NEHEMIA 9:1 - KITTA KAREBA MADECENG

^1-2 Ri tanggala duwappulona eppa ulengngéttoro, maddeppungenni ra'ya' Israélié. Mappuwasani mennang untu' mappaitangngi assesekalénna lao ri dosa-dosana. Napallainni aléna polé ri sininna tau laingngé. Selaku tanrang masussa, pakéi mennang kaing karung sibawa guguriwi ulunna tana. Nainappa mennang tettong sibawa mangakuiwi sininna dosana sibawa dosana toriyolona mennang.

NEHEMIA 9:1 ပူးပေါင်းရင်းမြစ်များ

2 SAMUEL 1:2

Pappa bajanana, poléni séddi kallolo polé ri akkémanna Saul. Selaku tanrang mabbarata nasapé'ni pakéyanna sibawa taro tana ri ulunna. Laoni ri Daud sibawa suju' ri yolona.

2 TAWARIKH 20:3

Namétauna Yosafat nainappa massempajang méllau panunju polé ri Puwangnge. Nainappa napparéntang kuwammengngi nappuwasa sininna ra'ya'é.

2 TAWARIKH 7:10

na pappa bajana, ri tanggala 23 uleng pitu, nasuroni Salomo sining tauwéro lisu. Marennuni mennang nasaba sininna makessingngé iya napogau'é Puwangnge lao ri bangsa Israélié umma'-Na, lao ri Daud sibawa lao ri Salomo.

EZRA 8:21

Na ri wirinna Salo Ahawaro uwappallebbangenni makkedaé harusu manengngi mappuwasa sibawa pakariyawai aléna ri yolona Allataala. Massempajakki kuwammengngi napimpikki Allataala ri laleng allalengengngéro, nenniya nalinrungiki, ana'-ana'ta sibawa sininna appunnangetta.

EZRA 8:23

Namappuwasani sibawa massempajang ri Allataala méllau allinrungen na Natarimani paréllautta.

NEHEMIA 8:2

Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

ESTER 4:3

Makkuwatoro ri sininna propinsié, mpatinni sining tau Yahudié purana riyappallebbangeng paréntana arungngé. Mappuwasani mennang, teri sibawa maddararing, na maéga ri yelle'na mennang pakéi kaing karungngé sibawa léwu ri tompo'na awué.

AYUB 2:12

Iyakiya wettunna polé mabéla mupi naitai mennang, céddé'i dé' narupani. Terini mennang sibawa macenno sibawa sapé'i pakéyanna enrengngé massiyamporeng awu ri yelle'é sibawa ri ulunna.

YESAYA 22:12

Ri wettuéro Puwang Iya Pommatanré sibawa Pommakuwasaé suroko teri sibawa mpating, maccukkuru gemme sibawa paké kaing karung.

YOEL 2:12

Makkedai Puwangnge, “Iyakiya makkekkuwangngéwé, lisuno ri Iyya sibawa sukku ati, sibawa mappuwasa, mpating nenniya teri.

ANGIMANGENG 23:39

Puranana éngngalangngé, mappammulai tanggala seppulo lima uleng pitu, harusu'ko pakangka ramé-ramé pitungngesso ittana. Ri esso iya mammulangngé sibawa iya maaruwaé iyanaritu esso iya ripallaingngé untu' mappésau.

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.

WAHYU 11:3

Maélo-Ka suroi duwa tau sabbik-Ku iya mappaké pakéyang mabbarata, sibawa nappallebbangengngi matu mennang birittanna Allataala 1.260 esso ittana.”

HAKING-HAKING 20:26

Nalaosi umma Israélié ri Bétel sibawa teri lao ri Puwangnge. Mappuwasani mennang kuwaro narapi wenni sibawa makkasuwiyangeng akkarobangeng ritunu lao ri Puwangnge.

1 SAMUEL 4:12

Séddi tau polé ri suku Bényamin lari polé ri ammusurengngé lao ri Silo, nalettu kuwaro ri essoéttoro. Selaku tanrang asarang, purani nasapé-sapé pakéyanna sibawa nataroi tana ulunna.

1 SAMUEL 7:6

Namaddeppungeng manenna mennang ri Mizpa. Séro'ni mennang uwai nainappa natiri selaku pakkasuwiyang lao ri Puwangnge, nainappa mennang mappuwasa puppu essoéro. Nakkedana mennang, “Madosani lao ri Puwangnge.” (Ri Mizpa ritu Samuél mappammula pettuiwi parakara-parakara assisalanna tau Israélié.)