NEHEMIA 9:13 - KITTA KAREBA MADECENG

¹³ Polé ri langié nonno-Ko ri tompo'na Bulu Sinai, nainappa-Ko mabbicara sibawa umma'-Mu muto. Muwéréngngi hukkung, atoreng sibawa parénta iya adélé'é, tongeng sibawa makkéguna.

NEHEMIA 9:13 ပူးပေါင်းရင်းမြစ်များ

2 ARUNG-NGARUNG 17:37

Tuli turusiwi hukkung-hukkung sibawa parénta-parénta iya puraé Uwokirekko. Aja' mumassompa lao ri déwata-déwata laingngé,

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

MAZMUR 119:137

Adélé'-Ko, oh Puwang, coco'i sininna hukkum-Mu.

MAZMUR 119:160

Tongeng maneng ada-adam-Mu, sininna hukkum-Mu iya adélé'é tette'i mannennungeng.

MAZMUR 119:4

Muwérékki hukkum-Mu, oh Puwang, kuwammengngi naripogau' sibawa matinulu.

ASSURENG 16:23

Adanna Musa lao ri mennang, “Iyanaro paréntana Puwangnge: Baja iyanaritu esso ripallaing untu' mappésau, esso Saba'é, esso iya riyakkasuwiyangengngé lao ri Puwangnge. Aga iya maéloé mupanggang essoéwé, pangganni, sibawa aga iya maéloé muséwong, séwonni. Lebbinna apparelluwammu iyaé essoé, pallaingngi sibawa taroi untu' baja.”

ASSURENG 19:11

Harusu'i mennang sadiyana sangadi. Iyaro essoé maélo-Ka nonno ri tompo'na Bulu Sinai, onrong weddingngé naitaka sininna tauwé.

ASSURENG 20:1

Nanabbicarana Allataala, na iyanaé ada-adan-Na,

ASSURENG 20:22

Puwangnge paréntangngi Musa untu' powadai lao ri bangsa Israélié, “Purani muwita pékkugi Iyya, Puwang, mabbicara lao ri iko polé ri langié.

YESAYA 64:1

Sapé'i langié natanonno, oh Puwang, ébbui sining bulué taggottang ri yolo-Mu,

YESAYA 64:3

Engka naengka Mupogau'i pangkaukeng maseroé, iya dé'é tasenna-sennai. Nonnoko, na ri yolo-Mu taggottangngi sining bulué.

HABAKUK 3:3

Iko Allataala Iya Pommapaccingngé polé ri Téman, Poléko ri buluna Paran. Nasalipuriwi langié arajam-Mu; pennoi linoé sibawa pappojiyang untu' alé-Mu.

ROMA 7:16

Rékko upogau'i gau'-gau' iya siéwaé sibawa cinnaku, bettuwanna iyaro uwangakuiwi makkedaé iyaro hukkunna agama Yahudié makessingngi.

ULANGENG 33:2

“Polé ri Bulu Sinaiwi Puwangnge; mompoi ri yasé'na Edom pada-pada mata essoé sibawa polé ri Bulu Paran tappai umma'-Na. Risibawangngi ri seppulo sebbu malaéka'; malluwa apié ri seddé ataunna.

ULANGENG 4:33

Engkaga naengka bangsa iya tette'é tuwo purana naéngkalinga séuwa déwata mabbicara lao ri mennang polé ri apié, pada-pada iya mupéneddingiyé?

ULANGENG 4:36

Polé ri langié napparéngkalingangngi saddanna lao ri iko untu' pagguruko; ri linoéwé purani nappaitang lao ri iko apinna iya maseroé, sibawa polé ri apiéro mabbicarai lao ri iko.

ULANGENG 4:8

Sibawa bangsa battowa nigana iya mappunnaiyé hukkung-hukkung iya makkuwaémmani adélé'na pada-pada hukkung-hukkung iya upagguruwangngékko essoéwé?

ULANGENG 5:4

Polé ri apié ri yasé'na buluéro Puwangnge maélo mabbicara sibawa iko.