NEHEMIA 9:16 - KITTA KAREBA MADECENG

¹⁶ Iyakiya toriyolota matempoi sibawa matedde ati; dé' naturusiwi sining parénta-Mu.

NEHEMIA 9:16 ပူးပေါင်းရင်းမြစ်များ

2 ARUNG-NGARUNG 17:14

Iyakiya Israél sibawa Yéhuda, dé' namaélo méngkalingai. Matedde atiwi mennang pada-pada toriyolona iya dé'é namateppe ri Puwangnge, Allataalana.

2 TAWARIKH 29:6

Toriyolota dé' namatinulu lao ri Puwang Allataalata sibawa napogau'i mennang iya dé'é napésennangiwi atin-Na. Dé' mennang nabati-batiwi Aléna sibawa dé' napaduliwi onrong Naonroiyé.

2 TAWARIKH 30:8

Aja' mumatedde ati pada-pada mennang, iyakiya turusiwi Puwangnge. Laono ri Yérusalém, ri Bolana Puwangnge iya puraé napallaing Puwang Allataalamu untu' Aléna lettu mannennungeng. Laono mai massompa ri Aléna kuwammengngi nasoro cai-Na lao ri iko.

2 TAWARIKH 36:13

Pura ripassai Zédékia ri Arung Nébukadnézar untu' mattanro nasabbing Allataala makkedaé matinului matu lao ri Nébukadnézar. Iyakiya rimunri maronta'i Zédékia lao ri Nébukadnézar. Matedde atiwi Zédékia lao ri Puwangnge, Allataalana Israélié. Dé' namaélo salaiwi dosa-dosana sibawa dé' namaélo lisu ri Puwangnge.

NEHEMIA 9:10

Lao ri arung Maséré Mupogau'i gau'-gau' iya dé'é padanna, makkuwatoro lao ri pegawé nenniya ra'ya' wanuwanna, saba' Muwissengngi pékkugi umma'-Mu ripeddiri ri mennang. Nakalabbani asem-Mu lettu essoéwé.

NEHEMIA 9:29

Muwamparengngi mennang kuwammengngi napatoiwi pappagguruwam-Mu, iyakiya nasampéyangngi hukkum-Mu sibawa matanré ati. Padahal rékko napogau'i hukkum-Mu, pastini ritanggungngi atuwonna. Kapala batui mennang sibawa matedde ati, dé' namaélo maréngkalinga, dé' namaélo turusiwi.

MAZMUR 106:6

Purani madosa pada-pada toriyolota; purani pogau'i majaé sibawa madoraka.

MAZMUR 81:8

Ri laleng asussammu mangobbiko, Naupassalama'ko. Ubaliko polé ri guttu onrok-Ku massubbu, Upojiko ri mata uwai Mériba.

ASSURENG 15:26

Adanna Puwangnge, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu Puwang iya pajjappaékko.”

ASSURENG 32:9

Uwisseng makkedaé iyaro bangsaé matedde ati senna.

AMSAL 29:1

Niga matteru dé' namaélo turusiwi rékko ripangajariwi, séuwa wettu ancuru'i matu sibawa dé'na nawedding ripédécéngina.

YESAYA 48:18

Akkalarapanna mupuriyatiwi sining parénta-Ku, na asaléwangemmu pada-padai salo iya dé'é naengka namarakko, sibawa amaupekemmu pada-padai bombangngé ri tasi'é iya dé'é naengka nappésau.

YESAYA 48:4

Uwisseng makkedaé matanré atiko, matedde ati sibawa kapala batu.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 2:31

Eh umma' Israélié, éngkalingai iyaé ada-adak-Ku. Engkaga naengka pada-pada-Ka padang kessi'é ri alému iyaré'ga pada-pada tana iya mapettang kape'é? Iyakiya magi muwakkeda makkedaé maéloko laluwasa, sibawa dé'na mumaélo lisu ri Iyya?

YEREMIA 7:26

Iyakiya dé'gaga méngkalingai iyaré'ga jampangiwi. Mala mancajiko lebbi matedde ati sibawa maja naiya toriyolomu.”

YEHEZKIEL 5:6

Iyakiya Yérusalém purani nasampéyang parénta-Ku na annessana lebbi majai naiya bangsa-bangsa laingngé, mala lebbi dé' namatinulu naiya wanuwa-wanuwaé ri mattulilinna. Najjalékkai Yérusalém parénta-parénta-Ku sibawa dé' namaélo turusiwi hukkung-hukkuk-Ku.”

RIWAYA'NA RASUL-RASUL-E 7:51

Tenniya culé-culé tedde' atinna Saudara-saudara sibawa watanna matinulu ri Allataala! Mataru-taru senna' daucculimmu lao ri ada-adanna Allataala! Pada tokko sibawa néné-nénéna; tuli méwai Rohna Allataala!

ROMA 2:5

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.

ULANGENG 31:27

Uwisseng mennang matedde ati senna sibawa napoji maronta. Ri wettu tuwoku mupa maronta'i mennang lao ri Puwangnge; apalagi matti, rékko maténa!

ULANGENG 32:15

Mancaji sugii umma'na Puwangnge, iyakiya napoji maronta, macommo-commo mennang, messo inanré. Nainappa mennang nasalai Allataala, Pappancajinna sibawa nasampéyang Pappassalama'na iya poré.

ULANGENG 5:29

Coba rékko mennang tuli mappérasa makkuwairo! Coba rékko mennang tuli napakalebbika sibawa turusiwi sininna parénta-Ku, angkanna mennang sibawa wija-wijanna saléwangengngi untu' mannennungeng!

ULANGENG 9:13

Makkeda towi Puwangnge lao ri iyya, ‘Uwisseng iyaro bangsaé matedde ati senna.

ULANGENG 9:27

Engngerangngi ata-atam-Mu Abraham, Ishak sibawa Yakub, sibawa aja' Mujampangiwi sipa' matedde atinna, jana sibawa dosana bangsaéwé.

ULANGENG 9:6

Ateppe'no makkedaé dé' nabbéréyangngi Puwang Allataalamu iyaro tana commo'é lao ri iko nasaba sitinajako tarimai. Dé'! Ikoé bangsa iya matedde atié.

IBRANI 3:13

Jaji, kuwammengngi nadé' muwi séddi tau polé ri yelle'mu iya ribengnguwangngé ri dosaé angkanna naéwai Allataala, sitinajako sipangajari esso-esso ri wettu tuwota mupa ri laleng wettu iya riteppué “Essoéwé” ri laleng Kitta'é.

IBRANI 3:15

Iyanaé taroki ri laleng Kitta'é, “Rékko iyaé essoé muwéngkalingai saddanna Allataala, aja' mumatedde ati, pada-pada toriyolomu, wettunna maronta lao ri Allataala.”