NEHEMIA 9:17 - KITTA KAREBA MADECENG

¹⁷ Dé' namapato mennang, sininna akessingem-Mu nallupaiwi, sibawa sininna pangkaukem-Mu makalallaingngé teddéngngi polé ri paréngngeranna. Nasibawang atempong piléi mennang séddi ketua, untu' tiwii mennang ri Maséré, lisui mancaji ata. Iyakiya Iko Allataala iya pojiyéngngi maddampeng, malampé asabbarakeng, masémpo ati sibawa penno pammasé. Pammasé-Mu dé' padanna; dé' Musalaiwi mennang.

NEHEMIA 9:17 ပူးပေါင်းရင်းမြစ်များ

1 ARUNG-NGARUNG 6:13

Maélo-Ka monro ri laleng bola iya mupatettongngéwé ri tengnga-tengngana umma'-Ku Israélié. Dé' Usalaiwi matu mennang.”

1 ARUNG-NGARUNG 8:57

Tennapodo Puwang Allataalata sibawakki pada-pada nasibawanna toriyolota. Tennapodo dé' Nasalaiki.

2 TAWARIKH 36:13

Pura ripassai Zédékia ri Arung Nébukadnézar untu' mattanro nasabbing Allataala makkedaé matinului matu lao ri Nébukadnézar. Iyakiya rimunri maronta'i Zédékia lao ri Nébukadnézar. Matedde atiwi Zédékia lao ri Puwangnge, Allataalana Israélié. Dé' namaélo salaiwi dosa-dosana sibawa dé' namaélo lisu ri Puwangnge.

EZRA 9:9

Wettutta engka mupa ri laleng angatangengngé, dé' Musalaiki. Muwébbuki riyélori ri arung-ngarung Persia sibawa ripalalo tuwo enrengngé patettongngi paimeng Bola-Mu iya goppo ruttungengngénna mani monroro. Muwérékki allinrungeng kuwaé, ri Yéhuda sibawa ri Yérusalém.

NEHEMIA 9:31

Iyakiya nasaba battowai pammasé-Mu dé' padanna, dé' Musalaiwi iyaré'ga Muancuru'i mennang. Mémeng, Ikonaritu Allataala iya dé'é bandinganna; battowai pammasé pappojim-Mu, pennoi paressé babuwa!

MAZMUR 106:13

Iyakiya masitta'i mallupaiwi pangkaukenna Puwangnge sibawa tinda temméllauwi pangaja-Na.

MAZMUR 106:7

Wettunna ri Maséré dé' napahangngi néné-nénéta; winru-Mu iya mappabengngaé dé' mennang napahangngi. Nallupaiwi matu mennang pammasé-Mu iya maonaé, sibawa ri seddéna Tasi Gelagah maronta'i mennang lao ri Iya Pommatanré.

MAZMUR 130:4

Iyakiya Mupoji maddampeng, kuwammengngi namancaji mateppe tauwé.

MAZMUR 78:10

Najjalékkaiwi mennang assijancin-Na sibawa Allataala, sibawa dé' namaélo tunru lao ri hukkun-Na.

MAZMUR 78:11

Nallupaiwi mennang sining pangkauken-Na, sibawa sining anu makalallaing iya Nappaitangngé lao ri mennang.

MAZMUR 78:38

Iyakiya Allataala mamaséiwi sibawa maddampengengngi umma'-Na, sibawa dé' napaccappui mennang. Makkolik-kolinni natahang cai-Na, sibawa dé' napallessui cai-Na.

MAZMUR 86:15

Iyakiya Iko, oh Puwang, Allataala mamasé sibawa pasayangngé, sabbara, penno pammasé sibawa matinulu.

MAZMUR 86:5

Makessikko, oh Puwang, sibawa mupoji maddampeng, tau iya massempajangngé lao ri Iko tette'i Muwamaséi sibawa pammasé iya maonaé.

ASSURENG 32:9

Uwisseng makkedaé iyaro bangsaé matedde ati senna.

AMSAL 1:24

Purano uwobbi, iyakiya massampéyakko sibawa dé' mumaélo bati-batiwi.

YEREMIA 18:15

Iyakiya umma'-Ku nallupaina, sibawa mattunu dupa untu' barahalaé. Tabbuttui mennang ri laleng mariyoloé iya harusu'é naola mennang, nainappa léssé ri laleng iya dé'éppa namalappa.

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 7:26

Iyakiya dé'gaga méngkalingai iyaré'ga jampangiwi. Mala mancajiko lebbi matedde ati sibawa maja naiya toriyolomu.”

YEHEZKIEL 5:6

Iyakiya Yérusalém purani nasampéyang parénta-Ku na annessana lebbi majai naiya bangsa-bangsa laingngé, mala lebbi dé' namatinulu naiya wanuwa-wanuwaé ri mattulilinna. Najjalékkai Yérusalém parénta-parénta-Ku sibawa dé' namaélo turusiwi hukkung-hukkuk-Ku.”

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

YOEL 2:13

Sapé'i atimmu na aja' pakéyammu.” Gilinno ri Puwang Allataalamu. Malampé sabbara'i sibawa makacuwa Masémpo atiwi sibawa pennoi pammasé. Masennang maddampeng sibawa dé' napojiwi patakkennai pahukkungengngé.

ANGIMANGENG 26:44

Iyakiya ri wetu engkana mupa mennang ri wanuwanna balié, dé' Usalaiwi mennang iyaré'ga Upabbinasa sisengngi. Saba' rékko Upabbinasai mennang, bettuwanna Upettuini assijancik-Ku sibawa mennang, padahal Iyya'na Puwang, Allataalana mennang.

NAHUM 1:3

Mémeng Puwangnge, dé' namasitta macai; iyakiya makuwasa senna towi angkanna nigi-nigi pogau' asalang dé' Napaleppe'i matu polé ri pahukkungengngé. Kégi Puwangnge joppa, kuwaro mompo anginraja; ri onrong ajé-Na makkella, kuwaro awué mancaji ellung.

ABBILANGENG 14:11

Makkedai Puwangnge lao ri Musa, “Siyagapi ittana iyaé sining tauwé méwaka? Gangka kégi mennang dé' namaélo mateppe ri iyya, namuni puraka mébbu makkuwamani égana anu makalallaing ri yelle'na mennang?

ABBILANGENG 14:41

Iyakiya makkedai Musa, “Magi makkekkuwangngé mumaélo majjalékkaiwi paréntana Puwangnge? Dé' mulléi lolongengngi matu!

ABBILANGENG 16:14

Sitongenna dé' mutiwiki ri tana iya macommo'é, iyaré'ga mpérékki sining dare nenniya sining palla anggoro mancaji appunnangeng manata! Makkekkuwangngé maéloko bengnguwakki! Dé', dé' tamaélo polé!”

RIWAYA'NA RASUL-RASUL-E 7:39

Namuni makkuwaro, néné-nénéta dé' namaélo matinulu lao ri aléna. Risampéyangngi ri mennang sibawa macinnana lisu ri Maséré'.

ROMA 9:15

Saba' makkedai Allataala lao ri Musa, “Maélo-Ka mappaitangngi pammasé, sibawa maélo-Ka mappaitangngi paressé babuwaé lao ri tau iya maéloé Upaitang paressé babuwa.”

IBRANI 12:25

Rimakkuwannanaro, atutuko aja' narapii dé' mumaélo méngkalingai iya mabbicaraéro. Mennang iya dé'é namaélo méngkalingai Aléna iya laowé ri linoé palettu'i biritta polé ri Allataala, dé' nawedding lari. Apalagi idi'é iya méngkalingaéngngi Aléna iya mabbicaraé polé ri surugaé! Rékko dé' tamaélo méngkalingai, pékkugi makkulléki wedding leppe'.

1 SAMUEL 12:22

Purai mattanro Puwangnge, makkedaé dé' namaélo salaiko nasaba purai Napettui untu' pancajiko umma'-Na.