i. Iyakiya ri laleng asussang iya patenre'é, mangobbii mennang lao ri Iko méllau bantuwang. Polé ri surugaé Muwéngkalingai; nasibawang pammasé Mubaliwi. Kirik-Ko pamimping sibawa pabbarani iya paleppe'éngngi mennang polé ri balié.

NEHEMIA 9:31

Iyakiya nasaba battowai pammasé-Mu dé' padanna, dé' Musalaiwi iyaré'ga Muancuru'i mennang. Mémeng, Ikonaritu Allataala iya dé'é bandinganna; battowai pammasé pappojim-Mu, pennoi paressé babuwa!

MAZMUR 106:45

Nasaba mennang Naéngngerangngi matu assijancin-Na sibawa napojiwi mennang nasaba pammasé-Na iya battowaé.

MAZMUR 136:16

Napimpingngi umma'-Na lalo ri padang kessi'é; mannennungengngi pammasé-Na.

ASSURENG 40:36

Sises-siseng iyaro ellungngé ménré ri yasé'na Kémana Puwangnge, nabongkara'i bangsa Israélié akkémanna mennang untu' létté ri onrong laingngé.

ASSURENG 40:38

Ri wettu solléna bangsa Israélié, engkai Puwangnge ri Kémaéro ri laleng rupa ellung ri essoé sibawa ri laleng rupa api ri wennié.

YESAYA 44:21

Makkedai Puwangnge, “Engngerang manengngi iyaé, éh Israélié, saba' iko ritu atak-Ku. Iyya tappako, sibawa atak-Kuko, Israél, dé' Uwallupaiko matu!

AWATINGENG 3:22

Pammaséna Puwangnge mannennungengngi, dé' naengka nacappu pammasé-Na,

YEHEZKIEL 20:14

Iyakiya dé' Upogau'i nasaba alebbirenna asek-Ku, kuwammengngi aja' naripakatuna asek-Ku ri bangsa-bangsa iya mitaék-Ka tiwii Israélié massu polé ri Maséré.

YEHEZKIEL 20:17

Iyakiya rimunri Uwamaséiwi mennang, angkanna dé' najaji Uwuno mennang ri padang kessi'éro.

YEHEZKIEL 20:22

Iyakiya dé' Upogau'i kuwammengngi aja' naripakatuna asek-Ku ri bangsa-bangsa iya mitaék-Ka tiwii Israélié massu polé ri Maséré.

DANIEL 9:18

Engkalingaki, Oh Allataala, tangngaki sibawa pénessaiwi anrasa-rasatta enrengngé asolangenna kota iya riteppué sibawa asem-Mu. Massempajakki lao ri Iko tenniya nasaba jasa-jasata, sangadinna nasaba pennoko paressé babuwa.

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

MALEAKHI 3:6

“Iyya ritu Puwang, na dé' Utappinra. Rimakkuwannaro iko, wijanna Yakub dé' naripabbinasa.

ABBILANGENG 14:14

nanacuritai matu mennang lao risining tauwé ri wanuwaéwé, iya puraé méngkalingai makkedaé idi, Puwang, sibawakki. Pura toni naéngkalinga mennang makkedaé mappaitakko alé lao ri idi wettummu joppa ri yolota ri laleng alliri ellungngé ri lakessoé, sibawa ri laleng alliri apié ri wennié.

ULANGENG 8:2

Engngerangngi! Patappulo taung ittana Puwang Allataalamu pimpikko ri laleng allalengeng mabélaé molai padang kessi'é. Iyaro allalengengngé nakkattaiwi Puwangnge untu' cobaiko, kuwammengngi Naulléi mitai aga tattampu ri laleng atimmu sibawa aga muturusiwi matu parénta-parénta-Na.

1 SAMUEL 12:22

Purai mattanro Puwangnge, makkedaé dé' namaélo salaiko nasaba purai Napettui untu' pancajiko umma'-Na.