NEHEMIA 8:9 - KITTA KAREBA MADECENG

⁹ Naéngkalingana abbacangenna Hukkungngéro, messé senna'ni ra'ya'é, nainappa teri. Na gubernur Néhémia sibawa Imang Ezra ahli Hukkungngéro, enrengngé sining tau Léwi iya pakatajangngéngngi Hukkungngéro, powadai lao ri sininna ra'ya'é makkuwaé, “Iyaé essoé, esso ripallaing untu' Puwang Allataalamu, jaji aja' mumasara iyaré'ga teri.

NEHEMIA 8:9 ပူးပေါင်းရင်းမြစ်များ

2 ARUNG-NGARUNG 22:11

Naéngkalingana lise'na iyaro kitta'é, nasapé-sapé'ni arungngé pakéyanna nasaba messéi.

2 ARUNG-NGARUNG 22:19

massesse kaléko sibawa pakariyawai alému ri yolo-Ku. Purani uwancang untu' hukkungngi Yérusalém sibawa pabbanuwana. Maélo-Ka pancajiwi iyaro kotaé séddi pakkitang iya mappakatau-taué, sibawa asenna Yérusalém Upancajiwi matu aseng abusungeng. Iyakiya wettunna muwéngkalinga passalenna ancamak-Kuro teriko sibawa sapé'i pakéyammu tanrang masara. Purani Uwéngkalinga sempajammu,

2 TAWARIKH 15:3

Maitta senna'ni Israélié dé' nassompa ri Allataala iya tongengngé, dé' nappunnai hukkung-hukkung iya harusu'é riturusi, sibawa dé' nappunnai imang-ngimang iya pagguruéngngi mennang.

2 TAWARIKH 30:22

Iyaro sining tau Léwié makkuwamani accana pimpingngi assompangngé lao ri Puwangnge, angkanna Hizkia pojiwi mennang. Labe'nana 7 esso ittana mennang péneddingiwi inanré polé ri ramé-raméro sibawa makkasuwiyangeng akkarobangeng untu' mattarima kasi lao ri Puwangnge, Allataalana toriyolona,

2 TAWARIKH 34:19

Naéngkalingana lise'na kitta'éro, nasapé-sapé'ni pakéyanna arungngé nasaba messéi.

2 TAWARIKH 34:21

“Laono makkutanangekka ri Puwangnge sibawa untu' sining tau iya engkaé mupa ri Israél sibawa Yéhuda passalenna lise'na kitta'éwé. Macayii Puwangnge lao ri idi nasaba dé' napajoppai toriyolota sining parénta iya tarokié ri lalenna.”

2 TAWARIKH 35:3

Sining tau Léwi iya puraé ripallaing untu' Puwangnge, sibawa iya mancajiyé guru-gurunna Israélié lolongengngi paréntaéwé polé ri Yosia, “Taroi Petti Assijancinna Puwangnge iya mapaccingngéro ri laleng Bolana Puwang iya napatettongngé Arung Salomo ana' worowanéna Daud. Aja'na mupalétté-létté'i. Tumaningiwi Puwang Allataalamu sibawa bangsa Israélié umma'-Na.

EZRA 2:63

Gubernurna daéra Yéhuda mattéyangngi mennang manréi inanré iya riyakkasuwiyangengngé lao ri Allataala, narapi engka séddi imang iya mullééngngi méllau panunju sibawa paké Urim sibawa Tumim.

EZRA 7:11

Iyanaé sure'-sure' iya nabbéréyangngé Arung Artahsasta lao ri Ezra, séddiwi imang sibawa ahli Hukkung.

NEHEMIA 10:1

Tau bunge' tékéngngéngngi iyanaritu Gubernur Néhémia ana' Hakhalya. Nainappa maccinrola Zédékia. Purairo sining tau mangoloéwé tékéng towi:

NEHEMIA 12:26

Iyaro mennang tuwoi ri wettunna Yoyakim ana' Yésua sibawa eppona Yozadak sibawa ri wettunna Gubernur Néhémia sibawa Imang Ezra, ahli Hukkungngéro.

NEHEMIA 7:65

Nattéyang mennang ri gubernurna daéra Yéhuda manré inanré iya riyakkasuwiyangengngé lao ri Allataala, narapi engka séddi imang iya mullééngngi méllau panunju sibawa paké Urim sibawa Tumim.

NEHEMIA 7:70

Maéga ri yelle'na ra'ya'é mabbéré sumbangeng untu' ringengiwi ongkoso appédécéngenna Bolana Puwangnge: polé ri gubernur-é: – 8 kilo ulaweng 50 mangkok upacara 350 jumba imang polé risining kapala appangngé: – 168 kilo ulaweng 1.250 kilo péra' polé risining tau laingngé: – 168 kilo ulaweng 140 kilo péra' 67 jumba imang.

NEHEMIA 8:2

Nanatiwini Ezra iyaro kitta'é ri yolona jema'é, worowané, makkunrai sibawa ana'-ana' iya balléré'énna untu' mappahang.

PAKKATOBBA 3:4

Allataala pattentui wettu untu' teri sibawa wettu untu' macawa, wettu untu' mpating sibawa wettu untu' séré-séré,

YESAYA 61:3

untu' mabbéré arennung sibawa ariyo-riyong lao ri tau iya messé sibawa mabbarataé; untu' pinrai amessénna mennang mancaji élong pappojiyang. Pada-padai matu mennang aju iya alénaé Puwangnge tanengngi. Napogau'i matu mennang iya makessingngé sibawa tongengngé, angkanna Puwangnge ripakaraja.

HOSEA 4:6

Iko, sining imangngé, dé' mupaduli-Ka, na umma'-Ku dé'to napaduli-Ka angkanna macilaka mennang. Musampéyangngi sining pappagguruwak-Ku. Jaji, Usampéyang tokko matu, sibawa ana'-ana'mu dé' Uwangakuiwi matu selaku imang-ngimak-Ku.

MALEAKHI 2:13

Na iyaé pangkaukemmu iya laingngé. Mupalleriwi mézbana Puwangnge sibawa uwai mata; teriko sibawa mpating nasaba dé' napuwéloi Puwangnge tarimai sining akkarobangemmu.

ROMA 3:20

Saba' dé' séddi tau makkullé simadécéngeng Allataala nasaba iyaro tauwé nattuwangngi gau'-gau' iya engkaé ri laleng hukkunna agamaé. Sibalé'na iyaro hukkung-hukkungngé banna najjellokengngi lao ri rupa tauwé makkedaé madosai rupa tauwé.

ROMA 7:9

Iyya riyolo tuwoka temmakké hukkung agama. Iyakiya wettunna mompo hukkung agamaé, mammulani tuwo dosaé

ULANGENG 12:12

Arennuno ri yolona Puwang Allataalamu, silaong ana'-ana'mu, ata-atammu sibawa sining tau Léwié iya monroé ri kota-kotamu, nasaba tau Léwié dé' nalolongeng bagiyang tana ri wanuwammu.

ULANGENG 12:7

Kuwatoniro, ri yolona Puwang Allataalamu, iko silaong kaluwargamu harusu manréi sibawa marennu nasaba usaha-usahamu iya papolé wassélé nasaba nabarakkakiwi Puwang Allataalamu.

ULANGENG 16:11

Ri yolona Puwang Allataalamu, ri onrong iya Napilé, harusu'ko marennu silaong ana'-ana'mu, ata-atammu sibawa tau Léwié, tau laingngé, ana' béué sibawa sining janda iya monroé ri kota-kotamu.

ULANGENG 26:14

Polé ri pakkasuwiyangngéro dé' muwi céddé iya uwanré wettukku mabbarata, iyaré'ga utiwi ri saliwempola wettukku najisi', iyaré'ga uwabbéréyang selaku ripatala lao ri tau maté. Mapatona lao ri Iko, oh Puwang; sininna iya Muwapparéntangngé purani upogau'.

YAKOBUS 4:9

Sitinajako tonget-tongeng massesse kalé sibawa teri enrengngé mpating; sitinajai cawamu mancaji teri sibawa arennummu mancaji atassinnaureng!