NEHEMIA 9:11 - KITTA KAREBA MADECENG

¹¹ Untu' mébburengngi laleng umma'-Mu, Mupuwé'i tasi'é; Mupalliwengngi mennang lalo ri borina tasi iya dé'é namarica. Sining pallellunna tallemme'i ri laleng uwai iya maliyungngé, pada-pada batu tallemme'é ri laleng tasi makarame'é.

NEHEMIA 9:11 ပူးပေါင်းရင်းမြစ်များ

MAZMUR 66:6

Napinrai tasi'é mancaji tana rakko, nalléttoiwi toriyolota sibawa mallaleng. Natamarennu nasaba pangkauken-Na.

MAZMUR 78:13

Napuwé'i tasi'é, nainappa mallétto mennang; Napatettongngi uwai pada-pada téppo'é.

ASSURENG 14:14

Puwangnge matu méwangekko, na iko dé'na naparellu pogau' aga-aga.”

ASSURENG 14:25

Naébbui padati-padati karétana mennang masolang, angkanna sipanrasa-rasani mennang maju. Makkedani tau Maséré'é, “Puwangnge mammusu untu' tau Israélié méwaki. Laono mai talari polé kuwaé!”

ASSURENG 14:29

Iyakiya wettunna tau Israélié malléttoiwi tasi'é, joppai mennang ri borina iya marakkoé, na uwai sinrupai témbo'é ri ataunna sibawa abéyona.

YEREMIA 32:20

Riyolo Mupogau'i makalallaingngé sibawa gau'-gau' dé'é padanna ri Maséré, na muwi lettu makkekkuwangngé matteru Mupo pogau'i, muwi ri yelle'na tau Israélié iyaré'ga ri yelle'na sininna bangsa laingngé. Rimakkuwannanaro Mutarompono makkekkuwangngé kégi-kégi.

1 KORINTUS 10:1

Saudara-saudara! Sitinajai naéngngerang Saudara aga iya kajajiyangngé lao ri néné-nénéta wettunna mennang naccowériwi Musa. Rilinrungi manengngi mennang ri ellungngé, sibawa salama'i malléttoiwi Tasi' Cella'é.

IBRANI 11:29

Nasaba mateppe'i, nasining tau Israélié naulléi malléttoiwi Tasi' Cella'é, samanna mennang joppai ri yasé'na tana iya marakkoé, nasining tau Maséré'é riyemme'i ri tasi'éro, wettunna mennang nacoba malléttoto.

WAHYU 18:21

Purairo, séddi malaéka' iya poré makka séddi batu – silloppo batu allélurengngé iya battowaé – nainappa naggenrungeng ri lalenna tasi'é sibawa makkeda, “Makkuwaniyé carana kota Babél iya tassebbo'éro maélo riyaggenrungeng sibawa masero, angkanna dé'na nariruntu paimeng.