NEHEMIA 9:12 - KITTA KAREBA MADECENG

¹² Nasibawang séddi ellung Mupimpingngi mennang ri essoé. Na ri wennié Mutajangiwi lalenna sibawa alliri makkéapié.

NEHEMIA 9:12 ပူးပေါင်းရင်းမြစ်များ

NEHEMIA 9:19

Namuni ri padang kessi'éro dé' Musalaiwi mennang, nasaba penno-Ko paressé babuwa. Alliri ellungngé sibawa apié dé' Mureddu'i paimeng, panunju lalenna mennang ri essoé sibawa wennié.

MAZMUR 105:39

Ripallebbakengngi ellung ri Allataala untu' cinaungiwi umma'-Na, sibawa api untu' tajangiwi ri wennié.

MAZMUR 107:7

Napimpingngi mennang molai laleng malempué lao ri onrong riyonroiyé ri kotaé.

MAZMUR 143:8

Paréngngerangika élé-élé pammasé-Mu, saba' ri alé-Muka mamménasa. Jellokekka laleng iya harusu'é uwola, saba' ri alé-Muka massempajang.

MAZMUR 78:14

Nadulungngi mennang sibawa ellung ri essoé enrengngé nasibawang tajanna apié puppu benni.

ASSURENG 15:13

Mupimpingngi bangsa iya puraé Mupassalama'é, nasaba matinuluko ri jancim-Mu. Nasibawang awatangeng battowa Mulinrungiwi mennang, sibawa Mupimpingngi lao ri tana-Mu iya mapaccingngé.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

ABBILANGENG 9:21

Biyasa iyaro ellungngé banna monro mappammulai arawéng narapi élé, na wettunna iyaro ellungngé ménré ri éléé, joppani mennang. Uppanna ménré iyaro ellungngé, muwi esso iyaré'ga wenni, joppai mennang.

ULANGENG 1:33

iya joppaé ri yolomu untu' sapparekko onrong makkéma. Najellorekko laleng ri wennié sibawa alliri api, sibawa ri essoé ri laleng alliri ellung.”